#معاناة_بريئه
#البارت_الثامن_والعشرون
وقفنا البارت اللي فات لما حنان ومريم اقتحمو الاكل ونسيو هما كانو بيتكلمو في ايه
حنان: الاكل جامممممد يابت يامريم متخلي حماتك تيجي تعيش معانا هنا
مريم: ياريت فعلا ماما امل اكلها تحفه وبعدين انا اصلا متعلمه منها
حنان: وانتي تيجي حاجه جنبها
مريم: اه يامهزأة ياللي معندكيش دم طب ابقي شوفي مين هيعملك اكل يافاشله دا انتي بتتحايلي عليا يابت اطبخ
حنان: ياروحي دا انتي اكلك سكر واحسن منها طبعا
مريم: بس يابت بطلي كدب عيله مصلحجيه معرفش مصاحباكي ليه
حنان: وحياة امك هيا مين اللي مصلحجيه طب تعاليلي بقا
قامت حنان تضربها وتشدها من شعرها وتعضها
حنان: دا انا مصحباكي شفقه يابت دا انا عامله لحياتك بهجه يامتوحده دا انا اللي بصحيكي يابت من النوم وانتي بتبقي عاملة زي الاميرة النائمه كدا ياكلبه البحر بصالي في الاكل اللي بتعمليهولي انا بعرف اطبخ ياماما بس مش عايزة اصدمك بس وعشان متحبيش اكلي وتخليني اعمل علطول
مريم: بقا انا تضربيني كدا ياكلب البحر انتي متورينا يختي شطارتك دي وقومي اعملي اكل واهو تتعلمي مش عارفه هتبقي ست بيت ازاي
حنان بردح: هطلب دليفري ياعنيا وبعدين انا هتجوز واحد بيعرف يطبخ بس دا ميمنعش اني بعرف بردو
مريم: بكره نشوف يختي وبكره انتي اللي هتعملي الاكل اما نشوف بقا ياشيف شربيني انتي
حنان: اه حيلي اتهد منك لله مش قادرة
مريم بتعب: منك لله انتي دا انا اللي كنت بنضرب انتي جايبه الصحه دي منين
حنان: خمسه في عينك تك كت ضربه بصالي في شوية الضرب اللي ضربتهملك
مريم: مابس بقا صدعتيني كل شوية بصالي في الاكل بصالي في مش عارفه ايه بصي اقطعي علاقتك بيا يلا شوفي انتي رايحه فين امشي روحي علي سريرك
حنان: يختي في داهيه هموت يعني لو مكلمتنيش
سابتها حنان وراحت قعدت علي سريرها
وبعد فترة صغيرة
مريم: بس بس
حنان: ايه
مريم: عايزة غزل بنات
حنان: تصدقي بالله وانا
مريم: طب ايه رايك ننزل نجيب
وكمان نجيب فشار وروستيكا ولب ونسمع فيلم
حنان بحماس: الله فكرة جميلة خالص يلا بينا
قامو يلبسو وشوية ونزلو من السكان وهما في الطريق وقفت مريم مرة واحدة
مريم: هوا مش احنا كنا اتخانقنا
حنان: احنا اه تصدقي صح
مريم بضحك: يلا ياحنان نجيب اللي قلنا عليه
حنان: يلا يااوختشي
عمو عمو عايزة غزل بنات
الرجل: عايزة كام يابنتي
بصت مريم لحنان وقالت: هتاخدي كام
حنان: اممم تلاته
مريم: تمم ياعمو هات عشرة
حنان: ثانيه ثانيه اي الظلم دا
مريم: مش سالك وقلتي هتاخدي تلاته
حنان: اه
مريم: ماشي وانا هاخد الباقي
حنان: لا دا استعباط احنا هنقسم بالنص انتي خمسه وانا خمسه مليش دعوة
مريم: اووف مستبده
الرجل: يعني هتاخدو كام بردو
حنان: هات عشرة ياعمو
وبعد ما اشترو غزل البنات راحو مقلي
حنان: عايزين لب وروستيكا لو سمحت
مريم: وسوداني
حنان: اشتا وسوداني
حنان: اممم عايزة مصاصة
مريم: وانا وانا
حنان: رخمه هتقلديني
مريم: نينينيني معلش يختي اطلبي وانتي ساكته
بعد مااخدو اللي طلبوه خرجو وجابو شيبسي واندومي من السوبر ماركت ورجعو السكن
حنان: هاتي كيس اندومي والتايجر كدا
مريم بضحك: بردو هتكسريهم علي بعض
حنان: دا ادمان يابنتي اش فهمك انتي اول مرة افشل ان اخلي حد يدوق اختراعي
مريم: مش اختراع دا عك
حنان: نينيني مبتفهميش ان شآء الله عنك مجربتي هاتي
اخدت حنان الاندومي وكسرت وحطت عليه التوابل بتاعته ومسكت كيس التايجر وكسرته بردو وحطت الاتنين علي بعض وبدأت تاكله باستمتاع
(علي فكرة بقا الموضوع جامد جربو تعملوه كدا😂اخترعته من اولي اعدادي واي حد يجربه يحبه وعمري مافشلت بقا اخلي حد ياكله وكل ماحد يشوفني باكله يستغربو في الاول بس بعد مايدوقو بيعملو زيي😂والحمد لله دا الانجاز الوحيد اللي في حياتي😌)
اما مريم فبدأت تاكل في الشيبسي بشرود
حنان: مريم بت يامريم انتي يازفته
مريم بانتباه: ها بتقولي ايه
حنان: سرحانه في ايه
مريم بحزن: مش عارفه بس مخنوقة المفروض ابقي فرحانه انه طلع بيحبني صح بس مش دي ردة الفعل اللي كنت منتظراها من نفسي
حنان: انتي حاسه بايه انتي حاسه انك مبقتيش تحبيه!!!
مريم: لا طبعا انا بحبه انتي عارفه كدا كويس بس كل الموضوع ان في خنقه مش عارفة سببها
حنان: بصي صلي استخاره وشوفي لو الموضوع فيه خير ليكي تكلميه وتقوليله انك وافقتي ولو لقيتي نفسك مش مستريحه عادي خدي وقتك وهوا غصب عنه يستناكي
مريم: بس انا بحبه واكيد عايزة نبقي مع بعض
حنان: لازم بردو الراحه بصي احنا لسه قدامنا وقت ولو كلمك في الموضوع قوليلو هقلك رأيي بعد الامتحانات بحيث نخلص امتحانات وتفكري علي رواقه
مريم: وانتي برأيك هعرف اذاكر اصلا
حنان: هتذاكري ياعين امك لاما والله اجيبك من شعرك عايزين ننجح ياحيلتها
مريم بضحك: يابنتي بالراحه بتخوفيني بحسك هتاكليني
حنان: مسيطرة انا صح
مريم: اتوكسي ويلا نذاكر
حنان: ياه يعني ايه مذاكرة
مريم: يلا يااختي خلينا نتنيل نخلص من ام الترم دا
حنان: اووف حاضر
ورجعت كل واحدة تركز في مذاكرتها
_______#_______
أنت تقرأ
معاناة بريئه
Romansaالاهمال اكتر حاجه مؤذيه في الدنيا كفايه بس انو بيخلي الانسان فاقد الشغف وبيهلك القلب والمشاعر خصوصا لو الاهمال دا كان من اقرب الناس لينا💔
