معاناة بريئه

البارت الرابع عشر🐣

#معاناة_بريئه
#البارت_الرابع_عشر

بالليل بعد ما البنات اتعرفو علي بعض كويس كل واحد دخل اوضته
حنان: مرياااااام
مريم: انتي ليه محسساني اني في الشارع مانا قاعدة جنبك يابنتي وطي صوتك شوية
حنان: اووف حاضر طب انا زهقانه وعايزة اعمل حاجه
مريم: عايزة ايه يعني
حنان بصت ليها بصه فهمتها مريم كويس
مريم: استحاااله
حنان: بلييييز روما والله زهقانه
مريم: لا ياما انتي هبله عايزانا نخرج دلوقتي احنا قلنا مرة في السنه علي الاقل نصيع براحتنا لكن النهارده لا انتي يابت مش تعبانه دا احنا جايين من سفر
حنان: لا مش تعبانه بس عايزة اخرج ياروماااا والله ملل رهيب
مريم: طب نعمل اي حاجه غير الخروج دا الساعه عشرة ياحنان مينفعش
حنان بعبوس: طب نعمل ليه
وعلي صوتهم جات رنا
رنا: في ايه يابنات انتو بتتخانقو
مريم: لا ياحب بس الاستاذة عايزة تخرج
رنا: دلوقتي
مريم: قوليلها
حنان: انتو اشرار علي فكرة
رنا: طب تعالو عندي فكرة
حنان: فكرة ايه
رنا: نتجمع في البلكونه وهنجيب فشار وروستيكا ولب ونقعد نتكلم واهو نتعرف علي بعض اكتر وكمان هخليلكم افنان تغني اي خدعه
مريم: ايه دا هيا بتعرف تغني
رنا: صوتها جممممر هتحبوه خالص يلا بس
حنان: يلا بدل الملل دا ومليش نفس انام
رنا: اشتا هنادي البنات
اتجمعو البنات في البلكونه
حنان: ها هنعمل ايه
اسماء: ايه رأيكم نلعب
ندي: نلعب ايه بقا
اسماء: صراحه ولا جرأة
مروة بضحك :عرفاها دي
اسماء: ايووون هيا اللي في بالكم وبصراحه بشوفها في روايات كتير وعايزة اجربها
حنان: حلو يلا بينا
اسماء: اكيد مش هنعمل بالازازة هجيب ورق ونكتب فيه اسمائنا وكل واحدة تختار ورقة وتسأل صاحبه الاسم اللي في الورقة صراحه ولا جرأة لو اختارت صراحه هتسألها سؤال والمفروض تجاوب من غير كدب ولو جرأة هتطلب منها طلب ولازم تنفذه اشتا
البنات كلهم مع بعض: اشتا
اسماء كتبت الاسامي زي ماقالت وحطتهم في علبه وبدأو لعب
رنا: ابدأي يامريم يلا
مريم: اشتا
اختارت مريم اسم واللي طلعت كانت نور
مريم: نور
نور: نعم
مريم: صراحه ولا جرأة
نور: صراحه
مريم: اممم شيفاكي هادية علطول وكلامك قليل انتي دي طبيعتك ولا ايه
نور بابتسامه بسيطه: لا
مريم: طب ليه الهدوء دا حسيت فعلا ان مش دي طبيعتك
نور بصراحه: انا فعلا مكنتش كدا انا مكنش في حد فرفوش زيي كنت بموت في الهزار والضحك مكنتش بقعد في مكان غير لما اخلي كل اللي فيه بيضحك مكنتش اعرف يعني ايه حزن اصلا لحد ماشفته وحبيته للاسف اتعرفت عليه كان في الاول معتبرني اخته وانا كمان مكنش في حاجه بينا كنت بنتطمن علي بعض كل يوم لحد ماحسيت اهتمامه زاد مرة واحدة بقا يكلمني كل شوية ويسألني انا فين بعمل كدا لحد ما اتعودت علي كدا بقيت اسأله واخد رأيه في كل حاجه اشتري لبس مثلا اقله ايه رأيك فيه كان يقلي لا ضيق متلبسيش دا وبدأ يتحكم في حياتي مرة في مرة وانا اللي سمحتله بكدا بعدت عن صحابي بسببه بقا كل حياتي واحلي حاجه فيها لحد ما اتصدمت فيه بقيت اكتشف فيه حاجات كان مخبيها مش دا الشخص اللي حبيته ولا دا الانسان اللي اعرفه طلع حاجه تانية خاالص شخصية كدابة مخادعه مش محترم كل اللي حبيته فيه طلع كدب قالولي هتنصدمي فيه هوا مش كويس مش زي ما انتي متخيلة وانا قلت لا استحالة بس طلعو صح وانا اللي غلطانه اذا كان علي الحب والاهتمام اللي بينهولي طلع كدب طلع بينسي حبييته بيا حبيبته اللي سابته وقالتله انه ميستاهلهاش وانه مش الشخص اللي اي بنت بتحلم بيه وجرحته بكلام كتير رده ليا انا بقا كانه بينتقم مني علي حاجه معملتهاش بينتقم منها فيا طب وانا ذنبي ايه لغيت كرامتي واديتله اعذار كتير بس اكتشفت انه مش دا اللي حبيته انا محبتش انسان بيغلط في بنات ويقول الفاظ وحشة زي اللي سمعتها منه دي مكنش يعرف اني هشوفه وهوا بيقول كدا بس للاسف شفت شفت كلام مفيش بنت تستحمله قطعت كل كلامي معاه وقعدت في اوضتي اسبوعين مش بخرج ولا بعمل اي حاجه غير اني اعيط ولما رجعت تاني لحياتي وحاول يكلمني واجهته قالي كلام عمري مهنساه قال كدا بالحرف انتي واحدة تافهه متتحبيش اصلا انا كنت بسلي وقتي مش اكتر روحي شوفي نفسك كدا عمري ماشفتك انسانه مسؤولة واخدة الحياة كلها هزار وانا مينفعنيش واحدة بالشكل دا وسابني ومشي انا من صدمتي لا عيطت ولا عملت اي حاجه بالعكس بقيت اضحك وبس اضحك من صدمتي ومن وقتها مفيش دمعه نزلت مني ومن وقتها بردو نهيت علي شخصيتي اللي مكنتش عجباه دي معرفش ليه عشان لما يرجع يلاقيني مبقتش بالتفاهه اللي سابني عشانها ولا عشان اعقل شوية
اسماء: خلصتي صح اقلك حاجه انتي غبية متزعليش بس انتي فعلا غبية هوا ميستاهلكيش ولا يستاهل انك تموتي روحك بالطريقة دي يعني مثلا شوفيني انا سبنا بعض بعد حب تلات سنين كنت بحبه بطريقة هبله بس الوقت اللي جه وجرحني فيه باني باردة مش بعرف احب فيه زي ماهوا عايز وبضحك: اصل طلع مرتبط عشان يلاقي واحدة تقله كلام حلو لكن انا مش من النوع دا خالص انا اعترفتله بحبي اه عشان كنت محتاجه اعرفه بس لكن اقعد اقول كلام حب ومكالمات وكلام من دا معرفتش متخيلة تلات سنين مكلمتهوش كان كلامنا مجرد شات وكام مرة شفته فيها بس انا كنت من النوع الخجول عمري ماكان ليا تعامل مع ولاد ابدا غير اني عندي عيب كدا مش عارفة اغيره لا بعرف اواسي حد ولا اهون عليه اي مشكلة عارفة انه حاجه وحشة لكن مش بايدي لكن دا قالي في وشي انتي واحدة نكدية لا بتعرفي تتكلمي ولا تعملي حاجه امال انا مرتبط ليه اروح اشوف واحدة بقا تصبح عليا كل يوم ونسهر مع بعض ونفضل نتكلم للصبح اصل بعيد عنك انا مكنتش بعمل كدا خالص وقال ايه بعدها بيقلي كنت بهزر معاكي انا بحبك انتي زي ما انتي وانا زي الهبله رجعت بس اكتشفت بعدها خيانته وقتها قفلت علي قلبي دا وقلبت حياتي هزار وبس وقطعت علاقتي بناس كتير كان هوا اللي معرفني عليهم رجعت للشخصيه اللي كنت عليها الاول مع شوية تعديلات بسيطه كدا غيرت في نفسي كتير وخدت الحياة علي انها اعيش النهارده ومفكرش في بكرة اصلا مفيش حاجه مستاهله ومقضية حياتي ضحك وبس والدموع دا منزلتش مني اصلا ولا بعرف انزلها انا بقيت انسانه باردة بمعني الكلمه بس مع ناس معينه لكن صحابي او اللي اتعودت عليهم فانا فرفوشة وهبله فعشان كدا عيشي وارجعي لحياتك ومتفكريش ترجعي ليه اصلا ولا تفكري فيه شخصيا اختااه اتلمي بلا رجالة بلا قرف
حنان: خلصتي يانكدو منك ليها اقفلو علي الموضوع دا وسيبوه لقعدة غير دي نكون مخنوقين عشان نلاقي حاجه نعيط عليها ودلوقتي خلونا نكمل اللعبه دي افنان اختاري ورقة يلا
افنان: اشتا واختارت افنان وطلع اسم ندي
ندي: هييح انا ياشوباب
افنان بضحك: ها صراحه ولا جرأة
ندي: جرأة
افنان: قومي واقفلي علي الكرسي وغني بصوت عالي
ندي: وااات
افنان: يلا ياروحي واه وهسيبك تختاري براحتك عشان متقوليش اني شريرة
ندي: لا كتر خيرك يختي احم ابقو طمنوني علي حاسة السمع بتاعتكم
وبدأت تغني
ندي: اختارنا ننسي كان املنا نخاف ومنكملش بعد لقينا روحنا لما رحنا مفتكرناش اي وعد اختارنا ننسي كان املنا نخاف ومنكملش بعد لقينا رحنا لما مفتكرناش اي وعد
اه واختلفنا حبيبي اكتر ما اتفقنا من يوم لقانا واحنا بنأجل فراقنا واختلفنا حبيبي اكتر ما اتفقنا من يوم لقانا واحنا بنأجل فراقنا
دا الفراق كان هوا اخر فرصة لينا وصلنا ليه ولسه بنجرح في بعض
افنان: هوا مش المفروض دي اغنية حزينه وكدا
مريم: المفروض
ندي: يلا ياخنزيرة منك ليها غيرانين من صوتي
افنان: صوت ايه يابت دا انتي كإنك بتغني مهرجان رامي جمال هينت*حر لو سمعك
ندي: احم انتو اللي طلبتو محدش قالكم تطلبو مني كدا
افنان: مكنتي تغني مهرجان ليه تغني لرامي
ندي بعبوس: ما انا بحبه وهوا الوحيد اللي حفظاله  مليش في المهرجانات دي 
افنان: ماشي يختي اللي عليه الدور يختار يلا ياحنان
حنان: دوووري
واختارت حنان ورقة وطلعت افنان
افنان: استر
حنان: انا لا هقول صراحه ولا جرأة هطلب علطول رنا قالت انك صوتك حلو غني يلا بقا بدل الصوت النشاذ اللي سمعناه من شوية دا
افنان: عايزة تسمعي لمين
حنان:  تامر عاشور قلبي
افنان بدأت تغني بصوت جميل: هوا انت مين بيصدقك علشان عايزني اصدقك وارجع واسامحك من جديد من تاني وارجع اعشقك قلبي اللي كان ملك لايدك وعاش حياته وعمره ليك بقا صعب تاني يأمن ليك شئ مستحيل لو يسمعك عايز ايه ماكفاية قلبي ضحكت عليه حبك وكنت بتلعب بيه ازاي اصدق تاني وليه قلبي يرجع يعيش من تاني جراح ماخلاص نسيك وخلاص ارتاح ارجع لحبك  ليه وعلي ايه
حنان: ياروحي صوتك قمر اووي
كل البنات وافقوها الرأي
حنان: الدور علي اسماء
اسماء اختارت ورقة
اسماء: مريم
مريم: صراحه لا تقوليلي اقوم اغني ولا حاجه
اسماء بضحك: لا متخافيش مكنتش هخليكي تغني المهم امممممم ايه الحاجه اللي بتعمليها وتخليكي مبسوطه
مريم: لما اكتب بحس نفسي بطلع اي طاقة سلبية جوايا
اسماء: انتي بتكتبي ايه
مريم وبصت لحنان: روايات ياسوسو
اسماء: الله بتكتبي روايات قولي كدا رواياتك ايه عشان اقرأها
مريم قالت ليها علي رواية من رواياتها
اسماء بصدمه: بتهزري
مريم: بهزر في ايه
اسماء: انتي الكاتبه المجهولة
مريم: احم اه
اسماء بصراخ: عاااا انا من اشد معجبينك انتي بتهزري بجد يعني انتي قدامي لا بجد حد يقرصني
رنا قرصتها جامد من ايديها
اسماء: ااه ايه يامهزأة
رنا: انتي اللي قلتي
حنان: ايوا هيا يختي اقلبو علي اللي بعده
ندي: دوري بقا
اختارت ندي ورقة وطلعت حنان
ندي: صراحه ولا جرأة
حنان: صراحه
ندي: نفسك في ايه وعايزاه يتحقق النهارده قبل بكرة
حنان بشرود: نفسي في ام تسأل عني لو كل اسبوع مرة حتي نفسي في اخ يكون زي الاخوات اللي بشوفهم نضحك مع بعض نهزر مع بعض نتخانق مع بعض نخرج مع بعض واشوف بابا مبسوط بحسه زعلان دايما
يختاااي قلباها نكد بردو يلا اللي بعده يلا
مروة: دوري
اختارت مروة ورقة وطلعت رنا
مروة: جرأة ولا صراحه
رنا: صراحه
مروة: اكتر حاجه ندمتي عليها في حياتك
رنا بحزن بسبب اللي افتكرته: ندمت علي اني كنت بعيدة عن بابا وماما مكنتش بقعد معاهم حياتي كانت في اوضتي وفوني كانو يقولولي اطلع اقعد معاهم بحكم اني البنت الوحيدة اللي ليهم بس كنت بتحجج باي حاجه لحد مارجعت في يوم من المدرسة لقيت الناس متجمعه عند بيتنا وقتها عرفت ان بابا عمل حادثة وماما من الصدمه جالها جلطه وماتت هيا كمان في يوم خسرتهم الاتنين وبقيت لوحدي قعدت شهر فاقدة النطق انا مكنتش بقعد معاهم بس كنت بحبهم مكنتش اعرف ارجع البيت ملاقيش ماما او بابا فيه بس مرة واحدة ارجع وميكونوش موجودين خالو وابن خالو فضلو جنبي هما الوحيدين اللي باقيين ليا من عيلتي قعدت معاهم في البيت بس جسم من غير روح كان مازن بيحاول يخليني ارجع زي الاول لحد مانجح فعلا واتخطيت الموضوع بس منستش ولا هنسي ومن وقتها قربنا من بعض واتخطبنا كمان من تلات شهور
البنات: ربنا يرحمهم ويغفر لهم ياحبيبتي هما في مكان احسن
رنا: يارب يلا يانور اختاري
اختارا نور ورقة وطلعت مروة
نور: صراحه ولا جرأة يامروة
مروة: جرأة
حنان بهزار: واخيرا حد اختار جرأة دا البت افنان وندي كرهوكم فيه
نور: مفيش حاجه معينه في دماغي بس هختارلك حاجه سهله اممم انزلي تحت دلوقتي قدام العمارة واول عربية تيجي وقفيها وقوليله عايزة جنيه
مروة: نعم!!!!
نور: اللي جه في دماغي
اسماء: هيا دي الحاجه السهله
مروة: قولي انك بتهزري يانونو ياحبيبتي
نور: تؤ تؤ
مروة بعياط مصتنع: اهي اهي وبرستيجي هيروح فين
مريم: الله حلو اووي يلا يامروة انزلي يلا يلا
مروة: منكو لله مش هقول غير كدا
لبست مروة ونزلت قدام العمارة والبنات بيتفرجو عليها من البلكونه
مروة بتكلم نفسها: ياعيني عليكي يامروة علي اخر الزمن هتشحتي جنيه في عربية جاية اهي اما نشوف استر
وقفت مروة العربية
الشاب اللي فيها: نعم ياانسه
مروة بتوتر وخجل: بص هوا يعني
الشاب: في حاجه اقدر اساعدك
مروة بسرعه: بس انا مش بشحت والله بس انا بلعب مع صحابي وهما اللي طلبو مني اعمل كدا حتي بص في البلكونه اللي فوق دي هتلاقيهم واقفين يتفرجو فاعمل نفسك مش واخد بالك ولا كإني قلتلك حاجه وهات جنيه
الشاب انصدم شوية وبعدين ضحك: اهدي شوية وخدي نفسك وطلع محفظته
الشاب: اتفضلي
مروة: ايه دا بقول جنيه
الشاب: والله مش معايا غيرها وعن اذنك عشان مستعجل ومشي بالعربية
مروة في نفسها: لا هوا سوري بس ايه دا هوا اهبل عااا منكو لله كانت لعبه منيله دا ادالي200جنية
طلعت مروة للبنات وهيا بتشتم
مروة: منكو لله منظري كان وحش خالص عااا
البنات ضحكو عليها
حنان: معلش ياميرو كانت لعبه يلا بقا ننام الوقت اتأخر واحنا عندنا جامعه بكرة
اسماء: يلا تصبحو علي خير يابنات
كل واحد دخل اوضته ونامو
(عارفة ان البارت مش فيه احداث وكدا بس كنت حابه اعمل اللعبه دي عشان تتعرفو علي الشخصيات شوية وكل بنت من البنات دي ليها معانا حكاية)

وبكدا بارت النهارده خلص اشوفكم البارت الجاي سمعليكوو🚶‍♀️🚶‍♀️
ڤوت وتعليق لطيف ذيكم بقا🌚💜
#Hanan_Selim ✍🏻

عارفة اني اتأخرت اوي البارت دا بس ان شاء الله هنزل بارت تاني بكرة هتعويض🐥💜