معاناة بريئه

البارت الثاني عشر🐣

#معاناة_بريئه
#البارت_الثاني_عشر

مريم: والله انك رخم متطلع ياعم من هنا عايزة اتكلم مع البونيه براحتي
حنان: هوا انتي لسه فاكرة اني بكلمك مقفل احسن وخليكي مع الاستاذ حمزة بتاعك
مريم: استني يختي هطلع البلكونه
وخرجت مريم من الاوضى وسابت حمزة
حمزة بعد مامشيت خرج وراح اوضته وهوا بيبرطم
مريم: ها عملتي ايه من اول ما روحتي
حنان: فكك من دا دلوقتي عندي ليكي خبر بمليون جنيه
مريم: ايه هوا بسرعااااااه
حنان: بصي ياستي مين اكتر واحدة بتضايقك وبتتخنقي منها
مريم بعبوس: البت ايمان وشلتها
حنان بفرحه: وانا جاية اقلك انك مش هتشوفيها تاني خااالص
مريم: دا اللي هوا ازاي يعني وهيا ساكنه معانا
حنان: طنط كلمتني من شوية وقالتلي انهم هيسيبو السكن وجابو بنات تانية مكانهم
مريم: احلفي
حنان بضحك: اه والله واخيرا هنخلص منهم
مريم بتفكير: مايمكن التانين رخمين زيهم
حنان: ان شاء الله لا انا متفائله بيهم مش عارفة ليه
مريم: يارب يختي الواحد مش ناقص رخامه
حنان: في بقا خبر مش لطيف اوي
مريم: ايه هوا
حنان: ياسمين
مريم: مالها!؟؟
حنان: هتسيب السكن هيا كمان ومش هتسكن
مريم: نعم ودا ليه ان شاء الله مقالتش يعني
حنان: قالتلي انها كلمتك امبارح وانتي مردتيش ولما سألتها ليه هتسيبه قالت انها هتتخطب الفترة الجاية دي وممكن تحضر قليل علي ماتظبط الدنيا فمش محتاجه سكن واه عذمتنا علي الخطوبه وأكدت اننا نروح يعني هنروح ان شاء الله
مريم: هتتخطب!!! لمين
حنان: هيا قالت انه شخص كويس ويبقي قريبها من بعيد
مريم: اتمني تكون اتخطت اللي اسمه ياسين دا
حنان بعصبية: ودا توقف حياتها عليه ليه يعني ميروح في داهيه تاخده مكنش يستاهلها اصلا
مريم: عندك حق ربنا يسعدها ويكون الشخص دا مناسب ليها
حنان: يارب
مريم: حماده عامل ايه
حنان: كويس وبيسلم عليكي يااوختشي
مريم: سلميلي عليه وحشني والله
حنان: وحشك عقربة اللي ماقلتيلي وحشتيني
مريم: لانك مهزأة ومن اول ماروحتي مفكرتيش تكلميني
حنان: حوش حوش يابت الفون هنج من كتر مكالماتك
مريم: مين الكبير
حنان: انا
مريم: يبقي المفروض مين يكلم التاني
حنان: انتي
مريم: لا والله
حنان: اه والله
مريم
مريم: ياقلبها
حنان: كلمتي خالد
مريم: ها نسيت
حنان برفع حاجب وكإنها هتشوفها يعني: والله
مريم بتوتر: اووف اعمل ايه يعني خايفة اكلمه
حنان: لا خلاص سبيه ناسي انك موجودة اصلا واستني لما يعزموكي علي فرحه
مريم بخضه: نعم فرح مين
حنان: ايه متخيله هيفضل مترهبن من غير جواز ما اكيد هيتجوز
مريم: دا عند امه ان شاء الله مين يتجوز مش هيحصل انا بس اللي هتجوزه
حنان: طب شوفي هتعملي ايه علي الاقل فكريه انك عايشه
مريم بتوتر: حاضر هجرب
وقفلت مريم مع حنان وقعدت تفكر تكلمه ازاي
مريم: بصي ياروما انتي تكلمي جدو كإنك بتطمني عليه وفي نص الكلام تسألي عن ماما امل وعمو مازن واسأل عنه بردو مهوا ابن عمي ايوا كدا صح
مسكت مريم الفون ورنت علي جدها وبعد فترة رد عليها
مريم: محبوب الجماهير جدو حبيب جلبي اخبارك ياكبير
الجد عبد الرحيم: متكلمنيش
مريم: احم ليه
عبد الرحيم: امته اخر مرة سألتي عن جدك
مريم بخجل: اسفة والله ياجدو عارفة اني مقصرة اووي ومش بسأل من زمان سووري
عبد الرحيم: قلبي طيب بقا وهصالحك مقدرش ازعل منك اصلا
مريم بفرحه: والله انك قلبي كنت عارفة انك متقدرش تزعل مني اصلا
عبد الرحيم: البت واثقة من نفسها اوي عاملة ايه في الكلية يابنت
مريم بعبوس: ليه السيرة دي بس ياجدو متمرمطه جوي جوي
عبد الرحيم بضحك: جوي جوي معلش ياقلب جدك كلها اربع سنين ونص وتبقي احسن بشمهندسه
مريم: اربعه ونص شكرا انك فكرتني ان لسه باقيلي كتير علي المرمطه فكك من الكلام عن الكلية بقا عشان بيوترني تيته عامله ايه وهيا فين وحشاني
عبد الرحيم: استني انادي عليها
عبد الرحيم نادي علي كريمه في نفس وقت دخول خالد: كريمه تعالي كلمي مريم
كريمه جات بسرعه واخدت منه الفون
كريمه بمريم: روما حبيبتي عاملة ايه وحشاني ياصغنن كدا تقعدي دا كله من غير ماتكلمي تيته هنت عليكي يابت
مريم: عمرك متهوني عليا ياكرمله والله بس انا اللي كنت واحدة مهزأة وسامحيني بسرعه بقا زي جدو عشان معيطش
كريمه: مش زعلانه منك اصلا مقدرش علي زعلك دا انتي بنتي اللي مربياها
عبد الرحيم: تعالي ياخالد سلم علي روما
مريم اول ماسمعت جدها بينادي علي اسمه قلبها قعد يدق بطريقة رهيبه ومش عارفة تكلمه ازاي
دا كله وخالد في عالم تاني اصلا من اول ماسمع اسمها
خالد في نفسه: معقول دي مريم روما الصغنن بتاعي ياااه وحشتني خاالص
عبد الرحيم: ياخالد بنادي عليك
خالد بتوهان: نعم ياجدو
عبد الرحيم: بقلك كلم مريم سلم عليها.
خالد: اه حاضر
اخد خالد الفون من كريمه
خالد: اذيك يامريم عاملة ايه
مريم بتوتر: الحمدلله بخير وانت عامل ايه وماما امل وعمو مازن اخبارهم ايه
خالد بابتسامه حزينه: كلنا كويسين الحمدلله
خالد في نفسه: ايه مستنيها تقلك وحشتني مثلا ما اكيد هتسأل بالطريقة دي متتعشمش كتير هيا معتبراك زي اخوها ويمكن اقل كمان
خالد: اتمني تكون الكلية عجبتك
مريم وخف التوتر شوية ورجعت الطفلة اللي بتشتكي من اي حاجه: عجبت مين ياعم انت استحملت السنين دي كلها ازاي دا انا من اول ترم وزهجت
خالد بضحك: معلش في الاول بس علي ماتتعودي ولو اي حاجه وقفت معاكي كلميني
وبتوتر: معاكي رقمي صح
مريم بتسرع: اه طبعا
خالد بابتسامه: طب تمم في اي وقت كلميني
مريم بخجل: ان شاء الله
خالد رجع الفون لجدته وقعد جنبهم وامل ومازن نزلو وكلموها والكل عاتبها علي انها مش بتكلمهم من زمان وهيا وعدتهم انها هتكلمهم علطول وفي نص الكلام
امل: لازم تيجي بقا ياروما خطوبة رحيم هيا بعد اسبوعين وعقبال ماافرح بخالد والواد حمزة وانتي ان شاء الله
مريم بخوف: خطوبة رحيم
امل بفرحه: اه وان شاء الله بعدها نخطب لخالد بقا عايزة افرح بيهم
مريم بتوتر: ان شاء الله ياماما عن اذنك دلوقتي عشان رودي اكيد صحيت
امل: ماشي ياحبيبتي بس تيجي وتجيبي رودي وحمزة معاكي
مريم: ان شاء الله
مريم بعد ماقفلت: تخطبله دا عند ام ترتر بقا
وبصراخ: والله ازعلهم كلهم انا اكلم البت حنان تشوفلي حل وبالفعل رنت عليها
حنان بمرح: ايه لحقت اوحشك
مريم بصراخ: وحشك عقربة بت شوفيلي حل ناو عشان هعيط
حنان بخوف: في ايه يابنتي قلقتيني
مريم: عملت زي ماقلتي وقلتي اكلمه بس جبتها من طريقة تانية وقابت لحنان علي اللي هيا عملته
مريم: ودلوقتي ماما تقولي هتشوفله عروسة لا دي شكلها هتقلب حما عقربة ومش هننفع مع بعض
حنان بضحك: حما عقربة هيا لسه مش حماتك علي فكرة
مريم: باعتبار ماسيكون المهم دلوقتي شوفيلي حل
حنان: انتي قلتي خطوبة اخوه بعد اسبوعين
مريم: اه
حنان: طب كويس هننزل نشتري فستان حلو كدا ونضبطك لليوم دا وحماتك تشوفيك وتقول يااه ازاي مافكرتش في روما قبل وكدا وهوب تخطلك ليه
مريم برفع حاجب: وحياة امك
حنان بضحك: انا اكيد بهزر بس هوا فعلا يمكن مفكرك لسه مريم الصغيرة فمش حاطك في دماغه انتي قلتي اخر مرة شافك من حوالي خمس سنين
مريم: اها
حنان بصراخ: يعني كنتي لسه طفلة يازفته بصي احنا هنوقعه زي الشطور كدا من الاول
مريم: هينفع يعني
حنان: ان شآء الله مريم لخالد وخالد لمريم
مريم: هييح يارب
حنان: واقعه واقعه
مريم بضحك: بحبه الله
حنان: بصي بقا عشان انا جبت اخري منك انسي سي خالد دلوقتي وقومي اكتبي البارت بقالك اربع ايام منزلتيش بارت
مريم: يختاااي ايه فكرك بس ماكنا كويسين
حنان: متخليناش نزعل من بعض واجي اجيبك من شعرك قدامك اربع ساعات والاقي البارت نزل
مريم: قولي يارب هقوم اشوف رودي يلا باي
حنان: باي يختي
قفلت مريم مع حنان ودخلت اوضة رودينا لقتها لسه نايمه
مريم: رودي حبيبتي اصحي يلا نمتي كتير يلا عشان تحلي الHomework بتاعك
رودينا بنعاس: شوية كمان يوما
مريم: لا يلا دلوقتي عشان تعرفي تنامي بالليل كويس
رودينا: قمت خلاص اهو
مريم: شطورة يلا قومي اغسلي وشك علي ما اعملك كام ساندوتش
رودينا: حاضي
قامت رودينا عملت اللي طلبته منها ومريم جهزتلها الاكل ودخلت الاوضة وبدأت تحل معاها الHomework
مريم: شطورة يارودي خلصتي بسرعه اهو يلا نطلع بقا في البلكونه نلعب شوية
رودينا بحماس: يلا
وقعدو يلعبو فترة وبعدها دخل حمزة
حمزة: طفلتين بيلعبو مع بعض ياناس
مريم بعبوس: متقولش طفله بس
حمزة: حاضر مش هقول انك طفله عشان عارف ان كلمه طفله  بتضايق الطفله اللي جواكي
مريم بصراخ: مستفز عاااا انت و
مريم: يالهوي البارت حنان ميزو اقعد العب مع رودي انا داخله اوضتي
حمزة: في ايه
مريم بتوتر: ها مفيش دا انا هدخل اكلم حنان
حمزة: هوا مش انتي لسه مكلماها من شوية
مريم: هكلمها تاني عادي سلام بس
(مريم مش قايله لحمزة انها بتكتب لانها مفكرة انه هيقول زي زمان ركزي في مذاكرتك ومش هيهتم بكتاباتها وهيا مش عايزة تسمعها منه هوا بالذات كلمه تحبطها)
حمزة قعد مع رودي وهيا بتلعب وبيفكر في مريم مخبيه ايه عنه
اما مريم فهيا قعدت تكتب البارت اللي كانت كاتبه جزء منه قبل كدا وبعد كام ساعه كانت خلصت نزلت البارت وطلعت تشوف حمزة ورودينا مكنوش موجودين في البلكونه دخلت اوضه رودي لقت حمزة بينيمها وكان خارج
مريم بهمس: نامت خلاص
حمزة: اه تعالي يلا خرجو الاتنين من الاوضة وراحو اوضة حمزة
مريم: عسل انا مسافرة بكرة
حمزة: اجازتك قصيرة المرة دي
مريم: اعمل ايه المحاضرات هتبدأ ومينفعش اغيب
حمزة وهوا بيمسك فونه: طب خدي بالك من نفسك ومذاكرتك وو
حمزة: واطلعي من هنا
مريم برفع حاجب: لا والله
حمزة وهوا بيبص في الفون: انجزي يابت
مريم لما شافته مهتم بالفون خطفته منه وبصت فيها وهنا كانت الصدمه😂
مريم بصدمه: ايه دا
حمزة: اووف عادي يعني ليه الصدمه دي كلها
مريم بصدمه: دي دي رواية
حمزة: ايوا عارف انها رواية هوا حرام
مريم: انت بجد بتقرأ
حمزة: للكاتبه دي بس مش لحد تاني
مريم بفضول: حلوة يعني
حمزة: جداااا دا انا بستني البارت بتاعها بفارغ الصبر
مريم: اها يعني رواياتها مش وحشة
حمزة: لا طبعا
مريم: اه ماشي
حمزة: قوليلي بقا
مريم: ايه
حمزة: مخبية ايه عني
مريم بتوتر: ها مخبية ايه مش مخبية حاجه
حمزة: مخبية يامريم انتي مكنتيش بتكلمي صاحبتك كنتي بتعملي ايه مريم احنا كنا بنحكي لبعض كل حاجه عارفة ان حاجات كتير اتغيرت بس حاولي نرجع زي الاول
مريم: انا فعلا مكنتش بكلم حنان
حمزة: تمم كنتي بتكلمي مين
مريم: مكنتش بكلم حد
حمزة: امال
مريم مسكت فونها وفتحته علي البيدج بتاعها وادتله الفون
مريم: دا اللي مخبياه
حمزة مسك منها الفون ولما شاف اللي فيه اتصدم
حمزة: ايوا ايه دا
مريم بتوتر: ماهوا انا دي
حمزة: بتهزري
مريم: لا
حمزة: يعني انتي هيا اللي كان قصدي عليها من شوية
مريم بخوف: اها
حمزة فضل ساكت وباصصلها
مريم: حمزة بلاش تقولي حاجه تحبطني لاني مش عايزة اسمعها منك انت مقلتش ليك لان زمان قلت انه تضييع وقت وخلاص بس انا كنت حابه الفكرة عشان كدا جربتها ممكن متزعلش
حمزة حضن اخته: مستحيل اقلك كلمه وحشه بالعكس انا فخور بيكي واسفة اني قلت كدا زمان بس كنت عايزك تركزي في مذاكرتك وبهزار وبعدين دا انا كنت بكراش عليكي يابت
مريم بضحك: هقول للوكا
حمزة: قوليلها الحمدلله طلعت بكراش علي اختي مش حد غريب
مريم: ولو ولو
حمزة بابتسامه: فخور بيكي اوي ياروما وعايزك دايما الافضل بس بلاش دا يأثر علي مذاكرتك ممكن
مريم بعبوس: علي فكرة بقا انا بكتب من زمان شفت دا أثر علي حياتي الدراسية لا صح
حمزة: صح
مريم: يبقي خلاص بطل شر
حمزة: ماشي يختي
مريم: خربيتك نسيت خالص اقلك انا كلمت جدو وتيته النهارده وماما امل قالتلي ان خطوبة رحيم كمان اسبوعين ولازم نروح كلنا هحاول انزل بعد اسبوعين عشان بجد عايزة اروح اوي
حمزة: تمم بس مش عارف نظام شغلي هيبقي وقتها عامل ازاي بس هحاول ان شاء الله
مريم: اشتا تصبح على جنه
حمزة: وانتي من اهلها ياحبيبتي

وبكدا بارت النهارده خلص اشوفكم البارت الجاي سمعليكوو🚶‍♀️🚶‍♀️
ڤوت وتعليق لطيف ذيكم بقا🌚💜
#Hanan_Selim✍🏻