هزاع طلع ع اساس بيرد البيت
سمع صوت حد يزقره
روضة : هزاع هزاع
هزاع : هلا
روضة قربت منه : كليت؟
هزاع : هي
روضة : بالعافيه
هزاع : الله يعافيج،، امري تبين شي؟
روضة : سلامتك بس كنت بسلم عليك
هزاع : رواضتي
روضة : هلا هزاع
هزاع نزل راسه : روضة بقولج شي (رفع راسه بهدوء)
روضة : قول
هزاع : روضة بطي مريض
روضة : بسم الله، بلاه؟
هزاع : عنده مشكله ف التنفس،، و وايد تعبان، ف مضطرين نسفره، انا ونهيان وبطي
روضة : وين و متى؟
هزاع : امريكا، اليمعه
روضة : ها؟ كم بتمون هناك؟
هزاع : مادري والله، اسبوعين ثلاث او شهر شهرين او حتى ست شهور،، والله مادري
روضة : انزين ودراستك؟
هزاع : ترا نحن الردي بندرس هناك
روضة : اها
بعد صمت
روضة : وانا؟
هزاع : انتي قلبي،، رواض ادري صعبه جيه فجأه اودرج،، والاصعب ان الوقت غير،، يعني انتي بتدخلين الجامعه ماروم اسهرج نفس قبل،، بحاول اكلمج كل يوم بس ما اوعدج ادقلج كل يوم
روضة نزلت راسها
هزاع : ما كنت بقولج عشان ما اضايق بج،، بس مضطر والله
روضة : انا متفهمه موقفك،، واعرف ان بطي هو اغلى ما تملك،، وان شاء الله يقوم بالسلامه
هزاع : ان شاء الله
روضة : اييهه ويت صح،، تريا لا تروح بييك
هزاع : اوكيه
روضة دخلت غرفتها يابت كيس صغيره وطلعت
هزاع : شنو هذا؟
روضة : هاي هديتك
هزاع : هدية شوه؟
روضة : هاي اللي خذتها وقلت انها ل سلطان،، بس ترا خذتها لك
هزاع ابتسم : فدييتت روحج،، مشكورة
روضة : ما بيننا
هزاع : يله انا بترخص
روضة : مرخوص
هزاع : تبين شي حبيبتي؟
روضة : سلامتك
هزاع : الله يسلمج،، مع السلامه
