ကိုကို့ ရဲ့ ငယ် ♥ Uni+Zaw

Part 14 Uni+Zaw

ကိုကို ရဲ့ ငယ်

အပိုင်း ၁၄

နောက်တစ်နေ့မနက်မှာတော့ ရှမ်းပြည်နယ်ရဲ့အထင်ကရတစ်ခုဖြစ်တဲ့ ပင်းတယ တို့ ထမ်ဆမ်းဂူတို့ကို သွားရောက်လည်ပတ်ခဲ့ကြသည်။ ထမ်ဆမ်းဂူကို အရင်သွား၍ ပင်းတယကိုနောက်မှဝင်ကာ
ပင်းတယမှ တစ်ဆက်တည်း မန္တလေးသို့ ပြန်လာခဲ့ကြတော့သည်။

လမ်းတစ်လျှောက်လုံး ငယ်ကတော့ ကျွန်တော့်ပုခုံးပေါ်အိပ်၍
လိုက်ပါခဲ့သည်။ကျွန်တော်ကတော့ ငယ်နဲ့အတူတူ ရိုက်ထားတဲ့
အမှတ်တရပုံလေးတွေသာကြည့်ရင်း လာခဲ့တော့သည်။ ဖြစ်နိုင်ရင်ဒီအချိန်တွေကို ဆွဲ့ဆန့်ထားချင်လိုက်တော့သည်။ Final စာမေးပွဲက မကြာခင်လာတော့မှာဆိုတော့ ဒီခရီးပြီးရင် ငယ်နဲ့က ထပ်တွေ့ဖို့က မသေချာတော့ဘူးလေ

ခရီးက ပြန်ရောက်ပြီးနောက် ကိုကိုနဲ့ အတူတူ ရိုက်ထားတဲ့ပုံတွေကြည့်ပြီး ဝမ်းသာပီတိ ဂွမ်းဆီ ထိနေတဲ့ ယွန်း...ပုံ  တွေထဲက
တစ်ချို့ဟာလေးတွေကို Print ထူတ်ပြီး သိမ်းထားပါအုန်းမယ်လေဒါမှ လွမ်းတိုင်း ကြည့်လို့ရမှာ..

နောက်ဆယ်ရက်လောက်နေတော့ second exam ရဲ့ အဖြေတွေထွက်လာတော့သည်။ ထင်တဲ့အတိုင်းပဲ ယွန်းက အဆင့် ၁ပင်။
စာနဲ့ ပတ်သက်တာတော့ ယွန်းအတွက် စိတ်သိပ်မပူရ..ဒါပေမယ့်လည်းအမှတ်ပိုကောင်းအောင် ကြိုးစားရအုန်းမည်။ သိတယ်မလား
ဆရာမတွေရဲ့အကျင့်က ဂုဏ်ထူးမထွက်ရင်ကျပြန်တော့လည်း
ဂုဏ်ထူးထွက်အောင်လုပ် ဂုဏ်ထူးထွက်ပြန်တော့လည်း အမှတ်ကောင်းအောင် လုပ် နောက်ဆုံး ၁၀၀ ရတောင် ကျေနပ်နိုင်မယ်
မထင်။ နောက်ပြီး ေနာက်ဆုံးစာမေးပွဲကြီးကလည်း လာတော့မှာဆိုတော့ အခုကတည်းက စာကို အသေလုပ်ထားမှ ဖြေတဲ့အခါကျမှ
အလွယ်တကူဖြေဆိုနိုင်မည် ဖြစ်သည်။

ဘာသာတိုင်းက သင်ခန်းစာတွေပြတ်သွားပြီဖြစ်တာကြောင့် သင်ပြီးသမျှစာတွေကို အကုန်ကျက်ဖို့ အားစိုက်ရတော့သည်။ အခုတလော
ယွန်းသိပ်စိတ်မကြည်..စာတွေပိနေလို့ ကိုကို့ဘက်ကို သိပ်မကြည့်နိုင်တဲ့ အချိန်မှာ အတန်းထဲက မေသဇင်ဆိုတဲ့ ကောင်မလေးက ကိုကို ကို့ လိုင်ကပ်နေတယ်ဆိုတာ ဖူးပွင့်မ ပြောလို့ ယွန်းကိုယ်တိုင်
စောင့်ကြည့်တော့ အမှန်ကိုပင် ကိုကို့မှာ သူ့အနားက  ခွာလို့မရ။