معاناة بريئه

البارت السابع والعشرون🐣

#معاناة_بريئه
#البارت_السابع_والعشرون

في بيت عبد الرحيم جد مريم
العيلة كلها كانت متجمعه علي الفطار
عبد الرحيم: بقالك يومين مبترحش الشغل ليه ياخالد
خالد: واخد اجازة ياجدو
عبد الرحيم: ليه ياخالد
خالد: عايز استريح شوية ياجدو وهرجع بعد مااجي من السفرية دي
مازن: انت مسافر فين
خالد بتوتر: احم رايح اشوف واحد صاحبي تعبان
مازن: ربنا يشفيه تمم خد بالك من نفسك
خالد: باذن الله
عبد الرحيم بعدم تصديق: انت مسافر فين
خالد: اسيوط
عد الرحيم بفهم للموضوع: اول مرة اعرف ان ليك صحاب هناك علي العموم ابقي اسأل علي بنت عمك بردو هيا هناك
خالد بتوتر: بنت عمي مين
عبد الرحيم: انت عندك كام بنت عم يعني ياخالد هتكون مين يعني مريم ابقي اسأل عنها واه جهزيلها حاجه ياامل ياخدها معاه ليها
امل: حاضر يابابا
قام عبد الرحيم من علي السفرة ودخل اوضته ودخلت وراه كريمه
كريمه: هوا في حاجه ياحاج انا مش فهماها
عبد الرحيم بضحك: اه ياكريمه شكلنا هنفرح باحفادنا قريب
كريمه: احفادنا قصدك مين
عبد الرحيم: قصدي علي خالد ومريم
كريمه: ازاي يعني
عبد الرحيم: هقلك
Flash back
امل: تعالي ياحبيبتي كلي دا انتي حماتك بتحبك وحظك كمان عامله الاكل اللي بتحبيه
مريم بمرح: بجد حماتي بتحبني
امل بضحك: هيا تطول ولا ايه دي هتاخد بسكوته العيلة
مريم بصوت محدش سمعه غير شخص واحد: طب متجوزيني ابنك بقا وتكوني انتي حماتي واهو زيتنا في دقيقنا والبت بردو لابن عمها
امل: بتقولي حاجه ياحبيبتي
مريم: تؤ تؤ بقلك فين الاكل
End flash back
عبد الرحيم: وقتها سمعت كلام مريم وهيا بتقول كدا فكرتها بتهزر في الاول بس خدت بالي بعدها من كل حاجه كانت بتعملها وبضحك وشكلها وهيا بتحاول تخلي خالد يغير كنت خايف ليكون خالد بيعاملها علي انها اخته ومريم تنجرح لان مريم بالذات مقدرش اشوفها زعلانه وطول عمري نفسي تفضل معايا هنا فلما تتجوز خالد هتفضل هنا لكن شفت خالد في خطوبة اخوه لما اتضايق من ان الدكتور دا كان بيكلمها انا مكنتش فاهم في الاول بس لما كلمت رحيم وخليته يقول الحقيقة قال ان خالد بيحبها بس مش عارف يقلها ازاي فاتطمنت علي مريم ودلوقتي بردو خالد رايح ليها مش رايح لصاحبه ولا حاجه
كريمه بعدم تصديق: يعني دا كله بيحصل وانا مش هنا خالص
عبد الرحيم بضحك: الشعر دا مشابش من قليل بردو ياكريمه
كريمه بفرحه: يعني دلوقتي مريم هتبقي معانا هنا
عبد الرحيم: باذن الله

بدأت امل تجهز اكل لمريم عشان خالد ياخده معاه فعملت فراخ ومكرونه بالبشاميل اللي هيا بتحبها وعملت محشي ورق عنب  وممبار عشان عارفة بردو ان مريم بتعشقهم وعملت حمام وبانيه وفي خلال تلات ساعات كانت خلصت كل دا وغلفتهم كويس
امل: خالد انا جهزت الحاجه اللي هتاخدها معاك اهي ياحبيبي ابقي سلملي علي روما
خالد: ايه دا ياماما هوا انا هشيل دا كله
امل: اه هتشيل دا كله مش عاجبك ولا ايه
خالد: عاجبني هوا انا اقدر اتكلم
عبد الرحيم بمراوغه: متخليش صاحبك ينسيك تدي الحاجه لبنت عمك ياخالد
خالد ببرطمه: يارتني متكلمت ولا قلت اني رايح في مكان اووف
خالد: حاضر ياجدو
عبد الرحيم: طب يلا ياحبيبي عشان متتأخرش علي صاحبك
هنا ورحيم مقدرش يكتم الضحك اكتر من كدا وضحك بصوت عالي
خالد باستغراب: هوا حضرتك بتضحك ليه
رحيم بضحك: لا لا مفيش حاجه يلا روح انت عشان متتأخرش
خرج خالد وهوا بيبرطم بالكلام بسبب اللي شايله
خالد: دا الواحد مصدق ان كليته في نفس البلد ومكنش مضطر يسافر ويشيل اجي علي اخر الزمن بعد ما اتخرجت واشتغلت اشيل وكمان لست مريم ماشي اما اشوفك بس
عبد الرحيم: بطل ضحك يلا وروح شوف شغلك يااستاذ رحيم
رحيم: احم حاضر ياجدو
__________#__________
في قسم الشرطه
قاعد سيف مع زين في مكتبه
سيف: وحصل ايه بعدها
زين: انت متخيل يا سيف نروح نلاقي الاطفال مقفول عليهم بقفل زي مابتقول ولما خليناهم يفتحوه وطلعنا فوق نلاقي البنات بيشغلوهم اطفال ليه مكملوش عشر سنين بيكنسو ويغسلو مواعين وفي منهم اللي تعبان ومرمي من غير اي عنايه وكمان مأكلوش بقالهم يومين وادخل اوضه الاقي واحدة وطلعت المشرفة قاعدة ومخلية بنات يغسلولها رجليها واللي بتعمل ماساج ليها وحاجه في منتهي القرف انا مش متخيل بجد انا اه ياما شفت بس اول مرة اشوف حاجه زي كدا دا احنا لما اتكلمنا مع البنات قالو بلاوي اكتر من اللي شفناه احنا قفلنا الدار والبنات اخدناهم دار ايتام تانيه وكل العاملين في الدار دي اتسجنو وهمرمطهم علي كل اللي عملوه ناس معندهاش ضمير
سيف بصدمه: كل دا حصل مع الاطفال الحمدلله ان البنات دي اتصرفو وقالولي
زين: فعلا واشكر البنات دي مرة تانيه احنا كان ممكن نحتاجهم في التحقيق عشان اللي شافوه بس بما ان كل حاجه وضحت لينا وشفناها بنفسنا والاطفال كمان اتكلمو فمفيش داعي ليهم
سيف: اها طب كويس
زين: طب استأذن انا بقا لازم امشي
سيف: ابقي كتر الزيارات بقا
زين: احلم يلا سلام
خرج زين من المكتب وسيف فتح فونه وكلم مروة قالها اللي حصل وشكرها مرة تانيه علي اللي عملوه هيا وصحابها
_______#&_________
في سكن البنات
مريم: طب الحمدلله ان الموضوع اتحل ولحقو الاطفال
حنان: فعلا الحمدلله بجد اللي حصلهم حاجه تزعل
نور: طب يلا ارجعو كملو مذاكرة الموضوع خلص
كل واحدة دخلت اوضتها
بعد مرور عدة ساعات فون مريم رن
مريم: حنان
حنان: ها
مريم: خالد بيرن انا مش عايزة ارد
حنان: مترديش احنا قلنا مش هنعبر حد
مريم: بس هوا اول مرة يرن عليا ممكن يكون في حاجه
حنان: امممم طب ردي شوفي عايز ايه
وفي نفسها: يارب اللطخ دا يكون هيعترفلها بحبه بقا
مريم: السلام عليكم
خالد: وعليكم السلام اذيك ياروما
مريم: الحمدلله بخير في حاجه ياخالد اول مرة ترن عليا يعني
خالد: بصراحه كنت عايز اشوفك
مريم باستغراب: تشوفني ازاي يعني
خالد: انا في كافيه فانتازيا اللي جنب الجامعه تقدري تجيلي دلوقتي
مريم بصدمه: انت هنا بتعمل ايه
خالد: احم جاي اشوفك ها هتقدري تيجي
مريم: طب نص ساعه وجيالك
خالد: تمم مستنيكي
مريم بصراخ لحنان: عاااا دا هنا يابت وبيقول جاي يشوفني وعايزني انزله اعمل اي ها بسرعاااا
حنان: وهوا جاي ليه
مريم: وانا اعرف منين قومي بس بسرعه شوفي البس ايه
حنان برفع حاجب: لا والله هوا انتي لحقتي تنسي كلامك
مريم: احم هشوفه بس عايز ايه اكيد مش جاي من اسكندريه لهنا مخصوص عشان حاجه عاديه
حنان: وجهة نظر طب انجزي البسي اي دريس وتعالي علطول عشان نكمل مذاكرة
مريم: حاضر
لبست مريم وجهزت نفسها ونزلت جري عشان توصل علطول وبعد نص ساعه فعلا كانت وصلت الكافيه
شافت خالد قاعد راحت لعنده
مريم: اذيك
خالد بابتسامة: كويس الحمدلله اقعدي
مريم: قعدت اهو انت كنت عايز ايه
خالد: طب تشربي ايه الاول ولا خلاص اكيد مانجا
مريم: اه مانجا
خالد بعد ماطلب: قوليلي بقا مشيتي مرة واحدة ليه
مريم: مش مرة واحدة ولا حاجه بس انا كنت سايبه صاحبتي لوحدها وكان عندي محاضرات مش عايزة اضيعها
خالد: يعني مش عشان ضايقتك
مريم: وانت هتضايقني ليه
خالد: مش عارف بس حاسس ان انا السبب يمكن عشان اتعصبت في موضوع الدكتور دا وكلامه معاكي
مريم: لا عادي وبعدين انت زي اخويا اكيد كنت متضايق ان في حد غريب بيكلمني
خالد: هوا انتي بجد معتبراني زي اخوكي!!!
مريم بكذب: اه ليه
خالد بمصراحه: بس احنا مش اخوات يامريم لا من نفس الام والاب ولا راضعين علي بعض حتي
مريم بتوتر: انت قصدك ايه
خالد بمصارحه اكتر: مريم انا بحبك ومن زمان اوي من وقت مكنتي الطفلة اللي علطول لازقه فيا واللي كل اجازة كانت وتقلي خرجي ياخالود وهاتلي والعب معايا واللي كانت تتقمص لما اسيبها انتي سألتيني مرة اذا كنت بحب فاكرة جاوبتك بايه طب فاكرة لما قلتي انتي ولا ومعرفتش اجاوبك ووقتها زعلتي مني عشان قلتلك مش هعرف اجاوب انا معرفتش اجاوب لان انتو الاتنين واحد انتي هيا البنت اللي بحبها انا كنت الاول عايز اعرف اذا كنتي لسه معتبراني اخوكي زي زمان ولا لا ووقتها كنت هعترفلك بحبي كان عندي امل ان اكون غير كدا بالنسبالك بس معلش يامريم انا مش هتقبل فكرة ان اخوكي دي لاني بحبك وللاسف عايز اقلك انك هتكوني ليا بردو مش لحد تاني وهغير فكرة اني اخوكي دي فحاولي انتي كمان تشيلي الفكرة من دماغك
مريم بصدمه لا توصف في نفسها: انا عايزة حد يقرصناااااااي هوا اي اللي بيحصل دا هوا بجد خالد قال انه بيحبني لا وبيحبني من زمان اعمل ايه دلوقتي لا بجد انا مش قادرة اتكلم هوا انا ممكن يغمي عليا دلوقتي واخلص من الموقف دا ايه دا بجد هوا مش دا اللي كان نفسي فيه اخرصيت دلوقتي ليه مريم اتكلماااااي قولي اي حاجه
خالد خرج الشنطه اللي فيها الاكل اللي امل عاملاها وقال: دا ماما عملاهولك خديه وفكري كويس في الموضوع وقوليلي ردك بس بسرعه عشان اكلم حمزة وعمو مصطفي لو عايزة تمشي قومي بس فكري بسرعه
مريم اخدت الشنطه وخرجت وهيا لسه في صدمتها
بعد مامريم خرجت من الكافيه خالد كان لسه قاعد وقبل مايقوم شاف حد بيقعد قدامه
خالد: انت
كريم: انت بتحبها بجد
خالد: انت مالك معلش
كريم: معلش ممكن تجاوب بس علي السؤال
خالد: بحبها كلمه قليله في حقها
كريم: يعني ممكن تزعلها في يوم
خالد بحب: مستحيل انا عمري معرفت ازعلها ولو زعلت مني في مرة ميعديش اليوم غير وانا مصالحها انا معتبرها بنتي اكتر من انها حبيبتي
انا مش فاهم انت بتسأل ولا الموضوع يخصك في ايه
كريم: مش عارف بس انا من زمان من وقت مشفت مريم اول مرة ودا من سبع سنين وانا حاسسها مسؤوله مني هتقلي ازاي ولا اعرفها منين فانا فعلا معرفهاش بس انا شايفها زي اختي الله يرحمها وبجد عايزها مبسوطه دايما وانت عارف انا كنت هعمل ايه انا كنت هتقدملها واتجوزها بس لمجرد اني اخليها مبسوطه ومتتجوزش حد يعاملها بطريقة وحشه انا عارف ان الكلام يزعلك ويضايقك لانك بتحبها بس انا قلت اصارحك عشان ميكنش في اي حاجه مش فاهمها ودلوقتي عايزة اقلك لو بتحبها بجد خد بالك منها وابعدها عن اهلها متخليهمش يأثرو فيها اكتر من كدا انا معرفش هيا بتحبك ولا لا بس اللي اعرفه ان بحبك ليها هتخليها تحبك
خالد: يعني انت مش بتحبها صح
كريم: قلتلك انا شايفها زي اختي انا شخصيا مكنتش عارف احدد هوا حب حبيب لحبيبه ولا اخ لاخت بس لو حبيب فانا مستحيل كنت اقدر اسمع الكلام اللي قلته ليها واسكت بالعكس انا فرحت جدا بكلامك وفرحت ان حد حبها بالطريقة دي وعشان كدا من دلوقتي اعتبرني بردو زي اخوك ولو احتجت اي حاجه قلي
خالد: شكرا
كريم بابتسامة: علي ايه عن اذنك لازم امشي
خرج كريم من الكافيه وطلع شقته ومسك صورة اخته
كريم: ليلو شفتي طلعت بحبها ذيك مش هخطبها خلاص هيا لقت اللي بيحبها بجد وحاسس انه هيخليها مبسوطه كان نفسي تكوني موجوده ياليلو كنتي هتبقي ماليه عليا حياتي انا فعلا وحيد من وقتي مامشيتي وسبتيني
نام كريم مكانه وهوا قاعد
كيموووو كيمووووو اصحي بقا اوووف انت علطول نومك تقيل كدا لو مصحتش انا همشي يعني امشي واسيبك
كريم: ليلو انتي هنا بجد
لين: وحشتك صح
كريم بدموع: اووي ياليلو انتي مشيتي وسبتيني ليه
لين بحزن: انا مكنتش عايزة اسيبك انا كنت مستنياك والله
كريم: بس انتي سبتيني تعرفي كنت جايبلك كل الالعاب اللي قلتيلي عليها وكنت هخرجك وكنا هنمشي من البيت ونروح بيت تاني بس انتي...
لين: انت عارف انا مبسوطه هنا اوي وفي العاب كتير خالص بلعب بيها ومفيش زعيق ولا صوت عالي وانا شيفاك علطول وبعدين مش انا بجيلك علطول زعلان ليه بقا
كريم: كنت عايز اشوفك حقيقي واحضنك
لين: مانا ممكن احضنك عادي
حضنت لين كريم وشوية ومحسش بيها
كريم: ليلو انتي رحتي فين يالييين وبصراخ ليييين
صحي كريم من الحلم وهوا الدموع ماليه عينه
كريم بدموع: وحشتيني اوووي
______#________
اما عند مريم رجعت السكن وهيا لسه الصدمه مسيطرة عليها
حنان اول ماشافتها: ها حصل ايه
انتي يابت انتي يازفته مبترديش ليه وبصراخ يامريااااااام
مريم بانتباه: ها بتقولي ايه
حنان: قالك ايه سي خالد
مريم بشرود: قال بيحبني وان انا نفس البنت الصغيرة اللي كان بيحبها
حنان بفرحه: طب والله انا قلت كدا
وقامت مرة واحدة مزغرطه: لولولولولولولولولولي واخيرا هفرح بيكي
مريم: يخربيتك اهدي في ايه
حنان: في ان خلاص واخيرا هنشوفك عروسة يابت هيييح والبس فستان بقا
مريم بضحك: والله مجنونه
حنان: المهم قوليلي عملتي ايه ورديتي قلتيله ايه قلتيلو وانا كمان بحبك صح
مريم بخوف: بصراحه كدا مردتش عليه اصلا ولا اتكلمت سبته ومشيت
حنان بتشنج: عملتي ايه ياحبيبتي سمعيني تاني
مريم وهيا بتستخبي ورا السرير: انا كنت مصدومه مش اكتر قمت اخدت الاكل وسبته ومشيت
حنان: اكل ايه
مريم: اصل حمااتشي بعتالي اكل
حنان: الله وريني من اول مادخلتي وانا شامه ريحه اكل بس قلت يمكن بيتهيألي عشان جعانه طلعي ونبقي نشوف موضوع خالد دا بعدين
مريم بفرحه: انا قلت كدا بردو يلا ناكل
بدأت مريم تخرج الاكل هيا وحنان
مريم: الله باشاميل 🤤 وممبار وورق عنب عاااااا عملالي كل الاكل اللي بحبه
حنان بضحك: حماتك بتحبك فعلا
مريم بضحك: شووور بيبي يلا وان تو هجووووم
بدأو اكل ونسيو خالد وموضوعه ونسيو المذاكرة وكل حاجه المهم الاكل ياجماعه

وبكدا بارت النهارده خلص اشوفكم البارت الجاي سمعليكوووو🚶‍♀️🚶‍♀️
ڤوت وتعليق لطيف ذيكم بقا🐣💜
#Hanan_Selim✍🏻