إشعار من نوع خاص
بقلم نوران محفوظ
البارت السادس عشر الجزء الأول
سيلا ركزت ع الباب وهى مستنيه تشوف مين ريان وعايز حور ف ايه
او يقرب لحور ايه
بصت بنظره سريعه ع حور الا واضح عليها الارتباك والفرح بس ف لحظه رسمت الثبات
بصت عليها بغيظ ولفت وشها للباب وهو بيفتح شافت شاب ف عمر الثلاثين هيئته جذابه ونزلت نظرها للأرض وهى بتستغفر ومشافتش ملامحه
يوسف وقف وهو بيقول : نورت يا استاذ ريان
اتفضل
هز رأسه وهو بيقول: المكتب منور بصحابه والا فيه يا باشمهندي يوسف
بص ع حور وهى بيضحك نص ضحكه وقال وهو بيمد ايده : اهلا يا مدام حور
حور وقفت وهى مبتسمه وقالت بضحكه : مش بسلم ع حد بإيدى سورى أصل جوزى بيغير
همست سيلا بغيظ : بس مقضيها ضحك ع الفاضى والمليان
ريان رد بجديه وقال : يلا
حور بصتله بإستنكار رغم انها كانت متوقعه أنه جاى ياخدها ويمشى وقالت : هو ايه الا يلا انا لسه عندى شغل هنا لو مستعجل اتفضل وانا هاجى وراك بس لو فاضى ممكن تستنانى هنا ع مخلص
حط ايده ع رقبته بغيظ وتعب وقال وهو بيقرب منها بصوت واطى : لو عاوز أخليكى تمشى من هنا
هعمل كده بس براحتك خلصى شغلك وانا هقعد هنا استناكى
شاور ع الكنبه الا موجوده ف المكتب
حور رسمت بسمه مزيفه وهى بتقول : براحتك
وبعدين انا مطلبتش منك تيجى
قعد وهو بيقول : زى ما قولتى كده براحتى
حور لفت وشها بغيظ ورسمت بسمه هاديه وهى بتقول ليوسف: تمام نبدأ
يوسف كان بيراقب الا بيحصل وطريقه حور مع جوزها وردود ريان المختصره وكل الا كان عايز يعمله انه يضحك وبس
سيلا ابتسمت ع طريقه حور وريان بس مستغربه ازاى ريان صابر عليها كده
بدأت تركز مع يوسف وحور وهما بيشتغلوا
حور رسمت بسمه بسيطه وهى بتقول: مقولتيش ايه رأيك يا سيلا
بدأت سيلا تدخل ف الحوار بس بسيط وتركيزها بقا أكبر
يوسف كان تركيزه متضاعف بحيث انه يخلى سيلا تشارك ف الشغل وتتكلم معاهم
حور لفت تشوف ريان الا من اول ما قاعد ومتكلمش
فلقاته حاطط رأسه بين اديه ومغمض
فغمضت عيونها بتعب عليه وقالت : كده كل حاجه تمام يا يوسف
يوسف هز رأسه وقال: ايوه كله تمام بس هنحتاج نروح الموقع و نتأكد من كل حاجه
حور وقفت وهى بتقول : تمام ابعت المواعيد الفاضيه عندك لمكتبى علشان احدد معاد
استأذن انا
ريان وقف وقرب منها وهو بيبصلها ببرود
يوسف قال بإقتراح : ممكن تقبلوا عزومتى ع الغدا
حور رفعت عيونها لريان وقالت : معلش يا يوسف انت شايف ريان جاى من الشغل على هنا غير انى مرهقه من الشغل والحمل خليها وقت تانى نتفق عليه بعدين
يوسف هز رأسه بتفهم ومد ايده وهو بيقول : تشرفنا يا استاذ ريان
ابتسم وهو بيقول : الشرف ليا يا باشمهندس
ريان رفع عيونه وهو بيقول : تشرفنا يا مدام
مش مراتك بردوا
سيلا هزت رأسها
يوسف هز رأسه بتأكيد: ايوه مراتى الباشمهندسه سيلا مختار
ضحك وهو بيقول: باين انك لسه ف البداية
هز رأسه بتأكيد وقال بضحك : واضح إنك عايز تحذرنى بس المشكله إن لبست خلاص
ريان ضحك وهو بيقول: بس ممكن انصحك
يوسف رد وهو بيقول: اكيد هحتاج نصيحتك مش بيقولوا اسأل مجرب ومتسألش دكتور اهو انت جيتلى ف الجون
ريان ضحك وهو بيهز رأسه وبيصتنع الجديه : تمام
حور شدت ايد ريان وهى بتقول : مش يلا
