دخلت روضة البث
هزاع : اناا جييتت
مهير ضحك : حيااك
هزاع : انزين وين كنا،، هي متى و وين
مهير : اليوم عند عزبة خلفان
هزاع : لا اليوم ماروم
مهير : ليش شو عندك
هزاع : بطي تعبان يا ريال
مهير : هي صح كنت بسألك بطي وين عنك
هزاع : امس كنا طالعين ويوم ردينا طاح محموم ورحنا المستشفى وسالفه،، احين هو راقد
مهير : رقاد العوافي وما يجوف شر
هزاع : الشر ما اييك
مهير : هي عيل طالعين بدونيي،، دواكم
هزاع : مع الاهل،، ها شو فيه ناشب ياخي جنه حرمتيه
مهير ضحك : يا ريال احبك شسوي
هزاع وهو يضحك : سر سر عني
مهير : سرت
هزاع مسك دقنه : قسم بالله ماعرف ليش جيه ويهي مفقع وانا ناش من ساعه
مهير : عنبوك ديك شو،، راقد متأخر ورايح المستشفى وقاايم الساعه اربع؟؟ شو من بشر انت؟
هزاع : وانت شعليك وقتي من كيسك وانا ماعرف
مهير : لا بس ياخي مب زين
هزاع : برايني ،، اقولك بروحي نايم غصب ياني نهيان قاللي ارقد
مهير : انزين؟
هزاع : قلتله ليش؟ قال بو محمد عازمننا باجر الظهر وجيه،، انا حاولت ارقد لين يوم الرقاد بس ما رمت جان اروح الصيدليه وقلتله عطني بندول نايت،، طبعاًالناس ياخذون حبتين وانا خذت اربع ومع جيه قمت من وقت
مهير : هزاع مب زين لك انت بروحها ك...
هزاع قاطعه بسرعه : جب
مهير : شو
هزاع : في واحد ما اباه يعرف ف البث
مهير : هييي
هزاع : انزين وانت علوم رقادك؟
مهير : ماشي موااصل
هزاع ضحك : يأمرون الناس بالمعروف وينسون انفسهم
مهير : ياخي كنت مع صفر خمسات
هزاع : هييي،، الله يعينك والله
مهير : هزاع ليش ما تدخل درب صفر خمسات
هزاع : بسم الله وشو ابا فيه انا،، خلوني لنفسي،، رحت عزيمه قالولي هزاع بن ... اوه كنت بقول اسم ابويه،، (ضحك) المهم هزاع شحالك تعال غنم قهوه على عمتك،، ان شاء الله،، عمتيه تقول مشكور حبيبي نخدمك وانت معرس،، اييلس مكان هزاع انت تحب ،، ياااخخيي شوو تبوونن بيي
