معاناة بريئه

البارت الخامس🐣

#معاناة_بريئه
#البارت_الخامس

الايام بتعدي في سعادة علي الكل وعدي شهر والنهاردة نتيجه حمزة والكل قاعد علي نار مستني الموقع يفتح
مريم: ها فتح
حمزة بتوتر: لا لسه
وبعد فترة
خالد: فتح
حمزة: اسكتو بقا هوا لو فتح مش هقول بتوتروني اكتر كل شوية فتح فتح وبصدمه فتح
مريم: ماخلاص انت علقت
حمزة بتوتر اكبر: فتح يابت فتح
مريم: ماخلاص يابني الله
حمزة: بسسسس الزفت الموقع فتح ورمي اللاب لخالد
حمزة: شوف انت انا خايف
خالد: هات وبدأ يدخل البيانات
حمزة: ها كام
خالد ساكت ومش بيرد وعلي ملامحه الحزن
حمزة بخوف: كام ياخالد بلاش تخوفني
خالد: حمزة انت عارف ان النتيجه مش مقياس واكيد ربنا كاتبلك حاجه احسن
حمزة وقلبه بيدق جامد: كام
خالد بحزن: للاسف ياحمزة 98
حمزة بصدمه: نعم
خالد بفرحه: 98 ٪ ياعم طلعت من الدحيحه ياواد
مريم بفرحه: مبرووووك ياميزو الف الف مليوون مبروك فرحتلك خالص
حمزة بدموع فرحه: بجد 98
خالد: ايه ياعم انت غاشش في الامتحانات ولا ايه
حمزة: غاشش في عينك
مريم بفرحه: انا هروح اقول لجدو وتيته والكل هيفرحو خاالص
ونزلت جري زي الهبله
مريم: جدوووو تيتتتته عمووو ياماما
عبد الرحيم: في ايه ياهبله
مريم وهيا بتاخد نفسها بالعافيه: ميزو
كريمه: ماله يابنتي
مريم: نتيجته ظهرت و
امل: عمل ايه جاب كام
مريم بفرحه: 98٪
امل زي اي ست مصرية رقعت زغروطه😂: لولولولولولولي
عبد الرحيم بفرحه: الحمدلله يارب هوا فين حبيب جدو الشطور
كان خالد وحمزة نازلين علي السلالم
حمزة: انا اهو ياجدو
الكل حضنه وباركله والبيت اتملي فرحه
عبد الرحيم: قلت لمني ومصطفي ياحبيبي
حمزة بابتسامه: لا لسه مقلتش
كريمه: طب كلمهم قلهم يلا
حمزة: حاضر هطلع اكلمهم
خرج حمزة من الصالون وطلع البلكونه عشان يكلمهم هوا خايف عشان تقريبا متوقع ردة الفعل واللي مش هتعجبه وهتخلي فرحته تنطفي بس جرب يمكن النتيجه دي تفرق معاهم عن اي نتيجه
وبعد فترة مصطفي رد عليه
مصطفي: في ايه ياحمزة بترن عليه
حمزة: كنت عايز اقلك يابابا ان نتيجتي ظهرت
مصطفي: وعملت ايه
حمزة: جبت 98 يابابا
مصطفي: اه طب مبروك ياحبيبي سلام دلوقتي عشان انا في الشغل
حمزة بابتسامه حزينه: سلام يابابا
حمزة بحزن بعد ماقفل معاه: ايوا انت مستني ردة فعل غير دي ما المفروض اتعودت يعني مش جديدة وبحزن خليني اجرب مع ماما يمكن ردة فعلها تبقي احسن مع اني اشك وبالفعل رن علي مني
مني: خير ياحمزة انت كويس
حمزة: كويس ياماما الحمدلله بس كنت عايزة اقلك حاجه
مني: حمزة مش فاضيه والله عندي شغل قول بسرعه
حمزة: لا خلاص مش مهم اتفضلي حضرتك لشغلك انا اسف اني عطلتك  وقفل معاه علطول
حمزة: علطول بتطفو فرحتي يارتني مكلمتكم
مريم من وراه بحزن: ميزو
حمزة بابتسامه مصطنعه: نعم ياحبيبتي
مريم: متزعلش
حمزة ومسح الدموع اللي نزلت من عينه من غير مياخد باله: ازعل من ايه بس مش زعلان بالعكس انا فرحان جدا
مريم بدموع هيا كمان: لا انت مش فرحانه زي ماكنت هما زعلوك انا مش بحبهم هما اشرار
حمزة بنفي: روما مينفعش تقولي كدا دول ماما وبابا اللي قلتيه غلط مهما حصل متقوليش كدا
مريم: لا انت زعلت بسببهم يبقي هما وحشين
حمزة: مريم متخلنيش ازعق قلت متقوليش كدا ربنا امرنا ببر الوالدين في اي حاجه الا الشرك بالله وهما ميستاهلوش مننا كدا فانتي خليكي حباهم دايما وعامليهم كويس تمم ياحبيبتي
مريم: ماشي بس انت افرح تاني زي ماكنت
حمزة بابتسامه: حاضر ياحبيبتي وباقتراح ايه رأيك نخرج النهارده بمناسبة نجاحي
مريم بفرحه: موافقة اكييد
حمزة: مبتصدقي انتي
مريم: ابقي هبله ان رفضت خروجه يابني يلا بقا نطلع للكل برا
خرج حمزة ومريم وقعدو مع الكل وبعد فترة
حمزة: انا عايز انام شوية معرفتش انام امبارح هدخل انام محدش يصحيني عن اذنكم
ودخل حمزة الاوضة وقفلها عليه
_____#______
في مكان شغل مني
هبه صاحبتها: اتفضلي يامني خدي شوكولا
مني باستغراب: شكرا بس بمناسبة ايه
هبه بفرحه: نتيجه الثانوية كانت النهارده وبنتي نجحت بمجموع كويس عشان كدا فرحانه وبوزع علي الكل شوكولا
مني بصدمه: هيا نتيجه الثانوية النهارده
هبه: اه وبعدين هوا مش انتي ابنك في ثانوية عامة السنادي عمل ايه
مني وافتكرت لما حمزة رن عليها: خمس دقايق يامني وجاية وخرجت برا المكتب ورنت علي حمزة
مني: حمزة هيا نتيجتك ظهرت
حمزة بلامبالاه: اه ياماما
مني: ومقلتليش ليه وعملت ايه
حمزة بقهر: انا رنيت علي حضرتك ومكنتيش فاضية كلمي بابا وانتي تعرفي وقفل معاها
مني باستغراب: هوا ماله وقفل في وشي كمان وبعدين رنت علي مصطفي
مصطفي: ايوا يامني في ايه
مني: انت عرفت ان نتيجه ابنك ظهرت
مصطفي: اه عرفت في ايه تاني مش فاضي
مني: وعمل ايه
مصطفي: قال انه جاب98
مني بفرحه: بجد
مصطفي:اها انتي مكنتيش تعرفي
مني: لا مكنتش اعرف
مصطفي: طب تمم سلام عشان الشغل وقفل معاها
ومني مع فرحتها البسيطه رجعت كملت شغلها ونسيت ابنها وانها حتي تباركله
_____#____
عند حمزة بعد ماقفل معاها
حمزة في نفسه: انا اه بنصح مريم تستحمل ومتقلش حاجه وحشة عليكم بس انا مبقتش مستحمل بجد انا تعبت من كل حاجه الطبيعي والمفروض اتعودت علي اللامبالاة دي منكم بس دي نتيجه ثانوية عامة كنت مستني احس بفرحه في صوتكم وتقولولي مبروك كنت هكتفي بالكلمه دي والله لكن انت يابابا قلتلي مبروك وقفلت عشان هه مشغول وماما بتقلي عايز ايه مشغولة هوا انتو بجد أهل انا مخنووق يارب مش دا اللي كنت بحلم بيه كنت مستني احس بفرحتهم استغفر الله العظيم الحمدلله يارب علي كل حال الحمدلله غيري مش لاقي اهل حتي وفي غيري اسوأ الحمدلله
قفل عيونه وحاول ينام
____#_____
برا والكل متجمع
مريم: خالووود خالوووود
خالد: ها ايه
مريم: تعالي عايزاك
خرجت مريم للبلكونه وخالد خرج وراها
خالد: ايه يااوزعه في ايه
مريم: بعيد عن اوزعه دي مش هرد عليها عشان محتجاك
خالد بتساؤل: عايزة ايه
مريم بفرحه: عايزة اشتري هدية لميزو
خالد: اها وانا كمان كنت هجبله خلاص تعالي معايا النهارده ونجبله الهدية
مريم: دلوقتي دلوقتي عشان لما يصحي اديهاله
خالد: طب انتي عايزة تجيبي ايه
مريم بتفكير: اممم مش عارفة بس انت تعالي نروح محل هدايا واشوف هناك هدية حلوة
خالد: ماشي يلا
مريم: خمس دقايق هغير هدومي وجاية
وجريت علي اوضتها وغيرت هدومها وخرجت معاه بعد ماقالو لعبد الرحيم علي خروجهم
وصل خالد ومريم للمحل وقعدت مريم تدور علي هدية كويسة بس احتارت ومش لاقية حاجه عجباها وبعد فترة شافت ساعه شكلها جميل وعجبتها
مريم: حلوة دي متأكدة هتعجب ميزو وكمان اجيب جراب واطبع عليه صورتنا واممممم كمان دا وكان عبارة عن فنجان باللون الاسود وبالحرارة بيظهر عليه صورة
(عارفين الفنجان اللي بيبقي لونه اسود ولو حطينا فيه مايه سخنه مثلا او اي شئ سخن بيظهر صورة عليه هوا دا بقا) وعايزة حاجه بقا تبقي معاه علطوول اختار ايه تاني
خالوووود
خالد: عايزة ايه اختارتي خلاص
مريم: تؤ تؤ محتارة لسه اختارت دي ودي عايزة كمان حاجه
خالد: هاتي محفظه
مريم: شئ عادي دا مش حلو عايزة حاجه مختلفه
خالد: في هنا محفظات بيطبعو عليها صور هاتيها وبعدين احنا الولاد هدايانا معروفه يعني برفيوم او ساعه او محفظه مفيش حاجه تانية
مريم: في دي معاك حق
وراحو عشان تطلب اللي هيا عيزاه وهيا ماشية لفت انتباهها باندا كبير وفضلت واقفه قدامه شوية وبعدين مشيت
وعطت الصور اللي هيا عايزة تطبعها علي الفنجان والمحفظه وقالو ساعه والحاجه تكون جاهزة
خالد: تعالي نقعد في اي كافيه علي مالحاجه تجهز
مريم: ماشي يلا وخرجو وراحو كافيه وقعدو
مريم: انت قلت هتجيب هدية انت كمان هتجيب ايه
خالد: بما انك جبتي دول فانا هجيب برفيوم وتيشرت وكوتشي مانا مش عارف اجيب ايه
مريم: لو بنت كنت اختارت ليها حاجات حلوة لكن الولاد دول مش بعرف اختارلكم حاجه وكل مااحاول اجيب حاجه لميزو مش بعرف
خالد بضحك: حظنا بقا
وطلبلها عصير مانجا وطلب لنفسه قهوة
مريم: مانجو
خالد: عارفك بتحبيها
مريم: تؤ تؤ قول بعشقها مش بحبها
خالد: طب اشربي يختي وانتي بتحبي اي حاجه تخص الاكل اصلا
مريم: شرير
خالد: وانتي اول مرة تعرفي
مريم: كويس انك عارف احلي حاجه التصالح مع النفس دا
خالد: انتي مش ملاحظه ان نو احترام ليا خالص
مريم: الله وانا عملت ايه اشرب يابابا وانت ساكت
خالد: والله انك عايزة تنضربي
مريم طلعت لسانها ليه: متقدرش
خالد: اا
خالد
خالد بص يشوف مين بينادي
خالد: اهلا
اسماء: اهلا ياخالد عامل ايه
خالد بلامبالاه: تمم وانتي
اسماء: انا الحمدلله مبسوطه اني شفتك وبصت علي مريم وقالت
اسماء: اختك
خالد: بنت عمي
اسماء بابتسامه: اهلا ياقمر انا اسماء
مريم: وانا مريم
وبصت لخالد نظرة معناها مين دي
خالد: دي اسماء ياروما زميلتي في الجامعه
مريم بابتسامه سمجه: تشرفنا
اسماء: والله الواحد كان زعل خالص ان الامتحانات خلصت وانه مش هيشوفك قصدي يشوف الشله كلها يعني
خالد: اها
مريم ملاحظة ان اسماء دي من اول ماقعدت وهيا قاعدة توزع ابتسامات لخالد
مريم بغيظ: خالوود يلا نمشي نروح المحل احنا اتأخرنا
خالد: يلا عن اذنك يااسماء
وخرج هوا ومريم
مريم بعصبية خفيفه: هيا ليه قاعدة تضحك كدا مش ظريفة خالص وواضح انها مصتنعه اووي انت مصاحبها ليه وبعدين انت بتكلم بنات ياخالوود
خالد: مصاحب بنات مين دي كانت زميلتي في مشروع جماعي في الكلية
مريم بعبوس: متكلمهاش تاني مش حبيتها خالص
خالد بيجاريها وخلاص: تمم حاضر
مريم: علي فكرة
خالد: ايه
مريم: انا جعانه
خالد: مبتبطلييييش اكل وترجعي تزعلي لما اقلك طفسه
مريم: عااا ملكش دعوة ياشرير بأكلي الله
خالد: ماشي يختي عايزة تاكلي ايه
مريم بجوع: نفسي اووي في كبده
خالد: طب ماشي نخلص مشوارنا واجيبلك اللي انتي عايزاه
وصلو المحل وكان اللي طلبوه جهز
الكاشير: الحساب 550 جنيه
خالد لسه كان هيدفع
مريم: انزل كدا ياابو طويلة شوية
خالد: عايزة ايه
مريم ربعت ايديها: انت بتعمل ايه
خالد: بدفع الحساب
مريم: الحاجه دي مين طلبها
خالد: انتي
مريم: يبقي مين يدفع فلوسها
خالد: انا
مريم: لا تدفع انت ليه
خالد: وانتي شيفاني سوسن لما اخليكي انتي تدفعي
مريم: سوسن مين
خالد: مش مشكله وجه عشان يدفع تاني
مريم بزعل: علي فكرة انا مش بهزر ياخالد انا اللي جايبة دول ومش ليا دول لميزو يعني انا بحوش الفلوس من زمان عشان اجبله هدية من معايا ومش هسمحلك انك تدفع فلوسهم ابدا لاما خلاص مش هاخدهم وبجد هزعل جدا لاني عايزة الهدية تبقي مني انا كدا هتبقي منك
خالد: بس مينفعش
مريم: لا ينفع لو جايبه الحاجه دي ليا وعايزة تدفع ابقي ادفع مانا من اول ماجيت مفلساك كل شوية طلبات ومش هديك فلوسها يعني لكن دول لا مستحيل
خالد: بس بس ادفعي
مريم بفرحه: شطوور ابعد كدا خد ياعمو
اخد الكاشير منها الحساب واداها الهدايا وخرجو من المحل
مريم بفرحه: مبسووطه كتييير عايزاهم يعجبو ميزو عشان مزعلش واجيب ناس تزعل بس ها
خالد بابتسامه: هيعجبوه اكيد ولو كنتي جبتي اي حاجه اصلا كان هيفرح لانها منك يلا بقا نروح ناكل زي مانتي عايزة
مريم: اكل يلا بينا بسرعه
دخلو المطعم وطلبو الاكل
______#_______