معاناة بريئه

البارت الاول🐣

ملك: مريم انتي ازاي تعملي كدا
مريم ببكاء: اعمل ايه يا ملك انا تعبت وزهقت منهم كل يوم خناق وصوت عالي مش قادرة استحمل اكتر من كدا
ملك: وانتي ايه يخليكي تاخدي سم مانتي اتعودتي عليهم خلاص
مريم: بس هيا زعقتلي هيا علطول بتتخانق معاه هوا مش بيزعقولي لكن المرة دي زعقتلي جامد وانا مش متعودة علي كدا ودا كله عشان جيت عندكم
ملك: طب هيا كانت عارفة انك جايه
مريم: انا رحت عندكم يعني عند خالتو مش حد غريب
ملك بجدية لا تليق بسنها: بصي ياروما المفروض قبل مانروح اي مكان نعرف اهلنا عشان لو حصل حاجه بعد الشر يبقو عارفين احنا فين واكيد طنط مني كانت خايفة عليكي عشان كدا زعقتلك
مريم بعبوس: وتزعقلي ليه عشان حاجه زي دي هيا لو بتعمل زي مامتك مكنتش عملت كدا هيا ليه مش زي خالتو ياملك لي مش بحس بحبها خالص ومش مهتميه بيا ولا بتسمع كلامي لما اجي اقلها حاجه
ملك: هوا مش انا ولولا معاكي وهيا بتحبك
مريم: ايوا وانا كمان بحبكم اكتر منهم هما اشرار وحشين
ملك: روما انا قلت ايه دول مامتك وباباكي المفروض تحترميهم ومينفعش تقولي كدا وبعدين انا لسه معاتبتكيش علي اللي انتي عملتيه انتي عارفة لولا لو عرفت هتزعل منك ازاي
مريم: انا كنت بس هموت وهما يخلصو مني
ملك: اسمها هتموتي نفسك اللي هيا مش ملكك اصلا ماما قالتلي قبل كدا ان ربنا اللي خلقنا واحنا مينفعش ننهي حياتنا بنفسنا لانها ملك ربنا هوا اللي يقدر ياخد روحنا لكن لو احنا عملنا كدا يبقي متنا كفار وهندخل النار انتي عايزة تدخلي النار ياروما
مريم ببكاء وبلاهه: لا مش عايزة ادخل عشان كدا كنت بصلي بعد ماشربته عشان اموت وانا بصلي وربنا يسامحني
ملك: مهما عملتي كدا غلط وحرام وربنا هيزعل منك ومش هيخليكي تشوفيه يوم القيامه وكمان هتتعذبي في النار
مريم ببكاء: انا مش عايزة اتعذب
ملك: يبقي متعمليش كدا تاني وانا وعد مش هقول لماما حاجه بس لو اتكررت هزعل منك وهخاصمك كتير
مريم: لا متقوليش لطنط منال هتزعل مني وانا مش عيزاها تزعل مني
ملك وهيا بتمسح دموع مريم: طب يلا نروح احنا خرجنا من الدرس من بدري واتأخرنا وهيقلقو علينا يلا روحي وذاكري اللي خدناه النهارده
مريم: حاضر وحضنت ملك وقالت: لوكا انا بحبك خالص
ملك بابتسامه: وانا بحبك يااحلي روما في العالم
وكل بنت مشيت من طريق

مريم في اولي اعدادي عايشة مع باباها ومامتا واخوها حمزة  حياتها مش حلوة خالص الكل شايفها دلوعه واي حاجه عيزاها بتجيلها لكن ميعرفوش ايه اللي بتشوفه ولا ايه اللي موجود في حياتها او في بيتها بالمعني الاصح اقلكم هتعرفو كل حاجه بعدين عن حياتها
ملك: بنت خالة مريم بتحب ملك ومعتبراها اختها الصغيرة رغم انهم نفس السن لكن ملك عاقلة شوية وشايفة مريم انها هتفضل طفلة مهما حصل بتحاول دايما تخليها مبسوطه ودايما اسرارهم مع بعض

وصلت مريم بيتها وكالعادة اول ماوصلت باباها ومامتها كانو بيتخانقو فضلت واقفة تتفرج عليهم وهيا مستخبية ودموعها بتنزل هيا تعبت من الخناق والصوت العالي
مريم في نفسها: هما ليه مش بيبطلو خناق يارب ليه مش بيحبوني زي اهالي صحابي طب لو هما مش بيحبو بعض ميسيبو بعض
حمزة شاف مريم بتعيط ومستخبية راح ناحيتها واخدها ودخل الاوضة وحضنها: شششش بس ياحبيبتي بطلي عياط مش عايز اشوفك بتعيطي تاني يلا امسحي الدموع دي
مريم ببكاء: حمزة انا مش بحبهم ومش عايزة اعيش معاهم تعالي نعيش عند خالتو منال
حمزة: مينفعش ياروما دول ماما وبابا مهما عملو وبعدين مش بابا بيحبك وبيجبلك كل اللي انتي عيزاه وكمان ماما
مريم بنفي: لا هما مش بيحبوني هما ببشتغلو وبس ومفكرين انهم لما يجيبو اللي احنا محتاجينه يبقي كدا بيعوضونا انا مش عايزة العاب ولبس انا عايزة حضنهم وحبهم
حمزة في نفسه: كبرتي ياروما وبقيتي فاهمه اللي بيحصل حواليكي اعمل ايه دلوقتي مش لازم تفضلي تشوفي خناقهم كل يوم نفسيتك هتبوظ
حمزة بمزاح: اي دا ياست روما هوا انا حضني وحش للدرجادي
مريم بابتسامه: انت احلي اخ في الكون وانا بحبك اوي ياميزو
حمزة: وانا بعشق روما القمر اللي لازم تضحك دلوقتي وتوعدني متعيطش تاني عشان هزعل منها
مريم بعبوس لطيف: تقدر تزعل مني ياميزو
حمزة بضحك: ولا فينتو ثانيه ياقلب ميزو
يلا يابت ادخلي صلي العصر وذاكري دروسك
مريم ونسيت اللي شافته: حاضر وجريت تتوضي عشان تصلي
حمزة بعد مامشيت: اتمني افضل  شايف ابتسامتك علي وشك ومترحش ابدا

حمزة اخو مريم في ثانوية عامه السنادي بيعشق اخته مريم وبيحاول يعوضنها عن حنان باباه ومامته اللي دايما مهملين ولادهم وكل تفكيرهم الشغل والخناق حلمه يدخل كلية شرطه  بس بيحاول يشيل الحلم دا من تفكيره لانه لو دخلها هيبعد عن اخته وتفضل لوحدها وهوا مش ضامن يسيبها ابدا مع اهله عارف انه لو بعد هيرجع يلاقيها مدمرة نفسيا عشان كدا كل امله دلوقتي يجيب مجموع كويس في الثانوية وبعدها يبقي يفكر هيدخل ايه

في يوم تاني بعد درس ملك ومريم
مريم: يلا يالوكا عشان اجي معاكي اشوف لولا
ملك: قلتي لمامتك ياروما
مريم بعبوس: اه قلتلها ووافقت
خرجو البنات من الدرس ورجعو البيت واول مامريم دخلت
مريم بصراخ: لولا
منال جات علي صوتها وحضنتها: قلب لولا ياناس الصغنن عاملة ايه
مريم: فرحانه كتيييير
منال: وسبب الفرحه الحلوة دي ايه
مريم بطفولية وهيا بتعد علي ايديها: واحد عشان جيت وشفتك واتنين عشان انا ولوكا اخدنا العلامه الكاملة في الامتحان النهارده والمستر خلي المجموعه كلها تسقفلنا
منال وحضنت ملك كمان: حبايبي الشطار ياناس وعشان كدا كل واحد ليها عندي شوكولا
ملك بفرحه: مامتي حبيبتي
مريم: خالتو القمر
منال: يلا ياشطار عشان الغدا يلا ادخلو اغسلو ايديكم وتعالو
ملك ومريم غسلو ايديهم وقعدو اتغدو مع خالتهم ولعبت معاهم بعد الغدا وجابتلهم الشوكولا اللي وعدتهم بيها
وبعد فترة روحت مريم بيها واول ماوصلت لقت مامتها بتشتغل علي اللاب بتاعها راحت عندها وقالت
مريم بفرحه: مامي النهارده في الدرس اخدت العلامه الكامله والمجموعه كلها سقفتلي
مني: ماشي يلا ادخلي ذاكري
مريم زعلت من طريقة مامتها ودخلت اوضتها عيطت ولما حمزة جه وشافها بتعيط اتخض
حمزة: مالك ياروما بتعيطي ليه
مريم ببكاء: بقول لمامي علي اني نجحت في الامتحان النهارده وهيا مش قالتلي شطورة حتي عكس طنط منال هيا فرجت خالص واداتلي انا وملك شوكولا
حمزة: وهيا حبيبتي الشطورة زعلانه ليه بقا ماما اكيد مشغولة عشان كدا مأخدتش بالها لكن هيا اكيد فرحانه عشان روما السكرة متفوقة
مريم بطفولة: بجد
حمزة: اكييد ياحبيبتي وكمان ياستي هجبلك شوكولا غير اللي طنط منال جابتهالك بس وريني ضحكتك الاول
مريم فرحت: شوف ضحكت هات يلا
حمزة بضحك: ياطفسه كل دا عشانها حاضر ياستي وعد لما اخرج وانا جاي من الدرس هجبلك
مريم بفرحه سقفت
حمزة: ويلا بقا تقومي تصلي وتذاكري دروسك كلها عشان لما اجي العب انا وانتي
مريم بفرحه: حاضر هقوم

دا بارت صغنن كدا قولولي رأيكم فيها وتشجيع بقا عشان اكمل وشغل القراءة في صمت دا مينفعش☹️اتفاعلو بفوت وتعليق بيفرق معايا بجد💜