#معاناة_بريئه
#البارت_التاسع_والعشرون
في شركه مني
المدير: انتي بتهزري يامدام مني
مني: لا يافندم عايزة اقدم استقالتي
المدير: ليه دا انتي من امهر الموظفين عندنا وبقالك سنين في الشركه مرة واحدة عايزة تقدمي استقالتك
مني: ظروف شخصيه يافندم
المدير بتنهيده: تمم اللي انتي عايزاه وفي اي وقت حابه ترجعي الشركه مفتوحه ليكي
مني بابتسامه: شكرا يافندم
خرجت مني من الشركه وهيا في الطريق رنت علي مريم
في سكن مريم استغربت ان مامتها بترن
مريم لحنان باستغراب: غريبة اول مرة ماما ترن عليا
وبخوف: معقول رودي فيها حاجه
حنان: طب ردي بسرعه
مريم: نعم ياماما رودينا كويسه
مني بتوتر: اه هيا كويسة
مريم: امال حضرتك بترني ليه
مني: كنت عايزة اتطمن عليكي عامله ايه
مريم باستغراب: تطمني علي مين عليا انا!!!!!
مني بحزن: اه عليكي انتي كويسة
مريم: امممم غريبة انا كويسة الحمدلله عايشة لسه ممتش
مني: بعد الشر عنك العمر كله ليكي
مريم باستغراب: تمم سلام عندي مذاكرة
وقفلت مريم الفون قبل ماتسمع رد مني
حنان: هوا في ايه
مريم بابتسامة حزينه: هه قال ايه بتطمن عليا
حنان: طب دا شئ كويس مالك زعلانه ليه
مريم: هيا متغيره
حنان: للاحسن
مريم: بس ليه دا من امته اصلا بتكلمني ولا تعبرني دا انا بقعد بالشهر هنا متعرفش عني حاجه وعمرها مفكرت تكلمني.
حنان: خير يمكن اتغيؤت وعايزة ترجع ليكي فكري بايجابيه
مريم بخنقه: تمم اقفلي ع الموضوع يلا نرجع نذاكر
اما عند مني قررت تجيب رودينا من الحضانه وبالفعل راحت واستنت وقت خروجها وقبل ماتركب باص الحضانه نادت عليها
مني: رودينا
الميس: حضرتك مين
مني: انا مامتها
الميس: اول مرة اشوفك هنا معتقدش انك مامتها اتفضلي من هنا
مني لرودينا: حبيبتي تعالي نروح يلا
رودينا مسكت في ايد الميس بخوف
الميس بغضب: اتفضلي امشي من هنا بدل ما اناديلك الامن
مني: انا مامتها بقلك تعالي يارودي يلا نروح البيت
رودي: تؤ مش عايزة اروح معاكي انتي شريرة وبتزعقي كتير
مني بدموع: مش هزعق والله تاني بس تعالي يلا وهفسحك كتير واجبلك كل اللي انتي عايزاه
رودينا برفض: لا انا عايزة ابيه حمزه
مني: طب تعالي هوديكي ليه ومش هعمل حاجه والله تزعلك
رودينا: بجد
مني: بجد يلا
الميس: انا ايه يأكدلي انك مامتها
مني طلعت بطاقتها ورتهالها واخدت رودينا بعدها وركبتها العربية وفي الطريقة مقدرتش تكتم دموعها ووقفت العربية وفضلت تعيط
رودي بدموع هيا كمان: انتي بتعيطي ليه
هاجي معاكي علطول بعد كدا بس متعيطيش بليز
مني حضنتها جامد وعيطت علي الايام اللي ضيعتها من غير ولادها وعلي بنتها اللي خايفه منها ومكنتش راضيه تيجي معاها
مني ببكاء: انا اسفه اسفه اووي
رودي مسكت وشها ومسحتلها دموعها: ششش متعيطيش بقا عشان معيطش انا كمان
مني بابتسامه وهيا بتمسح دموعها: مش هعيط خلاص
ايه رأيك نخرج
رودي بتفكير: وهتوديني الملاهي
مني بفرحه: هعملك كل اللي انتي عايزاه
رودي بفرحه: يلا وهاتيلي باندا كبير زي بتاع روما
مني: من عنيا الاتنين
فرحت مني انها قدرت ترجع اول بنت ليها بسهولة وقررت تستغل اي وقت وتعوض اللي معاشتهوش مع مريم في رودي وتحاول تخلي مريم وحمزة يسامحوها وينسو اللي حصل
قضت اليوم كله معاها وكمان لعبو هما الاتنين مع بعض واكلو وبالليل رجعو البيت
شافت مني جوزها قاعد في الصالون دخلت رودينا اوضتها وطلبت منها تغير هدومها علي ماتجيلها وخرجت لمصطفي
مصطفى: انتي كنتي فين واتأخرتي كدا ليه ورودينا كانت معاكي ليه
مني مقالتش غير جمله واحدة: انا سبت الشغل
مصطفي باستغراب: ايه سبتي الشغل ازاي يعني
مني: سبت الشغل زي الناس انا هقضي الباقي من حياتي مع ولادي كفايه اوي اهمالنا ليهم السنين اللي فاتت دي كلها
مصطفي بصوت عالي: اهمال ايه هوا مش المفروض انتي امهم وكنتي تفضلي معاهم لكن ازاي قلتي شغلي اهم ومش هضيع حياتي في البيت وو
مني: ششششش اولا كدا توطي صوتك من النهارده مش عايزة اسمع صوت عالي في البيت دا عشان منعملس ازعاج للبنت اما بقا ثانيا انا كنت انانيه عارفة اوي لكن انتي كمان اناني ومازلت انت بتحط الحق كله عليا هوا انت لازمتك كأب تشتغل وتجيب فلوس وبس اذا كان دا مفهومك فانت غلطان اوي
مصطفي بملل: بلاش صداع اعملي اللي انتي عايزاه انا داخل انام
سابها واقفه ودخل اما مني دخلت اوضة رودينا لقتها غيرت هدومها
مني: يلا ياروحي نحل الHomework عشان تنامي
رودي: انا بعرف احله لوحدي كله تعالي انتي بس اقعدي جنبي تعالي يلا
دخلت مني بابتسامه وقعدت جنبها تتفرج عليها وهيا بتحل
مني في نفسها: كان فايتني كتير اوي في حياتي بجد الفرجه عليها لوحدها بالدنيا امال لو كنت شاركتها اللحظات اللي فاتت من حياتها قد ايه كنت غبيه
وبعد فترة
رودي: انا خلصت
مني: طب يلا ياحبيبتي تنامي ولا جعانه
رودي: تؤ شبعانه انا هنام
باستها مني وغطتها وخرجت من الاوضة
رودي افتكرت انها مكلمتش مريم النهارده فقررت ترن عليها
رودي: رومااااا
مريم: قلب روما عامله ايه ياروحي
رودي بفرحه: مبسووطه كتير
مريم: ياروحي يارب دايما بس حصل ايه ها احكي
رودي: خرجت ورحت الملاهي واكلت شاورما يمييي ولسه راجعه البيت من شوية
مريم باستغراب: هوا مش حمزة في الشغل هوا رجع امته
رودي: لا انا مخرجتش مع ميزو
مريم: امال مع مين ياحبيبتي
رودي: مع ماما
مريم بعدم فهم: ماما مين ياحبيبتي
رودي: هوا احنا عندنا كام ماما
مريم: ازاي انتي بتقولي ايه انتي بتهزري
رودي: تؤ ماما جات خدتني من الحضانه ورحنا الملاهي وبعدين رحنا اكلنا ورجعنا البيت بعدها وقعدت معايا وانا بحل الHomework وبعدين نيمتني وخرجت وانا افتكرت اني مكلمتكيش فكلمتك
مريم مصدومه من اللي رودي قالته وان مامتها عملت دا كله: طب ياحبيبي يلا نامي عشان تصحي تروحي الحضانه ومتتأخريش علي الباص زي كل يوم
رودي: ماما قالت انها هتصحيني كل يوم وبعد منفطر هيا هتوديني وهتيجي تجيبني بردو
مريم: هه انتي بتقولي ايه يارودي
رودي باستغراب: بقول ايه
مريم: مفيش ياحبيبتي تصبحي على خير يلا نامي
رودي: وانتي من اهل الخير باي
قفلت معاها ونامت علطول
______#________
عند مريم في السكن
حنان دخلت الاوضة: ايييه سرحانه في ايه
مريم: ها حاسه اني في حلم يعني مش ممكن يكون حقيقه والانسان يتغير في يوم وليله كدا
حنان: انتي قصدك علي مامتك هوا حصل ايه تاني
مريم حكت ليها اللي رودي قالته: انا مصدومه انا طول حياتي بدعي بكدا ياحنان وان ماما تبقي زي اي ام كنت بتمني تاخد بالها من رودي مبقاش قلقانه عليها وانا هنا انها تسأل عني مجرد سؤال هه شفتي بنت حلمها ان مامتها تسأل عنها
حنان بسخريه: هه اه وشفت ام مش فاكرة ان عندها بنت اصلا
مريم بسخرية: اتلم متعوس علي خايب الرجا اي البؤس اللي احنا فيه دا
حنان: حظنا هنعمل ايه وبعدين قولي الحمد لله مامتك بترجعلك اهي وزي ما اتمنيتي
مريم بتنهيده: يااارب
_________#___________
أنت تقرأ
معاناة بريئه
Romanceالاهمال اكتر حاجه مؤذيه في الدنيا كفايه بس انو بيخلي الانسان فاقد الشغف وبيهلك القلب والمشاعر خصوصا لو الاهمال دا كان من اقرب الناس لينا💔
