. السلام عليكم ورحمة الله وبركاته
ف أسأله كتير وصلتنى ع البارت الا فات لما قولت تعرفونى ايه الا مقتنعين بيه وايه لا
طب يا جماعه انتوا مستنين انى كل مره أسألكم يعنى ولا ايه
انا فاتحه مجال المناقشه ع كل بارت مش قفلاه مش مقتنع بحاجه او مشهد معينه اعلق ع الفقره واستفسر عنها مش اسيبها لبعدين طب ما انا لما اقرى البارت الا بعده هيبقى مترسخ جوايا انى مش مقتنعه ومش هبقى مستمتعه ففى اى وقت اسألى ع البارت او الفقره
مش عايز اسأل اصلى خايفه الكاتبه تحرجنى او
طب يا حبيبتى ده مش اسلوبى انا برد ع الكل بكل احترام وذوق حتى لو كان الا بتقوليه نقد عادى والله
ولو ضاقت قوى انا برد خاص ع الفنز بس ابقى عارفه إن ده حد من الفنز يعنى ادخلى قولى هو ليه يوسف او بمعنى ادخلى ف صلب الموضوع ع طول
نيجى بقا للأهم
ف أسأله ناس منكم سألتها وانا جاوبت عليها بس متأكده ف ناس كتير مستنيه إجابتها بردوا
يوسف غلط لما ساب رودى وهى ف المحنه دى ؟
يوسف مسبهاش والدها سأل واصر وهو جاوب والبارت الا جاى بقا هيوضح الحته دى اكتر
يوسف غلط لما ساب رودى علشان خرجت من غير ما تقوله ؟ هو انا قولت يوسف ساب رودى علشان كده
طب ف المشهد انا قولت إن يوسف قرر يسيبها بس كان مأجل الموضوع
ومشهد ليه هو وابوه وقاله مش مرتاح قاله ابعد وقرر وده كان قراره بدون تدخل ف وجهات النظر انه ليه حق ولا لاا يعنى هو مسبهاش علشان السبب ده وبس
ده من الأسباب الكتير عنده
سيلا غلطت لما رجعت القاهره: ليه غلطت ليه واحده دراستها وشغلها وكل حياتها بقت ف القاهره ايه الغلط
هو ده الموقف الا المفروض تخده اطلاقا مش ده انا بكتب رواية واقعيه قريبه من الواقع يا جماعه
هقول ايه لوالدى شوفتوا سيلا لسنها اتربط ازاى وهى مش عارفه تبرر ليه مش عايزه ترجع القاهره
بلاش تحطوا نفسكم ف وضع زى ده سيلا لسه بدأه تفوق من ذنب كانت غرقانه فيه
يوسف ليه مقلش لسيلا ؟ ببساطه سيلا مش محور حياته وعنده حاجات اهم زى شغله وخطيبته وابوه وحياته
لأن ببساطه اكتر سيلا مجرد صديقه ليه
مجدى ملوش الحق يعمل كده ف يوسف ؟
حقيقى بس ده اب وخايف ع بنته من كسره تانيه مفكرش غير ف بنته ومين فين مش انانى علشان اولاده
منى كانت انانيه لما خلت سيلا تكلم يوسف ؟ ايوه مين فيتا مش انانى علشان نفسه
كلنا انانين بس بدرجات مختلفه وكل واحد بيقدر يتغلب ع صفه معينه بس بتظهر بنسبه
سيلا ايه الا خلاها تكلمه اصلا رغم انها محترمه زى ما انت موضحه ؟ مش بإرادته ازاى!!!
دى يا جماعه واحده مراهقه محدش فينا كامل غلطت بس بحساب
كانت شايفه إن ايه يعنى صداقه بين شاب وبنت
واهو عمرهم ما هيشوفها بعض بس نست قول الله تعالى بخصوص النساء
( محصنات غير مسافحات ولا متخذات أخدان ) [النساء:25]
وفي خصوص الرجال: ( محصنين غير مسافحين ولا متخذي أخدان ) [المائدة:5]
وندخل بقا ع حاجه تانيه ف تعليق قريته يا ع الفيس ياما ع الواتباد بتقول فيه إن الرواية ملله وملله جدا كمان مش زى حور الريان
التعليق مزعلنيش بتاتا والله بس حور الريان حاجه واشعار من نوع خاص حاجه تانيه يا جماعه حور الريان دى اكشن وغموض ودول اكتر حاجه مسيطرها عليها مع الدراما
بينما إشعار من نوع خاص اجتماعى حاجه كده كلنا بنعشها وبنمر بيها
رواية من وراها هدف تانى غير هدف بتاع حور الريان
لأن مفيش رواية من غير هدف او حاجه عايزه توصليها للقارئ
المواعيد مش عارفه اطلاقا ازود معاد
فى منكم هيقول طب ما انتى ف حور الريان كنتى بتنزلى كل يوم حتى ف بداية الرواية دى ايه الا اتغير دلوقتى
هقولكم حور الريان قبل ما ابدأ نشر كنت كاتبه ف حدود 15 بارت وبنزل وبكتب بمعنى انا مكنتش بكتب وبنشر اطلاقا
وده بردوا الا حصل مع سيلا كنت كاتبه
خمس حلقات بس الفرح اخد كل الاحتياطى وحاليا الا بكتبه بنزله والحلقه بتاخد اكتر من يوم
التفاعل مش حلو خالص يمكن الا بيحمسنى الكومنتات هتخسروا اية لما تدوس ع النجمه وكومنت برأيك انت بتاخد وقت قد ايه ف كده مش حاجه دقيقه مثلا اتنين طب انا باخد ساعات فلما ده يكون الرد ع مجهودى ؟؟!
