معاناة بريئه

البارت السادس عشر🐣

#معاناة_بريئه
#البارت_السادس_عشر

في صباح يوم جديد تصحي البنات ويروحو الجامعه كالعادة واول ماخرجو من المدرج فون مريم رن فتحت وشغلت الاسبيكر
مريم: اهلا بالمهزأة اللي نسيتنا خليه ينفعك يااستاذة احنا اللي هنصوت عليكي علي فكرة مش هوا
حنان من الناحية التانية: احنا اللي عرفانا من قبله هانت عليكي العشرة والكريب والبيتزا واكل البت مريم كمان
مريم: ايوا وأكلي ياطفسه يامعفنه دا انتو من غيري متعرفوش تعيشو
حنان: لا والله مش هنعرف نعيش ليه يعني
مريم: استهدي بالله انتي دلوقتي نبقي نتخانق براحتنا بعد منخلص معاكي
حنان: معاكي حق فعلا ولسه هتكمل شتيمه هيا كمان
ياسمين: مابس يختي انتي وهيا مصدقتو وشغالين شتيمه
مريم: تستاهلي ولا متستاهليش
ياسمين: لا وبعدين انتو متعرفوش كان في ايه واللي حصل ماصدقت الايام دي عدت
مريم وحنان بخوف علي صاحبتهم: حصل ايه خضتينا
ياسمين: حوار طويل
مريم وحنان قعدو في كافيه: واحنا فاضين انجزي قولي في ايه
ياسمين: انتو عارفين ان خطوبتي قربت وانه لشخص تاني غير ياسين صح
حنان: ايه دخل سيرة الزفت دا دلوقتي
ياسمين: مهوا اصل المشاكل اللي انا كنت فيها
مريم: ليه عمل ايه
ياسمين: احمد جه و
حنان: احمد مين
ياسمين: اللي هيكون خطيبي
حنان: اه كملي
ياسمين: احمد جه وشوفنا بعض واتعرفنا علي بعض شوية انا حسيته شخص كويس عشان كدا وافقت ما انا مكنتش هفضل عايشة علي ذكري واحد ممرمط بكرامتي الارض ومخليني كارهه نفسي انا منستش لان الموضوع صعب انه يتنسي علطول بس قلت اني هبدأ من جديد واحمد شخص محترم ويستاهل كل خير
مريم: طب تمم لحد كدا عمل ايه بقا الزفت ياسين
ياسمين بعصبية: ما انتو لو تسبوني اكمل كنتو عرفتو كل شوية توقفوني
حنان: اسفين ياصلاح كملي
ياسمين: وانتو عارفين كالعادة الاستاذ بيرجع ويعتذر ويقول كنت مضغوط ومعرفش ايه وان مكنتيش تستحمليني مين هيستحملك
حنان: امه تستحمله انتي مالك بقرفه
ياسمين: حناااان
حنان: خلاص خلاص كملي
ياسمين: والله لو حد فيكم وقفني تاني مهكمل المهم بعد ماقال اسطوانة كل مرة رديت عليه ببرود وقلتله خلصت اه مانا هحاول ارجع شوية من كرامني بردو فهوا شاف طريقتي قالي مالك فقلتله ماهوا مش كل مرة هتبعد وتجرحني وعايزني ارجعلك وانا كنت زي المغفله برجع من اول كلمه لكن دلوقتي انسي عشان انا مبقتش ياسمين بتاعت زمان واه كنت عايزة اقلك ان خطوبتي قربت كان علي عيني اعزمك بس للاسف لا وللاسف ليه خطيبي بيغير واكيد انت مش هترضي علي نفسك تيجي عشان كدا مشفش رقمك بيرن عندي تاني او اشوف اي حاجه تخصك يا ياسين عشان انا كرهتك اصلا فهوا رد وكان رده صدمه ليا صدمه اني حبيت شخص بالقرف دا كله انا كنت بقول كدا عشان احسسه بشوية من اللي كنت بحس بيه من كلامه لكن هوا بكل برود قالي وانتي مش خايفة اقول لخطيبك بردو اظن خطيبك مش هيرضي يحب واحدة كانت بتحب واحد قبله لا وسبع سنين كمان مش سنه ولا اتنين انا وقتها افتكرت كلامك يامريم لما قلتي ان محدش يستاهل قلبي غير الشخص اللي يدخل بيتي من بابه واني غلطانه اني اتنازلت كتير عشانه وقتها كرهته اكتر واكتر مكنتش متوقعه يطلع واطي بالطريقة دي بس انا رديت عليه وقلتله قله فقالي ومش خايفة يسيبك قلت واخاف ليه نصيبي وهيجيلي عارفة اني غلطت لما كلمتك بس مش هسمح لحاجه تانية وحشة تحصل معايا فاللي انت عايزه اعمله مش فارق وعن اذنك بقا مش عايزة اتكلم اكتر من كدا قفلت معاه محطتش في دماغي نهائي انه ممكن ينفذ كلامه ويروح يقول لاحمد بعد مكالمتي معاه تاني يوم احمد جه عندنا علي اساس يقعد معايا شوية ونتكلم قبل الخطوبة فلما قعدنا سألني مرة واحدة هوا انتي حبيتي قبل كدا معرفتش اكدب ولا لا ومجاش في دماغي اصلا ان ياسين يكون قاله عشان كدا بيسألني بس بردو افتكرت شيخ كان بيقول مش من حقه يعرف حاجه عن حياتك اللي قبل كدا فقلتله اعتقد حياتي اللي كانت قبل كدا من حقي انا ومش من حقك تعرفها بس اللي اقدر اقولهولك ان من اول ما هتدخل حياتي هيبقي انت اللي فيها بس  كلامي يأكد اني كنت بحب حد قبل كدا واضح جدا وهوا فعلا اكدلي وقالي ان في واحد كلمه وقاله انه كان حبيبي واني انضحك عليا فانا رديت وقلتله انا مضحكتش عليك في حاجه وزي ماقلتلك حياتي اللي قبل كدا مكنش من حقك تعرفها بس بما انك عرفت عايزة اقله انه كان اكبر غلطه في حياتي وانت بردو حقك متتجوزش واحدة كانت بتكلم حد قبلك دا حقك ومقدرش اقولك حاجه بس رد عليا الرد اللي خلاني اتأكد ان اختياري المرة دي هيكون صح قالي انا ميهمنيش اللي حصل معاكي قبل كدا يا ياسمين انا اللي خلاني اسألك ان يكون لسه في حاجه من ناحيتك ليه دااللي مكنتش هرضي بيه انا مش ملاك عشان مغلطش كل واحد بيغلط في حياته وانا مش زي الرجالة التانين واقول اني مرضاش علي نفسي تكون مراتي كانت بتحب واحد تاني فربنا يتمملنا علي خير ومشي وسابني
حنان: ياااي سو كيوت
مريم: بجد سو كيووت حبيت
ياسمين: في ايه ياروح امك منك ليها متتعدلو هوا اللي سو كيوت وحبيت
مريم: ايه يااختي قصدي الكلام اللي قاله مش هوا هوا احنا نعرفه اصلا
ياسمين: ما انتو هتعرفوه قريب جدااا
حنان: امته يعني
ياسمين: احم انا جاية اقلكم ومن غير زعيق ان خطوبتي بكرة وانتو مجبور عليكم تيجو عشان منزعلش من بعض
مريم بصراخ: وانتي يختي لسه فاكرة تقولي دلوقتي هنجهز امته ولا هنهبب ايه
ياسمين: مليش دعوة اتصرفو
حنان: اووف منك ياشيخه هكلم حوده واقله دلوقتي وانتي يامريم كلمي حمزة ونسافر بكرة بدري وابقي اشوفك كدا يا ياسمين تعملي حاجه من قبل مانيجي متعرفيش هعمل فيكي ايه
ياسمين: لا متخافوش هستناكم تشااو
قفلت ياسمين معاهم وكلمت مريم حمزة وحنان باباها وبعدين رجعو السكن
(الحكمه من موضوع ياسمين كله ان اوقات كتير اختيارنا بيبقي غلط بنفضل بالسنين نحب شخص ومرة واحدة بنتصدم فيه وفي تفكيره زي ياسين المفروض انهم بيحبو بعض من زمان بس لما شاف انه خسرها هددها!!!!! هل دا الحب من نظركم الشخص طول مهوا ضامن الحاجه في ايده بيفضل يهين فيها وفي كرامتها لكن انتي كبنت مش مجبورة تستحملي شخص زي دا ابعدي متخليش حد يجي عليكي انتي اقوي من ان شخص مريض يجي ويدمرك بمرضه دا
وتاني حاجه احمد لما عرف اللي حصل مقلش انا مش مجبر اكمل مع واحدة زي دي واحدة كانت بتحب واحد قبلي وقلبها استنذف خلاص زي ما الكل بيعمل ويقلك انا ليه اكمل ما انت مش كامل انت وهوا ومفيش غلطه فيكم يعني كل واحد وفيه غلطه عملها احنا مش ملايكه وكمان حياة خطيبتك اللي من قبل ما تتقدملها متخصكش في حاجه حبت تقلهالك تمم محبتش دا شئ خاص بيها
ثالث حاجه اللي هيا ياسمين غلطت غلط كبير لما كلمت واحد من ورا اهلها كفاية ان ربنا شايفها الحاجه اللي بدأت بالغلط عمرها متكمل ولو كملت هتلاقي ان حياتك بعدها مش كويسة مفيش غلط بيكمل خليكم عارفين عشان كدا احفظي قلبك لنفسك وللشخص اللي هيجيلك بيتك بلاش رصيد الحب في قلبك يضيع شوية شوية بلاش تضيعيه علي شخص ميستاهلكيش ومفيش حاجه اسمها ظروفي متسمحليش اتقدم مفيش راجل ميقدرش يعمل حاجه عشان البنت اللي بيحبها علي الاقل هيحفظك ومش هيكلمك لحد ما يجهز اللي ميرضهوش لاخته ميرضهوش ليكي دا المفروض يعني ولو سألتيه هوا لو اختك كلمت واحد هتعمل ايه هتلاقيه بيثور عليكي فكك من دا كله وابعدي واحفظي قلبك للي يستاهلك:💜 )
____&&&&_____________
عند مروة كانت راجعه من الجامعه قررت انها تتمشي شوية لوحدها وهيا ماشية في شوية شباب رزلو عليها بالكلام وهيا عاملة نفسها مش واخدة بالها عشان تروح ومش عايزة تعمل مشاكل لحد ماواحد فيهم بدأ يغلط ومبقتش مجرد معاكسه
مروة لفت ليهم: ماهوا بص ياعسل منك ليه هتقول بنت وماشية لوحدها ومش هتعرف تتكلم يبقي لا ياحبيب ماما انت وهوا اقسم بالله امرمط بكرامتكم دلوقتي وطلعت كاتر من شنطتها وبالشئ الصغنن دا هلغبط شوية بس في ملامحكم فروحو لماما بقا ياننوس عين ماما منك ليها يلا زي الشطورين كدا عشان مش عايزة مشاكل
واحد من الشباب: واحنا كدا خفنا يعني
مروة بصوت عالي: اووف انت عايز ايه يابابا دلوقتي يابني انا لو كنت اتجوزت كنت خلفت قدك فروح عشان اكيد ماما قلقانه عليك 
الشباب لسه هيتكلمو في عسكري كان معدي وشافهم واخدهم علي القسم
مروة في نفسها: استغفر الله كنت ناقصة انا القرف دا اووف اعمل ايه ياربي ايه انا قلقانه ليه انا مش غلطانه
العسكري للظابط: كانو بيتخانقو في الطريق يافندم والانسة كان معاها سلاح
مروة ببلاهه: هوا الكاتر دا سلاح ياعمو
الظابط واخد باله منها: وانتي مسكاه في ايدك ليه ياشاطرة
مروة وهيا مش مركزة في ملامحه لحد دلوقتي: كليتي بتقلي كدا اقلها لا يعني وبصت للشباب بشر وبعدين اهو بيفيدني في اوقات
واحد من الشباب: والله يا باشا احنا معملناش حاجه الانسة هيا اللي بدأت
مروة: لا والله تصدق صدقتك في ايه يالا انشف كدا امال لو مكنتوش انتو اللي رخمتو من الاول وقالت للعسكري وبعدين انت اخدتني ليه مش فاهمه علي اخر الزمن ابقي رد سجون
الشرطي: متهدي يابنتي شوية ايه بالعه راديو
مروة: لا بس ممكن اعمل تليفون اكيد حقي
الشرطي: اتفضلي
مسكت مروة الفون ورنت علي رقم
مروة: مزاميزو حبيبي
مروة: شطور عرفتني بسرعه المهم تعالالي القسم
مروة: اووف هوا انا عملت ايه متيجي الاول وانت تعرف بدل ماتحط الحق عليا
مروة: لا متخفش مضربتش حد والله
مروة: استني وبصت للعسكري هوا قسم ايه دا لمؤاخده فقالها
مروة: قسم **"
مروة: تمم مستنياك يابيبي تيك كير
مروة للشرطي: هوا ممكن ماية معلش ويريت لو اي حاجه اكلها عشان جعانه
الظابط: هوا انتي شايفة نفسك قاعدة في فندق
مروة: مانا مش غلطانه وبجد جعانه لاما هقع منكم دلوقتي ومش هعرف ادافع عن نفسي
الظابط بقرف مصتنع عشان تفتكره: يكنش خلفتك ونسيتك هقعد اصرف عليكي كل يوم
مروة: كل يوم ايه ياعم انت هتجبلي مصيبة هوا عشان بسكويت وعصير هتجبهملي تقول كدا وبعدين بصت ليه كويس
مروة: اي دا اي دا الخلقة دي انا عرفاها كويس
الظابط واسمه سيف: خلقة!!!
مروة: ايوا ايوا انت بتاع ال200 جنية صح ياعم فينك وفتحت شنطتها وطلعتها منها
مروة: خد ومعلش بقا علي الموقف التافهه اللي كان حصل دا
كل دا والشباب والعسكري بيبصو عليهم الشباب ببلاهه والعسكري بصدمه
شوية ودخل عليهم شخص
مروة: مزاميزو
مازن مسكها من قفاها: بلا مزاميزو بلا زفت انا زهقت هوا كل يوم مشكله
مروة: علي فكرة بقا هما اللي بيستفزوني لكن انا ست مؤدبة
مازن: عارف عارف عملتي ايه المرة دي يامصيبة انتي
سيف بغضب لا يعرف سببه: هوا احنا هنا فين  متتعدل ياعم وانتي يااختي اتعدلي
مازن: اهلا ياسيفو انت بتعمل ايه هنا
سيف: والله المفروض انا اللي اسألك
مازن: جاي للبت دي
مروة: بت تبتك
مازن: يااختي اتنيلي دلوقتي
سيف: تعرفها منين
مروة بغرور مصتنع: مراته
سيف بصدمه: ايه
مازن بقرف: مراتي ايه دا انا كنت طلقتك دا انا مستحملك بالعافية
مروة: اوووف
سيف: هوا ايه اللي بيحصل هنا بالضبط
مروة: مفيش يستا روحوني بقا
سيف: يستا!!!
مازن: في ايه ياسيف هيا هنا ليه
سيف: تصدق انا شخصيا معرفش الاستاذة مسابتش ثانية الا واتكلمت فيها
مروة: يابني معملتش حاجه هما اللي رخمو وبدأو غلط انا كنت هعلم عليهم بس واعرفهم غلطهم جه الاخ دا وشاورت علي العسكري واخدني
احد الشباب: كدابة يا باشا دا هيا اللي اللي
مروة: متقول يااخويا اللي ايه ولا انت مش لاقي كلام هوا انا مش حذرتكم بالذوق وقلتلكم تمشو وانتو اللي مرضيتوش انا مغلطتش في حاجه ودلوقتي انا عايزة اروح يلا يا مازن
مازن بمهس: انتي كويسة
مروة: اه بس عايزة اروح ممكن
سيف حس انها شوية وهتعيط فقال لمازن: انا هعمل محضر وتقدر تاخدها والشباب هيتروقو
مروة: ملوش داعي حضرتك بس انا عايزة اروح
مازن: يلا ياحبيبتي
سيف اعتقد مفيش داعي ليها هنا اصلا عن اذنك
سيف بلهفه: مقلتش هيا مين دي
مازن: اختي يا سيف اشوفك بالليل
اخد مازن مروة وخرج من القسم
مازن: مالك
مروة بدموع: مفيش بس اتخنقت من المكان
مازن: طب تعالي نروح
مروة: لا انا هرجع السكن للبنات اكيد قلقانين روح انت
مازن: كلميهم وتعالي معايا النهارده حتي
مروة: حاضر
كلمت مروة البنات وقالتلهم انها هتقعد مع مازن النهارده
اخدها مازن ورجع البيت واول مادخل وشافتها نهله
نهله بابتسامه صفرة: اهلا اهلا يامروة شرفتي
مروة: شكرا عن اذنك يامازن هدخل اوضتي عايزة انام
مازن: ادخلي ولينا كلام لما نصحي
دخلت مروة اوضتها ونامت
༺اعرفكم علي مروة عايزين تعرفوها صح🌚༻
مروة بنت عندها 20 سنه في كلية تربية طفولة شخصية مرحه بطريقة رهيبه وبتاعت مشاكل موووووت بس طيوبة وحبوبه واللي شفتوه دا اخوها مازن بيشتغل في شركه في اسيوط عشان كدا ساكن هناك هوا ومراته نهله اللي مش بتطيق مروة ولا مروة بتطيقها سبحان الله عشان كدا مروة اقنعته انها تسكن مع اصحابها وكل مكنش موافق بس مع اصرارها وافق
______#__________
في سكن البنات مريم كانت بتكلم ملك كعادة كل يوم وكل واحدة حكت اللي حصل في يومها
مريم: وانتي قلتي ايه
ملك: انتي عرفاني مش بتاعت ارتباط ولا هبل من دا بصتله بقرف ومشيت
مريم: تربيتشي
ملك: طبعا طبعا يختي اتوكسي سلام بقا عشان اكلم لولا
مريم: سلام يامزة
قفلت مع ملك وبصت لحنان لقتها سرحانه
مريم: مالك يابت
حنان: ها مليش سرحت شوية خلصتي كلام مع ملك
مريم: اها وو
قبل ماتكمل كلامها جاتلها رسالة علي الفون
مريم: وهوا عايز ايه دا ان شاء الله
حنان باستغراب: هوا مين
مريم: مين يعني الاخ مروان
حنان: الكاتب اياه!!!!
مريم: اها
حنان: مترديش
مريم: عندك حق فكك و
وبردو لقت رسالة جاية علي فونها
حنان: هوا بردو
مريم: لا دا الحب حجي
حنان بضحك: استاذ خالد ردي يااختي ردي
مريم كلمت خالد اللي كان باعتلها وبيسألها هتيجي الخطوبة ولا لا وهتيجي امته عشان يستناها
مريم ردت وقالت مفيش داعي انه يستناها لانها هتيجي مع حمزة هيا ورودينا
خالد: عاملة ايه في الكلية في حاجه واقفة معاكي
مريم: لا شكرا مفيش حاجه ولو في بسأل الدكاترة
خالد: اها ومش لاقي كلام يقوله ولا عارف يتكلم في ايه اصلا
مريم: ليزا بتسلم عليك
خالد باستغراب: ليزا مين
مريم بعبوس: لحقت نستها ياخلود لا انا وهيا زعلنا منك شفتي ياليزا نساكي ازاي مع انه هوا اللي جابك
خالد بصدمه: هيا لسه معاكي
مريم: امال هتروح فين يعني
خالد: بحسبك مش هتهتمي بيها وتسبيها
مريم: لا مش بهمل الحاجات الغالية عندي وخصوصا انها منك
اخدت بالها هيا قالت ايه
مريم لنفسها: يختااااي انتي قلتي ايه يامهزأة عادي عادي هيفكرني بكلمه زي اخويا مانا كنت بقول اكتر من كدا مش مهم مش مهم
اما خالد لما سمع منها الكلام دا فرح جدا بس رجع زعل لما فكر انها ممكن تكون بتقله كدا لانه كان زي اخوها
خالد: وياتري الباندا لسه معاكي
مريم: كوووكي قلبي اه بس في البيت عشان هيبهدلني في السفر وكدا
خالد: سمتيه كوكي
مريم: اها
قعدو يتكلمو شوية وبيفتكرو ذكريات طفولتهم ودا كله ومريم محستش بحنان اللي خرجت من الاوضة وقعدت في البلكونه وهيا ماسكه فونها وبتتكلم فيها
وهنا اقدر اقول ان حنان شوية شوية بتقع في حفرة هيا مش هتقدر تقوم منها بسهوله

وبكدا بارت النهارده خلص اشوفكم البارت الجاي سمعليكووو🚶‍♀️🚶‍♀️
ڤوت وتعليق لطيف ذيكم بقا🌚💜
#Hanan_Selim ✍🏻