Heart Sketch (Yoshi x Doyoung)

11

unicode

အစ်ကိုကဒီတစ်ပတ်မလာနဲ့တဲ့..

'ဟင်း...'

စာဖတ်ပြီးပြီးချင်း စိတ်ဓာတ်တွေအရမ်းတွေကျသွားတာပဲ။ ကျွန်တော်ဖြင့် မနက်ဖြန်သွားရင် ဘာတွေချက်ကျွေးရမယ်ဆိုတာတောင်တွေးပြီးပြီ။

ဟုတ်မှာပေါ့လေ..အစ်ကိုကစာရေးရတဲ့သူဆိုတော့ အချိန်တွေအများကြီးလိုမှာပဲ..ငါကသူ့စာကိုဖတ်ပြီးပုံပေါ်အောင်ဆွဲပေးရမှာဆိုတော့ သူကပိုတာဝန်ကြီးတာပေါ့။

ကျောင်းမှာမနက်ဖြန်ထပ်စရာရှိတာတောင် မလုပ်ချင်တော့ဘူး။ အစ်ကိုကမလာနဲ့ဆိုတာနဲ့ပဲ တအားကို ခြေကုန်လက်ပန်းကျသွားတာ။ စဉ်းစားကြည့်လေနော်.. ၇ နှစ်ကြာပြီး အခုမှပြန်တွေ့ရတာကို ဖြစ်နိုင်ရင် လွှတ်မထားဘဲ ဆက်တိုက်ဖက်ပဲထားချင်နေတာ။

အခုအားရပါးရဖက်ထားတာကတော့ ဖက်လုံးပါပဲ။ အစ်ကိုမဟုတ်တဲ့ ဖက်လုံးပေါ့။ တစ်နေ့ကျ အစ်ကို့ကိုအားရပါးရဖက်ရအောင်ကြိုးစားဦးမယ်။

နေ့ခင်းကတည်းကမေးထားတဲ့မေးခွန်းကို အမေက ညသန်းခေါင်ရောက်မှဖြေပေးတော့အိပ်ရာထဲကနေ အလူးလူးအလဲလဲနဲ့ထလာရပြန်ရော။

'သားသား..ဖုန်းပြောလို့ရလား'

'မေမေ ဆက်တဲ့အချိန်က ဘာပြန်ပြောရမလဲကိုမသိတော့ဘူး'

အချိန်ကိုကြည့်ဦး ည ၁၂ နာရီခွဲတဲ့။ အိပ်ပျော်လို့ အိပ်မက်ထဲမှာ အစ်ကိုနဲ့တောင်တွေ့တော့မယ်။ အစ်ကို့အိမ်တံခါးကိုခေါက်ခါနီး အမေ့ဆီကဖုန်းလာတာပဲ။

'မေမေ အခုမှအားလို့ကို..လူနာတွေအတွက် ရက်ချိန်းတွေပြန်ကြည့်နေတာလေ..ကဲ သားသားမေးတာပြောပြမလို့'

'ဟုတ်'

'တစ်ခါတည်းလိုက်ချက်ကြည့်ပါလား..ညသန်းခေါင်စာပေါ့'

'အဆင်သင့်ပဲ'

'ဟုတ်ပြီ..ကြက်ဥထဲကိုရေလေးနည်းနည်းထည့်လိုက်..သေချာမွှေပြီးကာမှ လှီးထားတဲ့ ကြက်သွန်မြိတ်တွေ မုန်လာဥလေးတွေထည့်'

'ပြီးပါပြီ'

'အရသာမှုန့်ထည့်ပြီးရင်း အိုးထဲကဆီဆူပြီလားကြည့်လိုက်'