راح بسرعه صوب الحديقة وهو يحس بضيق وقهر
جاف وحده يالسه ف الحديقه ويوم دقق اتأكد انها روضة واتذكر ان يوم رفع راسه روضة كانت مب موجوده!!
قرب من روضة وجاف ويهها مغطاي بالدموع
يلس جدامها
روضة مسحت دموعها بسرعه
هزاع تم يسولف وياها ويحاول يضحكها بس بحدود مب نفس قبل
ردت روضة للباقين وهزاع راح غرفته
جاف بطي داخل
هزاع : ليش تتطالعني؟؟
بطي : هديت روضة صح؟
هزاع بلع ريجه : هي
بطي : دامك تحبها، ليش تودرها
هزاع : هي طلبت ه الشي
بطي : روضة؟؟
هزاع : هي
بطي : الله يصبركم
هزاع : امين (ابتسم)،، قلتلها عديني مثل اخوج وانتي غلاتج من غلا هند
بطي : هزااع!! ليش تجذب عليها؟ انت تعرف ان غلاتها ف قلبك تتعدى الكل
هزاع نزل راسه : احبها والله احبها واغليها واموت عليها بس شسوي
بطي راح يلس جدامه
بطي كمل عقب صمت : جفتها وهي تصيح !!
هزاع : متى ؟
بطي : مادري قبل لا تيي بشوي رحت الحديقه ورا وحصلتها هناك تصيح وحاولت بها تتكلم ما طاعت وتعرفني كيف احن،، يعني عقب حن وزن تكلمت وقالت انكم بتودرون بعض، حاولت اهديها واصريت انها ترجع عند الباقيين، عقب يوم انت ييت يلسّت شوي واختفت
هزاع تنهد : ترا امايه زختنا
بطي : ها
هزاع : والله
بطي : كيف؟
هزاع : اااهههه،، كنت اكلمها ع الفون وصوتي كان شوي عالي وامي سمعتنا، واليوم تمت تكلمنا نحن الاثنين ويتني روضة وقالتلي نحن لازم نفترق وبس
بطي : ليش تقولها وجنك هب مهتم
هزاع : لاني ...،، ماعرف
بطي : قلتلها احمدي ربج يوم يعدج مثل هند مب عنود
هزاع اتطالعه باستغراب
بطي : لان هند شي وايد غالي ف حياتك
عقب اربع ايام
الظهر ف المييلس
هزاع مقهور ويتطالعه بكره،، عض ع شفايفه بقهر وهو شاد ع ايده
كان يتطالع حمدان و روضة،، حمدان كان يسولف وياها ويضحك وهزاع كان يغلي من داخله،، وبطي عداله
