معاناة بريئه

البارت الرابع🐣

#معاناة_بريئه
#البارت_الرابع

مريم: ميزوووووو ميزووووو اصحي بقا نمت كتير
حمزة بنوم: ايه يابنتي سبيني شوية
مريم بنفي: تؤ تؤ قوم بقا هزعل منك
حمزة قام قد علي السرير: اووف ليه الاستفزاز دا عايز انام يابشر منمتش زي الناس من زمان
مريم بعبوس: طب ماانا عايزة اقعد معاك انا ولا النوم
حمزة: النوم طبعا هيا دي محتاجه سؤال
مريم: والله
حمزة بنوم: بهزر طبعا ياقلبي ها عايزة نتكلم في ايه
مريم حست فعلا ان هوا عايز ينام: تؤ مش عايزة حاجة يلا كمل نوم
حمزة: لا خلاص مش عايز انام
مريم: يابني نام حد يقول للنوم لا وانا اصلا هطلع اقعد شوية مع طنط امل يلا باي ونام كويس عشان من بكرة هتزهق مني
وحمزة ماصدق وكمل نوم(كان ثانوية عامة ياجماعه استحملوه😂)
مريم طلعت شقة عمها عشان تقعد مع امل شوية لان جدها وجدتها بينامو بدري بس امل كمان كانت نامت وخالد اللي فتحلها
خالد: ايه دا الصغنن مشرفنا هنا
مريم بعبوس: خالوود
خالد: قلبه
مريم: انا زهقانه كتير وملييت
خالد: اممم طب في حاجه معينه عايزة تعمليها
مريم: تؤ مفيش
خالد: ايه رأيك ننزل نجيب شيبس وشوكولا ومقرمشات ولب ونقعد في البلكونه نتكلم
مريم بحماس: الله حلو اوي يلا
نزل خالد ومريم جابو كل اللي محتاجينه لسهرتهم وطلعو قعدو في البلكونه
خالد: ها عايزة نتكلم في ايه
مريم: مش عارفه يعني انت مثلا قلي هيا الجامعه حلوة
خالد: مش حلوة ومش وحشة زيها زي اي مرحله في حياتك بس بالنسبالي المراحل اللي فاتت احلي الجامعه فيها ناس غريبة مش كل الاشخاص كويسين وصعب لما تلاقي صاحب كويس يتمنالك الخير وو انتي مبرقه كدا ليه
مريم: هوا انت بتقول ايه
خالد بضحك: بصي ياروما هقلك نصيحه بلاش تصاحبي اي حد خلي علاقاتك محدودة متقوليش سرك لحد مهما كان قريب منك لانك متعرفيش النفوس بتتغير واللي انتي واثقة فيه دا ممكن يجي وقت ويخدعك خليكي صاحبه نفسك
مريم بحزن: انا اصلا مش عندي صحاب مش بعرف اصاحب ناس كتير مش عندي غير ملك ولو مكانتش بنت خالتو ودايما مع بعض مكنتش هعرف ابقي صاحبه ليها
خالد: قوليلي نفسك في ايه ياست روما
مريم: اقلك ومتقلش لحد
خالد: قولي
مريم: انا نفسي في حاجات كتير اوي نفسي بابا وماما يبطلو خناق وزعيق كل يوم صوتهم بيضايقني وعلطول بعيط وكمان عايزة افضل هنا علطول انا علطول فرحانه هنا ومحدش بيزعلني ولا حد بيعلي صوته بحس براحه هنا اقلك سر انا حاولت اموت نفسي من فترة
خالد بصدمه: انتي اتهبلتي
مريم: ممكن بس انا كنت مخنوقة مفيش بنت في سني تتحمل اللي بشوفه علي فكرة هوا اه ممكن في ناس كتير زيي بس انا مش من النوع اللي يستحمل اي حاجه انا لولا وجود حمزة وملك وطنط منال مكنتش هعرف اعيش عايزة لما اكبر اسافر بيقولو ان لما بنروح الكلية بنسكن جنب الجامعه لو جامعتنا بعيدة انا عايزة ابقي بعيدة عنهم
خالد بحزن: بس هما بيحبوكي و
مريم: متكملش كلكم بتقولولي نفس الكلام بس انا مش صغيرة عشان مفهمش اللي بشوفه هما مش بيحبوني لو بيحبوني كانو اهتمو بيا هما حرفيا ميعرفوش حاجه عن حياتي انت عارف لو سألتهم انا عيد ميلادي امته هيقعدو يفكرو ويمكن ميعرفوش كمان ولو سألتهم انا في سنه كام السنادي مش هيفتكرو طب يبقي ازاي بيحبوني
خالد مش مصدق ان البنت الصغيرة اللي قدامه بتقول الكلام دا ومش متخيل الحزن اللي جواها: ممكن اطلب منك طلب
مريم: ايه هوا
خالد: خليكي دايما قوية بلاش تضعفي عشان اي موقف مفيش حاجة تستاهل زعلك واي محنه تقعي فيها كلميني وهكون دايما جنبك وكمان حمزة معاكي وانتي بتحبيه صح احنا دايما هنكون معاكي بس خليكي قوية ومتخليش حد يكسرك
مريم بابتسامه: حاضر
خالد بمرح: طب يلا ناكل بقا واحنا قلباها نكد كدا
مريم: صح هات ياعم المصاصه اللي جنبك دي
خالد: دي كلها مصاصا يامفترية بتتاكل ازاي دي
مريم: ملكش دعوة انت انا اللي هاكلها
خالد: كلي ياحبيبتي كلي
مريم: سؤال
خالد: ايه هوا
مريم: انت في الجامعه صح
خالد: صح
مريم بفضول: بتحب حد
خالد بابتسامه: اه
مريم: مين معاك في الجامعه صح
خالد بنفي: تؤ مش معايا
مريم: امال فين
خالد: لسه صغيرة لما تكبر هبقي اعرفك عليها
مريم بعبوس: وبتحبها
خالد: جداا
مريم: اكتر مني🙂
خالد بابتسامه: مش هعرف اجاوب للاسف
مريم بحزن: يعني هتاخدك مني خلاص انا مش هحبها ومش عايزة اعرفها وكمان مخصماك يلا باي واقلك من غير باي كمان
خالد: خدي ياهبله رايحه فين دي نزلت بجد اه يامجنونه
نزلت مريم وهيا علي السلم بتكلم نفسها: بيحب واحدة لا ومش عارف يقول انا اكتر ولا هيا اكتر الشرير مش هكلمه تاني ودخلت الشقة وشافت ليزا
مريم: ايه دا انتي خرجتي من الاوضة ازاي
تعالي ندخل الاوضة اووف مش عايزة انام طب نعمل ايه دلوقتي بقا افضلي كل شوية مياو مياو كدا وانا قاعدة اكلم نفسي عاااا
استني اجبلك اكل شكلك جعانه وانا هروح انام مع ميزو يمكن اعرف انام بدل الملل دا
وبالفعل حطت ليها اكل ودخلت نامت في حضن حمزة وبعد فترة كانت راحت في النوم