#معاناة_بريئه
#البارت_الحادي_والعشرون
ابيه حمزة ابيه حمزة
حمزة بنوم: نعم يارودي
رودينا: يلا اصحي عشان نروح لجدو وتيته
حمزة: شوية ياحبيبتي واقوم
رودينا بغضب طفولي: لا قوم دلوقتي انت كل شوية تقول كدا انا عايزة اشوف روما
حمزة: حاضر حاضر قمت
رودينا: شطوور يلا ربع ساعه وتكون خلصت عشان نمشي
حمزة: هيا البت دي بتديني انا أوامر هوا المفروض مين يدي لمين مبقاش في احترام نهائي الصبر من عندك يارب
قام حمزة من السرير ودخل اخد شاور وغير هدومه وخرج عشان يلبس رودينا بس لما دخل اوضتها كانت لابسة ومجهزة شنطتها وكل حاجه
حمزة بتفاجئ: انتي اللي جهزتي نفسك
رودينا: ايوا هوا انا كسولة ذيك يلا بقا شيل انت الشنطه ونزلها
حمزة: رودي ياحبيبتي هوا مين الكبير
رودينا: اكيد انت
حمزة: طب هوا فين احترام الكبير
رودينا: الله هوا انا كنت قلت حاجه وحشة فين اللي مش بحترمك دا
حمزة: بت انتي من ساعه ما الدغه راحت وانت لسانك طول
رودينا: والله لاقول لروما انك شرير وتزعقلي ومش بتحبني وهخاصمك بس ها وشوف بقا هتصالحني ازاي
حمزة: تربية مريم مستني منها ايه يعني
يلا ياحبيبتي ننزل عشان نلحق نمشي
خرج من الشقة ونزل للشقة التانية وخبط علي الباب ودخل
حمزة لمامته وباباه الليكانو قاعدين في الصالون: انا مسافر انا ورودينا دلوقتي ياريت يعني تيجو الخطوبة دا لو عندكم وقت عن اذنكم
خرج حمزة من البيت وركب تاكسي هوا ورودينا عشان يوصلهم المحطه
وفي الطريق
رودينا: حمزة حمزة
حمزة: ماكان ابيه من شوية هوا انتي بحالات
رودينا: عايزة تشوكليت
حمزة: حاضر هجبلك لما ننزل
رودينا: عايزة دلوقتي
حمزة: ياحبيبتي شوية وهنوصل وهجبلك مش انتي كبيرة بلاش عناد بقا زي الاطفال
رودينا: بس انا طفله
حمزة: لا مش طفلة
رودينا: طفلة
حمزة: مش طفلة
رودينا بعناد: لا طفلة طفلة طفلة
حمزة: صح انتي صح انتي فعلا طفلة
رودينا ونسيت اللي طلبته اصلا: شفت انا اللي كسبت مش تعاند معايا تاني بقا
حمزة: حاضر مش هعاند
رودينا بتذكر: فين التشوكليت
حمزة: يلا وصلنا هجبلك اهو
نزلو من التاكسي وجاب ليها اللي هيا عايزاها وبعد فترة كان ركب القطار
_____#_________
عند مريم
صحيت مريم علي فونها وهوا بيرن
مريم بنوم: امممم
خالد: انتي لسه نايمه
مريم بنوم: انت مين
خالد: هوا انتي مش معاكي رقمي يامريم انا خالد
مريم سمعت اسم خالد وقامت وقعدت علي السرير في ثانية
مريم بلغبطه: ها خالد لا مش معايا اقصد معايا معلش كنت نايمه
خالد بضحك: طب فوقي كدا واصحي عشان شوية وحمزة ورودينا هيوصلو
مريم: حاضر
قفلت مريم معاه ولسه قاعدة مكانها علي السرير
مريم: الواحد كان ماله ومال السهر منك لله ياحنان الكلب شغاله رغي طول الليل ومخلتيش الواحد يعرف ينام اشوفك بس
قامت مريم بكسل من السرير وجهزت نفسها وخرجت مكنش في حد برا فقعدت في البلكونه وسرحت شوية
خالد: سرحانه في ايه
مريم: ها مش في حاجه
خالد: بجااد
مريم: اها
خالد: طب ايه رأيك نرغي شوية علي احمزة ورودي يوصلو
مريم: ماشي
خالد: قوليلي بقا حياتك كانت عاملة ازاي من وقت مابقتيش تيجي هنا
مريم: كانت عادية مفيش اي جديد فيها
خالد: مكنتيش بتكلمينا ليه يامريم
مريم: يمكن مكنتش عايزة اتعلق بحد اكتر من كدا لاني كنت شايفة ان اللي بحبهم بيسبوني
خالد: وامته حد سابك
مريم: حمزة مثلا انتو متعرفوش بس هوا كان بعد عني وجدا كمان من وقت مادخل كليته
خالد: بس هواكان مشغول في الكلية واكيد كان بيكلمك او لما ينزل
مريم: لا هوا مكنش بيعمل كدا انا كنت لوحدي في كل حاجه مبقاش يتكلم معايا ولما ينزل اجازة لاما يخرج مع صحابه لكن انا مكنتش في دماغه كنت مقضية حياتي من البيت للمدرسة ولما ارجع من المدرسة اروح لخالتو اجيب رودي منها عشان اخد بالي منها ماما نسيت انها خلفتها اصلا معرفش ازاي ام بس مش مشكلة كنت متعودة اللي مكنتش متعودة عليه غياب حمزة ولدرجه اني بعدت عن الكل حتي ملك مبقتش اكلمها ولا اروح معاها في اي مكان لحد مافضلت ورايا عشان نرجع زي زمان عدت سنه ورا سنه لحد مادخلت تالته ثانوية كنت بحاول اوفق بين كل حاجه البيت ورودينا ومذاكرتي ودروسي انا في السن دا ودا كله يبقي عليا كاني متجوزة وعندي اطفال كمان بس كنت بحاول علي قد ما اقدر ابقي حاجه كويسة ذاكرت في الوقت اللي رودينا تنام فيه وكنت بلحقلي كام ساعه كدا انام فيهم لحد امتحانات الثانوية وخالتو طلبت مني اقعد عندها انا ورودي عشان تاخد بالها منها وانا وملك نذاكر كإنها نزلتلي من السما لاني مكنتش عارفه هعمل ايه وعدت الامتحانات والاجازة جات في الفترة دي كان حمزة رجع زي زمان اي نعم لسه شايلة منه ومش عارفة انسي كل اللي حصل بس عادي قلت مش هنساله كل الحلو عشان حاجه وحشة وجات النتيجه بتاعتي انا بس اللي كنت مستنياها ومعاها خالتو وملك لا اب لا ام لا اخ ولا اي حاجه لان حمزة وقتها كان في مأمورية ولما النتيجه ظهرت ملقتش حد افرح معاه اي نعم بحب خالتو وعارفة قد ايه هيا بتحبني بس انا كنت مستنية حاجه تانية فاهمني انا وقتها مقلتش لا لبابا ولا لماما لاني مكنتش ناسية ردة فعلهم وقت نتيجه وحمزة ومكنتش عايزة اتقهر اكتر زي ماحمزة اتقهر وقتها انا بدأت كل حاجه وقدمت في كليتي وهما ميعرفوش تعرفي عرفو امتي وفكرو يسألوني بعد النتيجه بشهر بيقولولي نتيجتك ظهرت انت متخيل قد ايه انا مش في دماغهم انا رديت عليهم وقلت اه ومعتقدش هيفرق معاكم تعرفو عملت ايه لقيت هجوم عليا وقد ايه انا وقحه وقليلة تربية بس مش مشكلة بقا عادي متعودة علي كلام من دا ولما دخلت الجامعه اتصاحبت علي بنت واحدة واللي هيا حنان الباقي كان معرفة عادية حنان دي اللي حبتها بجد وحستها اختي اوي وهيا بردو بتحبني وبتخاف عليا نعرف عن بعض كل حاجه وبنحس ببعض ولما واحدة تزعل بتلاقي التانية في ظهرها وبس هوا دا كل اللي حصل معايا
خالد كان قاعد قدامها ومش عارف يرد يقول ايه هيا اتحملت دا كله ولوحدها وهما كانو فين وهوا نفسه كان فين هوا بيقول بيحبها فين الحب دا وهوا مكنش جنبها في اصعب اوقاتها
اللي نجده من الموقف ان حمزة ورودينا وصلو
رودينا: روماااا
مريم بفرحه قامت وحضنتها: قلب رووما عاملة ايه ياروحي
رودينا بفرحه: مبسوطة كتييير عشان شوفتك
مريم: ياقلبي انتي هاتي بوسة
رودينا: روما حمزة زعلني كتير
مريم: عملك ايه ياحبيبتي
رودينا: زعقلي وبيقلي ان نو احترام مني انا كدا ياروما
مريم: لا ياحبيبتي هوا اللي شرير وانا هزعقله دلوقتي
حمزة بعد ماسلم علي خالد: لا والله هتتجمعو انتو الاتنين عليا شيلي تربيتك دي من وشي انا اصلا مش طايقكم
مريم: والله
حمزة راح وحضنها: وحشتيني يابت
مريم: وانت اكتر ياميزو بس دا ميمنعش انك مزعل رودي مزعلها ليه
حمزة: والله ماعملت حاجه هيا اللي بتعاند وعايزة تشوكليت واحنا في التاكسي قاتلها لما ننزل وقبلها في البيت رايح تقول اصحي وبطل كسل وبتديني اوامر كانها الكبيرة يرضي مين دا
مريم: يرضيني انا
مريم لرودي: يلا ياحبيبتي نروح نسلم علي جدو وتيته واونكل مازن وماما امل وابيه رحيم
خالد: وهوا انا مش من القايمه الطويلة دي
مريم: ما انت لو تستني علي رزقك كنت قلتلك لكن ازاي
رودينا لخالد: عامل ايه ياخالوود
خالد شالها: وانتي عارفاني ازاي بقا
رودينا: روما كانت بتوريني صوركم كلكم وعارفاكم وبعدين اناكنت بكلم جدو وتيته دايما وانت مش كنت بتبقي موجود
خالد: كنت ببقي في الشغل ياحبيبتي بس لو كنت عرفت كنت كلمتك اكيد
رودينا: ماشي ماشي تتعوض بقا مرة تانية
خالد لحمزة: تتعوض!!!
حمزة: مهيا بقت لمضه
رودينا: انا لمضه ياحمزة
حمزة: لا دا انا ياقلب حمزة
مريم: بطلو بقا وتعالي يلا سلمي علي جدو وتيته والباقيين
دخلت رودينا مع مريم وشافتها وسلمت علي الكل والكل كان فرحان بيها وبشقاوتها وخصوصا انها زي مريم في صغرها
رودينا: انت بقا العريس صح
رحيم بضحك: اه انا العريس
رودينا: وفين العروسة
رحيم: هتشوفيها بالليل في القاعه
رودينا: اممم ماشي
طلعت رودينا من شنطتها شوكولا
رودينا: خدي تشوكليت يامريم خليت حمزة يجيب كتير
حمزة: اه فلست حمزة خدي يااختي خدي
مريم برفع حاجب: ليه مكنتش عايز تجيب يعني وان مجبتش لينا هتجيب لمين لم...
حمزة بسرعه: هوا انا عندي غيركم ياروحي ياقلبي انتي دا انتي لو عايزة حالا انزل اجبلك تاني
مريم: عايزة تاني يارودي
رودينا: اممممم لا كفاية كدا بقا خليها وقت تاني
مريم: خلاص وقت تاني
حمزة: منكو لله يا ظلمه
مريم: بتقول حاجه ياميزو
حمزة: لا ياقلب ميزو كنت بقول في اي وقت هتحتاجو تاني قولولي بس
رودينا: روما فين فستاني انتي قلتي انك انتي اللي هتجبيلي
مريم: تعالي الاوضة عشان تشوفيه اختارته ليكي انا وحنان
رودينا: وحشتني كتير تعالي نكلمها
مريم: تعالي ياحبيبتي عن اذنكم ياجماعه
دخلت مريم مع رودينا الاوضة وطلعت ليها الفستان وعجب رودينا جدا وفرحت بيه وباست مريم
رودينا: يلا كلمي نينو
مريم: بتدلعيها اكتر مني يارودي ماشي ماشي
رنت مريم علي حنان ماسنجر فيديو كول لانها شافتها اونلاين
حنان: حبيبااااي وحشتني ياكبير عامل ايه
مريم: حلوة يااختي خدي كلمي ست رودي قال ايه وحشتيها
حنان: الصغنن حجي قلبي ودقاته عاملة ايه ياروحي وحشتك صح
رودينا بضحك: كتييير وحشتيني عشان كدا قلت لروما اني عايزة اكلمك
حنان: قلبي ياناس ايه رأيك في الفستان ياقمر انا اللي اخترته مش اختك خالص
رودي: بجد قالت انكم مختارينه مع بعض
حنان: احم صح مختارينه مع بعض بس انا اللي قلت انه حلو وهيعجبك
رودينا: مش مشكلة بقا انتي او هيا واحد اعقلو شوية
حنان بصدمه: اعقل!!!! هوا احترام الكبير معداش عليكي
رودينا: اووف كل شوية تقولولي احترام الكبير احترام الكبير هوا انا عملت ايه
حنان: ولا حاجه ياحبيبتي بتتلامضي بس
مريم: انا شايفة انك في السكن مرحتيش الجامعه ليه فين تعرفي عني اني بغيب يامريم اكيد هحضر كل المحاضرات
حنان: بلاش ظلم بس الدكتور لغي المحاضرة ومعرفش ليه
مريم: دكتور مين
حنان: دكتور كريم ياقلبووو
مريم: اها ماشي طب واول محاضرة
حنان: دونت وري بابيبي حضرت وسجلت كل حاجه انا كتكوت شطوور
مريم: طبعا طبعا انتي هتقوليلي
حنان بعبوس: بت انتي دايما محبطه كدا متبطلي شر
مريم: بهزر يارمضان ايه مبتهزرش
حنان: هزري يختي مانا عارفة انك بتهزري ها قوليلي في جديد
مريم: هبقي اقلك بعدين بالليل كدا هقلك تجميعه للاحداث
حنان: اشتا وتتصوري كتير عشان عايزة اشوفك
مريم: اشتا ياحبي يلا باي باي دلوقتي عشان اشوف هعمل ايه
حنان: باي ياروحي
وقفلت معاها
مريم: ها يارودي هتنامي شوية عشان اكيد صاحية بدري
رودينا: يس صاحية من بدري وتعبت كتير عشان اصحي حمزة
مريم: ماشي ياحبيبتي نامي يلا تصبحي على خير
ونامت رودينا وخرجت مريم تقعد برا مع حمزة وبقيت العيلة
وبكدا بارت النهارده خلص اشوفكم البارت الجاي سمعليكوو🚶♀️🚶♀️
ڤوت وتعليق لطيف ذيكم بقا🐣💜
#Hanan_Selim ✍🏻
أنت تقرأ
معاناة بريئه
عاطفيةالاهمال اكتر حاجه مؤذيه في الدنيا كفايه بس انو بيخلي الانسان فاقد الشغف وبيهلك القلب والمشاعر خصوصا لو الاهمال دا كان من اقرب الناس لينا💔
