ကိုကို့ ရဲ့ ငယ် ♥ Uni+Zaw

Part 31 Uni+Zaw

ကိုကို့ရဲ့ ငယ်

အပိုင်း ၃၁

စေ့..စပ်..ပွဲ...တစ်နည်းအားဖြင့် ငယ့်ကို ဆုံးရှုံးရတော့မယ် ဆိုတဲ့
အဓိပ္ပါယ်..နောက်ပြီး ကျွန်တော့်ရဲ့နောက်ဆုံးမျှော်လင့်ချက်လေး
ပျက်ဆီးသွားပြီဆိုတဲ့ အဓိပ္ပါယ်လည်း သက်ရောက်လေသည်။
ငယ့်ရဲ့ ကုမ္မဏီကနေ အိမ်ကို ဘယ်လိုပြန်ရောက်သွားသည်မသိ..
အခုချိန်ထိ ခေါင်းထဲမှာ စိုးမိုးနေတဲ့အရာက ငယ့်ရဲ့ စေ့စပ်ပွဲပင်..

တည်ငြိမ်သည်..တကယ်ကို တည်ငြိမ်လှပါသည်။ ကျွန်တော့်မှာတော့ ငယ်နဲ့ပြန်တွေ့ခဲ့ရင် ငယ်ပြောသမျှ ငယ်လုပ်သမျှ ငယ်ပေါက်ကွဲသမျှ ခံမယ်ဆိုပြီးတွေးထားခဲ့တာ..အခုတော့ ငယ်ဟာ
ကျွန်တော့်ကို အပြစ်လည်းမပြော ရိုက်နှက်ပြီး ကျွန်မရှေ့ကထွက်သွား.. ရှင့်ကို ကျွန်မမုနတယ်ဆိုပြီးတော့လည်း မပြော..

ဘာတစ်ခုမှမပြောပဲ စေ့စပ်ပွဲကိုလာခဲ့ပါအုန်း ဆိုတဲ့ စကားလေးတစ်ခွန်းနဲ့ အနိုင်ယူသွားခဲ့သူပါ..ငယ်က သူပြောရင်ပြောတဲ့အတိုင်းလုပ်တယ်ဆိုတာ ကျွန်တော်သိရက်လျက် ကျွန်တော်ကိုက အဲ့စကားကို အရေးမထားခဲ့သူပင် ဖြစ်သည်။ ငယ်ပြောခဲ့တယ်မလား
သူ့ကို နှင်ထုတ်ပြီးရင် သူ့ဘဝထဲကို နောက်တစ်ကြိမ်ဝင်လည်း မလာဖို့ပြောခဲ့သလို သူကလည်း ကျွန်တော့်ကို သူ့ဘဝထဲကနေ အပြီးအပိုင် ထုတ်ခဲ့ပြီးပြီဆိုတာ ကျွန်တော်မေ့နေခဲ့သည်။

အိမ်ပြန်ရောက်တော့ အခန်းထဲကနေ အပြင်မထွက်တော့ဘဲ ငိုနေလိုက်တာ ပိုးစဲလာမှဘဲ ကျွန်တော်အငိုတိတ်တော့သည်။ နှစ်ကြိမ်ဂှိပြီ။ ငယ့်ကို ဆုံးရှုံးရပြီဆိုပြီး ငိုကြွေးခဲ့တာ နှစ်ကြိမ်ရှိသွားပြီ။ ပထမအကြိမ်ကတော့ ပိုးစံ ငယ့်ကို အထင်လွှဲပြီး ocean မှာမြင်ခဲ့တဲ့ဟာကို လာပြောပြတုန်းကပင်..ဒီတစ်ကြိမ်ကတော့ အထင်လွှဲစရာလည်းမရှိ ကံကောင်းစရာလည်း မရှိတော့... ငယ့်ကို ပိုင်ဆိုင်ချင်ရင်တစ်နည်းပဲရှိတော့သည်။ အဲ့တာကတော့ ငယ့်ကို ခိုးပြေးဖို့ပင်..

ဒါပေမယ့် အဲ့လိုကတော့ ကျွန်တော် တစ်သက်လုံးလုပ်မှာမဟုတ်..
ငယ့်ကို မပိုင်ဆိုင်ရလည်း နေပါစေ.ကိုယ်ချစ်ရတဲ့သူ သိက္ခာကျမယ့်
အဖြစ်မျိုးတော့ ကျွန်တော်လုပ်မှာမဟုတ် ..ပိုးစံကတော့ နှစ်သိမ့်
ပေးရှာပါသည်။ ကိုယ့်ချစ်ရသူတစ်ယောက်လုံး ဆုံးရှုံးရတော့မယ့် ဟာကို သိလျက်နဲ့ ဘယ်သူမှ မငိုဘဲနဲ့တော့မနေနိုင်..
ဒါပေမယ့် ဒီတစ်ကြိမ်က ဒုတိယအကြိမ်ဖြစ်တာကြောင့် ပထမတစ်ခါတုန်းကလောက်ထိတော့ မဆိုးရွားတော့ပေ...