معاناة بريئه

البارت الحادي عشر🐣

#معاناة_بريئه
#البارت_الحادي_عشر

وقفنا البارت اللي فات لما مريم قررت تكلم ملك عن حمزة
في البلكونه
مريم: اتأخرت
ملك بسخرية: متعودة ياحبيبتي
مريم بعبوس: الله هوا انا اتأخرت عليكي امته
ملك: مابلاش انتي بالذات تتكلمي اكيد ملحقتيش تنسي ايام الثانوية
مريم: بت انتي قلبك اسود هتفضلي ماسكهالي ذلة
ملك: ايوووون دا انا دايما بسببك كنت اتأخرت علي الدروس
مريم: مانا طنت بتأخر معاكي
ملك: مابلاش نفتح في القديم عشان مش هنخلص وهطلع عليكي القديم والجديد
مريم: احم انا بقول كدا بردو نشوف موضوع تاني امممم عامله ايه في الكلية
ملك ببكاء مصتنع: متهانه ومتمرمطه يااوختشي
مريم بضحك: كلنا والله
وبعد فترة قضوها في كلام عن الجامعه واللي حصل في الفترة اللي مش شافو بعض فيها
مريم: بقلك يالوكا
ملك: ها
مريم بدون مقدمات: محبتيش قبل كدا
ملك: ها
مريم: بما اننا بنرغي يعني قولي حبيتي قبل كدا وخصوصا في الفترة اللي بعدنا عن بعض فيها يمكن خنتيني وقتها
ملك بحزن لما افتكرت الايام دي: لا مخنتكيش ولا حاجه اتطمني
مريم: يعني محبتيش خالص مالص
ملك بتوتر لا وبصوت مسمعتهوش مريم حبيت ومش عارفة اعمل ايه
مريم: طب مشناوية تتخطبي
ملك: وانتي مش ملاحظه اننا لسه صغيرين
مريم: لو حد تاني كان قالك وانا قدك كنت متجوزة ومخلفه
ملك: لا ملناش دعوة بالكلام دا انا وانتي عارفين اننا مش قد المسؤولية دي نهائي احنا بنستحمل نفسنا بالعافية
مريم: والله في دي عندك حق
ملك: يبقي متفكريش في جواز نهائي دلوقتي وبعدين ايه جاب الموضوع
مريم: لو انا متقدملي شخص وكويس ومحترم وبيحبني وفرق السن كويس بردو لو انتي مني اوافق ولا لا
ملك: ايوا هقعد معاه واعرفه واشوف لو تفكيره متشابه ليا هوافق
مريم: طب تمم اشتا
ملك: وانتي يامهزأة لسه فاكرة تقوليلي يعني خلاص هنخلص منك
مريم: نعم ياما لا طبعا دي واحدة صاحبتي فبسألك بعد الشر عني من الجواز
ملك بتريقه: ليه مش ناوية تتجوزي
مريم: لا مش عايزة انا هثق في حد معرفهوش ازاي مش يمكن زيه
ملك: زي مين وبعدين مانتو هتتعرفو
مريم بحزن: زي بابا حياته كلها زعيق وخناق
هنتعرف!! ماهما اكيد اتعرفو قبل الجواز هما بيظهرو علي حقيقتهم بعدها فكك من الكلام دا بلاش ننكد علي بعض احنا كل فين وفين لما نتقابل
ملك: يبقي احسن بردو بس نصيحه ومش هتكلم تاني مش الكل زي بعض ياروما اه في الوحش بس بردو في الحلو مثلا اخوكي حمزة انتي شيفاه زي باباكي بيزعق ويعلي صوته طب بابا انتي شفتيه بيزعق غير قليل لو كان متعصب وبيرجع يهدي علطول بلاش تاخدي فكرة غلط عنهم
المهم بقا ياستي امتحاناتك امته
مريم: لسه شهر ونص متجبليش السيرة دي دلوقتي
ملك: اا وفجأة فونها رن
ملك: ايوا ياماما
ملك: اها عند روما
ملك: طب حاضر شوية وجاية
ملك لمريم: روما ماما بتسلم عليكي وبتقلي خلي عندك دم وتعالي شوفيها وهمشي انا بقا دلوقتي عشان ماما عايزاني سلام
مريم: باي وانا هحاول اجيلها قبل ما اسافر تاني
وحضنو بعض ومشيت ملك
وبعد فترة راحت مريم تجيب رودينا من الحضانه
مريم بعد ما اخدتها: ايه رأيك يارودي ناكل في اي مطعم ولا نعمل اكل مع بعض في البيت
رودينا: لا انتي تعملي اكل عشان اكلك وحشني جدا
مريم: طب عايزة تاكلي ايه
رودينا بحب وعيون هتطلع قلوب😂: مكيونه بالبشاميل
مريم بضحك: طلعالي في الحته دي بتعشقيها زيي
رودينا: بعشقها بس
مريم: اشتا يلا بينا هنعملها واخدتها ورجعو البيت كان البيت فاضي مفيش حد موجود
مريم: يلا ياروحي ادخلي غيري هدومك وتعالي اكون طلعت اللي هنعمله
رودينا: حاضي
مريم بضحك: لا انتي تروحي لدكتور تخاطب اي نعم بحب اللدغه دي منك بس لازم تروح بردو
رودينا بعبوس: بتتييقي عليا يا يوما
مريم: ياخلاثو انا اقدر ياروحي وبعدين انتي اصلا لدغتك دي قمر والله وبحبك طريقتك في الكلام بس لازم تنطقي الكلام صح ماشي ياحبيبتي نبقي نروح
رودينا بعبوس: حاضي
مريم باستها من خدها: متزعليش بقا يلا ادخلي
دخلت رودينا تغير هدومها ومريم كمان وبعد فترة دخلت المطبخ وبدأت تطلع اللي هتستخدمه ورودينا جات شالتها وحطتها علي ترابيزة المطبخ وبدأت تجهز هيا الاكل ورودينا بتحكي يومها في الحضانه زي ماهيا متعودة(مريم بتخلي رودينا تحكيلها كل حاجه بتحصل في يومها وحتي وهيا مسافرة لانها مش عايزة يجي اليوم اللي تكون رودينا حاسه فيه بالوحده زي ماكان بيحصل معاه والاهمال زي ما مامتها كانت بتعاملها ومكنتش بتهتم باي حاجه تخصها وحتي لما كانت تنجح في حاجه مكنش بيفرق معاها وبتتعامل مع الموضوع ببرود عشان كدا هيا مش عايزة دا يحصل مع رودينا لدرجه ان رودينا اصلا مش متعودة علي مامتها ولا بتحس ناحيتها باي حاجه لان مريم اللي مربياها وهيا معتبراها مامتها)
༺متعتبروش الموضوع تافهه ياجماعه وتقولو مش للدرجادي لكن دي الحقيقة وبتحصل مع ناس كتير في بنات حرفيا مامتهم متعرفش عنهم اي حاجه في حياتهم وكانهم اغراب ومفيش اهتمام باي انجاز في حياتهم عشان كدا متزعلوش بعد كدا لما تلاقو ولادكم بقو باردين من ناحيتكم ومبقتوش تفرقو معاهم ومتقولوش دي قسوة لانكم اللي بدأتم لو كنتو حاولتو تقربو منهم مكنش دا هيحصل قربو من ولادكم متخلهمش يدورو علي الحنيه والاهتمام من حد تاني وللاسف في ناس بتستغل كدا هرجع اقول اهتمو بولادكم وقربو منهم ༻
نرجع تاني للاحداث🌚
مريم كانت خلاص جهزت الاكل وبدأت تحطه علي السفرة عشان تاكل هيا ورودينا وفي نفس الوقت جه حمزة
حمزة: الله ريحه الاكل رووعه وحشني اكلك يااوزعه
مريم بعصبية: تصدق بالله عشان كلمه اوزعه دي شفلك بقا حد تاني يعملك اكل او ادخل اعمل لنفسك بس ها
حمزة: اهون عليكي اقعد من غير اكل
مريم رفعت صوبعها وبتهديد: مش هتقلي اوزعه تاني
حمزة بخوف مصتنع: اخر مرة ياكبير
مريم: خلاص عفوت عنك اقعد عشان تاكل
حمزة باسها من خدها: قلبي بقا
رودينا بعبوس: ميزو انت كداب كبيي
حمزة بصدمه: انا!!! ليه
رودينا: عشان بتقول ليوما انها قلبك وبتقلي انا كمان كدا ايه عندك قلبين ياشييي
حمزة: شييي اللغه في ذمه الله اسمها شرير ياحبيبتي
رودينا بغضب طفولي: قلت مش تتييق عليا وبعدين مسكت في الكلمه دي والكلام اللي قبله سبته
مريم بصدمه: هيا دي طفله
حمزة: الله يرحم اختك لما كانت قدك مكنتش لسه بتتكلم
مريم: لا والله يااستاذ ميزو
حمزة: والله لو حد سمع ميزو دي هيبتي هتروح في الارض
رودينا: بطلو خناق بقا واقعدو عشان ناكل
حمزة : هوا مش انتي ياطفلة انتي اللي بدأتي
مريم:طفلة مين دا انا اللي طفله
رودينا: اووف انتو يغايين اووي
حمزة: رغايين!!!!! انا يتقلي رغاي
مريم: بس يابابا خلينا ساكتين احسن واقعد ناكل باحترامنا
وضحكت وشاركها حمزة في الضحك وبدأو اكل وقعدو يهزرو ويضحكو ناسيين كل حاجه وحشة في حياتهم
وهما بياكلو دخلت مني ومصطفي وكان باين عليهم العصبية كانهم كانو بيتخانقو
مريم لرودينا: حبيبتي خلصتي اكل صح
رودينا: اه
مريم: طب تعالي يلا عشان تحلي الHomework بتاعك
واخدتها ودخلت اوضتها وقفلت الباب لانها عارفة انهم هيبداو خناق بس صوتهم بدأ يعلي ورودينا خافت قامت مريم وجابت الهيد فون بتاعتها ولبستهالها
مريم: بصي يارودي هشغلك قرءان اسمعي شوية هطلع اكلم ميزو وجاية ماشي ياحبيبتي
رودينا: حاضي
طلعت مريم وقفلت الباب عليها وخرجت لباباها ومامتها وحمزة قاعد ياكل ومش مديهم اي اهتمام
مريم: خلصتو ولا لسه
مصطفي: انتي بتتكلمي كدا ليه يابنت
مريم ببرود: ايوا عايزني اتكلم ازاي يعني
مني: اتكلمي باحترام مع باباكي يامريم
مريم بعصبية وخلاص زي مابيقولو جابت اخرها منهم: مش لما تدوني فرصة احترمكم انا زهقت منكم من زمان من وانا صغيرة كل شوية اشوف خناقكم وصوتكم العالي خليتوني اتعقدت من كل حاجه مادام مش قد الخلفة جبتونا ليه جبتونا نتفرج عليكم وعلي خناقكم ولا ايه بالضبط مش متفقين ماكنتو تتطلقو وتسبونا في حالنا لا بتهتمو بينا ولا تعرفو عننا اي حاجه خلفتونا ونسيتو اننا موجودين اصلا انا مش فاكرة اصلا ولا مرة قعدو اتكلمتو معانا ولا سألتو عاملين ايه ام واب ازاي مش فاهمه حمزة ويعتبر كان لوحده عمره ماشاف منكم حنيه ولا اهتمام واول ماجيت علي الدنيا بدأ يهتم بيا مش عايزني اعيش زي ماعاش ولا اشوف اللي شافه بس بردو شفته اي نعم جه فترة وبعد عني انا مش زعلانه منه لان دا مش واجبه اصلا دا واجبكم انتو اللي سبتوه ولا همكم فاكرين يوم نتيجه الثانوية بتاعته وردة فعلكم انتو وقتها كسرتوه حسستوه فعلا انكم مش موجودين في حياته اليوم اللي كان مستني منكم كلمه واحدة بس انكم فخورين بيه مسمعهاش وانا انا فاكرة كويس في كل مرة كنت اجي احكيلك ياماما حاجه كنت تقوليلو مش فاضية وبعصبية اكتر ولا انتي مش فاضية خلفتيني ليه كنت بشوف صحابي ومامتهم او باباهم جايين ياخدوهم من الحضانه كنت بقعد ابصلهم واقول انا ليه مش عندي اب وام زيهم كانت خالتو اللي بتيجي وتاخدني مع ملك انا حرفيا مش فكرالك موقف حلو معايا ولا انت كمان يابابا انتو مفكرين اننا عايزين فلوس فلوسكم دي اشبعو بيها خليها تنفعكم لما متلاقوش حد مننا جنبكم بعدين ولا رودينا الطفلة اللي خلفتيها وسيبتهالي انتي تعرفي عندها كام سنه تعرفي امته اول مرة تتكلم فيها اول مرة تحبي او مرة تروح الحضانه انتي متعرفيش عنها حاجه دي حتي مش بتقلك ياماما اول ما قالتها قالتها ليا انا انا اللي ربيتها وكبرتها وانتو ولا انا انتي كل همك الشغل وبتضحكه استهزاء وتعملي career زي مابتقولي وانت بردو بتشتغل قال ايه عشان متخليناش محتاجين حاجه في يوم بس احنا فعلا محتاجين محتاجين حاجات كتير حب اهتمام حنيه اب وام يبقو جنبنا يسألو عننا دا انا بسافر بالشهر مش بتسألو عني ولا كانكم حاسين بغيابي وقال ايه كل شهر تدوني الفلوس اعمل بيها ايه انا والله تعبت منكم انتو فعلا اسوأ اب وام في الدنيا انا بكرهكم
وجريت مريم علي اوضتها وهيا منهارة في العياط دموعها منزلتش من زمان كانها كانت مستنيه لما تطلع كل اللي في قلبها ووقتها تنهار
اما حمزة فبصلهم وماقالش غير جملة واحدة: اتمني تكونو مبسوطين دلوقتي وسابهم وراح لاوضة مريم وقاعد يخبط علي الاوضة عشان تفتحله بس هيا مش راضية
حمزة: مريم حبيبتي افتحي
سامع صوت عياطها بس ومش بترد عليه
حمزة: مريم قلت افتحي مش هتحرك من هنا قبل ماتفتحي بدل والله اكسر الباب وبعد فترة من المحايلة فتحتله الباب ودخل ووقتها مريم اترمت في حضنه وكملت عياط
حمزة زعل اوي من عياطها: بطلي عياط مفيش حاجه تستاهل دموعك دي انتي اقوي من كدا
مريم ببكاء: انا مش قوية ياحمزة ولا اعرف يعني اي قوة انا مصتنعه كل دا انا مفيش اضعف مني بس بحاول ابان قوية واحبس كل حاجه في قلبي بس خلاص انا تعبت من كل حاجه والله تعبت
حمزة: ربنا مش بيدي للانسان كل حاجه وكل دا اختبار من ربنا لينا اكيد اهلنا هيتغيرو ويفهمونا بس يمكن دا محتاج وقت احنا خلينا نصبر ولو مفيش حاجه اتغيرت انا وانتي ورودي مع بعض مش عايزين حاجه تانية احنا كفاية لبعض ولا مش عاجبك ياست روما
مريم بدموع وعياطها هدي: انتو عندي بالدنيا كلها انتو حياتي كلها اصلا متسبنيش تاني
حمزة بحزن لما افتكر الفترة اللي بعد عنها فيها: مش هيحصل تاني انا كنت غبي وقتها ونفسي تسامحيني انتي لسه شايله مني
مريم بدموع: لا مش شايله انا بس مكنتش مصدقة بعدك مرة في مرة وفكرتك نستني ومبقتش تحبني بس انت رجعتلي تاني ورجعت ميزو اللي اعرفه
حمزة: اتمني فعلا تكوني نسيتي وبضحك امسحي الدموع دي بقا عمرك شفتي قمر بيعيط
وبعد محاولات كتير اخيرا ضحكت
حمزة: يلا نروح لرودي احنا سايبينها من زمان
مريم بخضه: رودي لتكون سمعت حاجه وجريت علي الاوضة بتاعتها واول مادخلت شافتها نايمه ببراءة علي السرير
مريم ابتسمت عليها وراحت عندها شالت الهيد فون ونيمتها كويس وغضتها وخرجت من الاوضة وراحت اوضتها وحمزة دخل وراها وقعدو هما الاتنين علي السرير جنب بعض وحمزة حاضنها ومريم سرحانه

من بعد اللي قالته مريم لمني ومصطفي فضلو فترة مصدومين من كلامها وكإنها عرفتهم حقيقتهم اللي كانو عاملين نفسهم مش واخدين بالهم منها بس للاسف مش زي ما اتوقعنا انهم يندمو علي اللي عملوه في حق ولادهم بالعكس كل واحد حط الحق علي التاني في كل حاجه ورجعو يتخانقو(منكو لله قرفتوني انا بقول اموتكم واخلص منكم🙂)

في الاوضة عند مريم وحمزة
مريم: ميزوو
حمزة: امممم
مريم: علي فكرة انا اتكلمت مع لوكا
حمزة بلهفه: ها وقالتلك ايه
مريم بحزن مصتنع: للاسف ياحمزة
حمزة بخوف: للاسف ايه
مريم: هيا مش بتحبك ولا بتطيقك اصلا هيا مقالتهاش في وشي بس لمحت لكدا
حمزة بحزن: انتي بتهزري صح
مريم لما شافت الحزن واضح علي وشه اتراجعت في المقلب البي كانت هتعمله
مريم بضحك: بهزر يابني اهدي كدا
حمزة بغضب: اه ياكلبة وكان لسه هيضربها
مريم بتحذير: ها تبقي تعملها كدا وانت الخسران مش هقلك حاجه
حمزة بابتسامه مصتنعه: هوا انا اقدر اعملك حاجه ياروحي دا انتي قلبي بس قولي قالتلك ايه
مريم برفع حاجب: مصلحجي والله
حمزة بغضب: ماتنجزي يابت انتي قولي
مريم بخوف: اهدي ياستا والله سألتها وحكت ليه اللي قالته لملك
حمزة: يعني اتقدملها واشوف وقتها رأيها
مريم: اه بس استني شوية في اجازة نص السنه وتبقو تعملو الخطوبة علطول
حمزة: طب تمم كويس جدا
وفي نفس الوقت مريم فونها رن واول ماشافت انها حنان فتحت علطول
مريم بسرعه: اه يامهزاة ياكلب البحر يامعفنه روحتي ونسيتي ان عندك صاحبه انا هقطع علاقتي بيكي اصلا
حمزة بصلها باستغراب
مريم لحمزة: معلش يستا بيتك بقا عشان عايزة ارغي مع البت
حمزة: انتي بتطرديني
مريم: كويس انك واخد بالك يلا بقا ووووو

وبكدا بارت النهارده خلص اشوفكم البارت الجاي سمعليكوووو🚶‍♀️🚶‍♀️
ڤوت وتعليق لطيف ذيكم بقا🌚💜
#Hanan_Selim ✍🏻