معاناة بريئه

البارت الثاني والعشرون🐣

اولا كدا عارفة ان البارت المفروض كان ينزل امبارح بس مكنش عندي نت والله ويدوبك فاتحه واتس😂🤦🏻‍♀️فاول ماوصلت البيت نزلته اهو وبارت بكرة هينزل في وقته ان شآء الله 💜
#معاناة_بريئه
#البارت_الثاني_والعشرون

خرجت مريم بعد ما نامت رودينا عشان تقعد مع حمزة والعيلة
مريم قعدت جنب حمزة واخدها في حضنه
حمزة: عاملة ايه ياروحي في الجامعه والسكن مستريحه ولا محتاجه اي حاجه
مريم: لا ياحبيبي كل حاجه كويسة متقلقش وانا بخير قلي انتي بقا شفت لوكا الفترة دي
حمزة: لا كنت في الشغل ولسه جاي ملحقتش اشوفها بت يامريم بجد يعني انا عايز اتقدملها مش لازم استني للامتحانات دا لسه باقي شهر
مريم: انت بنفسك قلتها باقي شهر علي الامتحانات يعني استحالة تتخطبو في الفترة دي مفيش وقت اصلا
حمزة: ليه هما لسه هيسألو عني يعني ويقولولي هنرد عليك بعد اسبوع امال لو مكناش متربيين مع بعض
مريم: ياعم سبها لبعد الامتحانات اسمع الكلام
حمزة: ماشي اما نشوف اخرتها
مريم: اخرتها فل ان شآء الله
كريمه: وانت ياحمزة مش ناوي تفرحنا بيك
حمزة بيبص لمريم ويضحك: قريبا ياتيته ان شآء الله هتفرحو كلكم
كريمه: مين ياواد اكيد في واحدة معينه صح
مريم: صح ياتيته بس سبوها مفاجئه بقا
كريمه برفع حاجب: ماشي ياست مريم اما نشوف المفاجئة دي
امل: وخالد كمان عايزين نفرح بيه ونشوف ليه عروسة بقا
مريم في نفسها: وهوا انا قصرت في حاجه يا ماما امل ما انا قدامك اهو الله لازم تشوفي برا يعني
خالد: مش احنا اتكلمنا في الموضوع دا خلاص ياماما
امل: ماهوا لو تقلي مين هيا هستريح
خالد لرحيم بصوت هامس: الحق امك ياعم هتوديني في داهية
رحيم: بقلك ياماما مش يلا تجهزو نفسكم بقا عشان الخطوبة انا اعرف انكم بتاخدو وقت علي ماتجهزو يلا يلا
امل: صح اما الحق اجهز فعلا يلا ياروما انتي كمان ولما تخلصي جهزي رودي
مريم: حاضر ياماما
دخلت مريم الاوضة وبعد ماجهزت راحت تصحي رودينا
مريم: رودي حبيبتي يلا عشان تلبسي
رودينا بنعاس: شوية كمان ياروما
مريم: الوقت اتأخر ياحبيبتي يلا بقا
فتحت رودينا عنيها واول ماشافت مريم
رودينا بانبهار: روما انتي كتييير حلوة والفستان جميل خاالص انا عايزة ابقي حلوة ذيك كدا
مريم بابتسامه: ياروحي انتي هتبقي اميرة النهارده وفستانك احلي يلا عشان تلبسي واوريكي قد ايه انتي جميلة
رودينا بحماس: يلا بسرعه
لبست مريم لرودينا الفستان وسرحتلها شعرها بطريقة لطيفة وفي الاخر لبستها تاج صغنن
مريم: بصي بقا دلوقتي وشوفي مين الحلو هنا
رودينا بفرحه: رودي كتيير حلوة صح ياروما
مريم باستها وقالت: رودي زي الاميرة
يلا نطلع بقا
خرجت مريم ورودينا من الاوضة وكان رحيم خارج عشان يروح يجيب عروسته
رحيم اول ماشافها اطلق صفير: انا بقول نغير العروسة بت يامريم ماتيجي اتجوزك ومش مهم اميرة بقا(اللي المفروض خطيبته🙂😂)
مريم بضحك: ماتيجي نقلها الكلمتين دول ونشوف رأيها هيبقي عامل ازاي
رحيم بخوف مصتنع: هوا انا قلت حاجه ياست انا رايح لخطيبتي سمعليكوو
وقبل مايخرج بص لمريم وقال: بس قمر يابنت الايه يابخته اللي انتي من بخته وخرج
مريم ضحكت عليه ودخلت الصالون كان الكل مستنيها عشان يمشو
نفس اللي عمله رحيم عمله حمزة
حمزة بضحك: تصدقي بالله انتي لو مكنتيش اختي كنت اتجوزتك
مريم بضحك: لا والله
حمزة: اه والله
كريمه: حفيدتي قمر ياناس ربنا يحميكي من العين ياحبيبتي
امل: ايه القمر دا ياروما لا دا احنا نجوزك بقا
عبد الرحيم: حفيدتي طول عمرها قمر
رودينا بعبوس: ايه دا مش في حد قالي اني حلوة زي روما ليه انتو اشرار
حمزة: ياروحي احنا بنجبر بخاطرها بس لكن انتي الاميرة بتاعتنا كلنا وانتي احلي من القمر نفسه وفستانك يجنن
رودينا بفرحه: بجد يا ابيه
حمزة باسها: بجد ياروح ابيه
عبد الرحيم: الصغنن بتاعنا زعل ليه دا انتي زي القمر النهارده تعالي هاتي بوسه بقا
اما مريم فكانت مستنية تشوف شكل خالد بس مكنتش عايزة تبص ناحيته وياريتها بصت كانت هتلاحظ قد ايه الحب مالي عيونه
خالد: ياربي علي اللي بتحلو يوم ورا التاني دي اعمل فيها ايه وايه الفستان دا كتها القرف في حلاوتها والله الواحد خايف من الخطوبة دا استر يارب بنت الايه طالعه تجنن
حمزة: يلا بقا عشان منتأخرش
عبد الرحيم: يلا ياابني
الكل نزل وركبو العربيات خالد وحمزة جنبه ومريم ورودينا في الخلف
ومازن وامل جنبه والجد عبد الرحيم وكريمه في الخلف
كل عربية اتحركت في طريق القاعه وبعد فترة كانو وصلو وقعدو علي ترابيزة مستنيين العريس والعروسة
مريم: هوا باقي قد ايه ويوصلو
خالد: رحيم كلمني من شوية وهما في الطريق اهو
مريم: تمم
مسكت مريم فونها تكلم حنان واتس
مريم: بت متكلمش ولا قال اي حاجه ومبصتش حتي في وشه من وقت ماخرجنا
حنان: ليه ياموكوسة بت انا بقول نفكنا من الواد دا غتت كدا شكله
مريم: لا والله
حنان: بهزر يختي يخربيت الحب وسنينه اللي بيودي الواحد في داهية دا
مريم: بكرة نشوفك
مريم: مبترديش ليه يابت
حنان: ها ولا حاجه يااوختشي قوليلي الفرح عامل ازاي
مريم وهيا بتبص علي القاعه لكن عنيها جات علي شخص معين
مريم: حنان حنان انتي يابت
حنان: في ايه ياست انتي
مريم: تخيلي مين هنا تخيلي
حنان: مين مروان مهوا بينطق زي الفرقع لوز في اي فرح كدا
مريم: تؤ تؤ مش هوا
حنان: امال مين متنجزي
مريم: دكتور كريم يابت هوا هنا بيعمل ايه
حنان: هوا عندك بيعمل ايه مهوا اكيد متوصلش لانه يراقبك ويجيلك
مريم: يراقبني!! انتي اتجننتي ياختي يراقبني ليه يعني
حنان: والله يابت حاسة ان في حاجه من ناحيته وانا عمر احساسي مايخيب
مريم شافت مامتها وباباها جايين: حنان اكلمك بعدين يلا باي
حنان: باي
مني ومصطفي: السلام عليكم
الجميع: وعليكم السلام ورحمة الله وبركاته
عبد الرحيم: واخيرا افتكرت عيلتك يامصطفي
مصطفي: الشغل يابابا اعمل ايه
عبد الرحيم بفقدان امل: اه الشغل اقعد انت ومراتك يا مصطفي شرفتو
مريم وشها اتغير من وقت ماشافتهم ومش عايزة تقعد معاهم
مريم: عن اذنكم هروح التواليت تعالي معايا يارودي
اخدت مريم رودينا ومشيت من جنبهم
مريم في نفسها: اهدي يامريم ومتحطيش في دماغك انهم موجودين اصلا اهدي كدا
رودينا: روما انتي زعلتي عشان ماما وبابا قعدو معانا
مريم: لا ياحبيبتي عادي بس كنت عايزة اخرج اشم هوا شوية
رودينا: بلا كذب انتي قلتي اللي بيكذب بيدخل النار وبعدين قلتي انك هتروحي التواليت دلوقتي بتقولي هتشمي هوا
مريم بمحاولة لكتمان البكاء: انتي صح بس بقا يارودي متتكلميش في الموضوع دا
رودينا: حاضر
كان في اللي سمع الحوار اللي بينهم من الاول وزعل عليها
خرجت مريم شوية وبعد فترة كان رحيم واميرة وصلو فدخلت القاعه هيا ورودينا
مريم راحت وسلمت علي اميرة واتعرفت عليها
رحيم: ودي بقا روما انتي اول مرة تشوفيها دي صغنن العيلة بتاعتنا
مريم: بردو صغنن قلتلك هقومها عليك خد حذرك مني
رحيم بضحك: يختي اتنيلي ولا تقدري تعملي حاجه وبعدين ميرا بتثق فيا صح ياحبيبتي
اميرة بمشاغبه وحب لمريم: والله علي حسب اللي هتقولو القمر دي
مريم طلعت ليها لسانها: شفت عشان تخاف بقا وتبطل تغيصني
كريم جه من وراهم: الف مبروك يارحيم
رحيم: الله يبارك فيك ياصاحبي
كريم: اذيك يا انسه مريم
مريم: احم اذيك يادكتور
رحيم: ايه دا انتو تعرفو بعض
خالد: مين دا
رحيم: دا صاحبي كريم كان معايا من ايام الجامعه كريم دا اخويا خالد
مريم: والدكتور بتاعي
خالد: هوا دا بقا دكتور كريم اللي كنتي بتتكلمي عنه
مريم بتوتر: اها هوا
خالد: اهلا تشرفنا يادكتور
كريم: الشرف ليا ياخالد
كريم: مكنتش اتوقع اني الاقيكي هنا
مريم: رحيم يبقي ابن عمي
كريم: اها
خالد: مريم تعالي عايزك
اخد خالد مريم وبعدو شوية عن الكل
مريم: في ايه ياخالد
خالد: ملاحظ ان كلامك مع الدكتور دا كتير يعني
مريم باستغراب: فين الكتير دا معلش وحتي لو يعني انت مالك ياخالد
خالد: تمم يامريم مفيش حاجه اسف اني اتدخلت عن اذنك
مريم: اووف
بدأت فقرة تلبيس الخواتم وبعدها كان في رقصة سلو
حمزة لمريم: ماتيجي نرقص يستا
مريم بابتسامة: يلا
رقصت مريم مع حمزة وكان كل كابلز بيرقصو مع بعض.
حمزة: ملاحظ ان في حاجه غريبة من وقت ماجيت
مريم: حاجه ايه
حمزة: امممم مثلا خالد ونظراته والشخص اللي كان بيسلم علي رحيم من شوية وخالد اخدك من وسطهم في حاجه
مريم: ها مفيش حاجه في ايه يعني دا دكتور كريم دكتور عندي في الجامعه ولما شافني سلم عليا مش اكتر وخالد كان بيكلمني في حاجه كدا متقلقش مفيش حاجه
حمزة: اممممم ماشي يامريم اما نشوف
كريم: ومين اللي بترقص معاه دا حاسس اني شايفة قبل كدا وبعد وقت من التفكير
كريم: اه افتكرته
مريم خلصت رقص مع حمزة ونزلت قعدت مع جدها وجدتها والباقي
مني: طالعه حلوة يامريم
مريم: شكرا
رجعت مسكت فونها تاني وكلمت حنان وقالتلها اللي حصل
حنان: والله بيغير عليا الطلاج بالتلاته بيغير
مريم: بس ياحنان انا مخنوقة بجد وعايزة اروح
حنان: ليه يابنتي
مريم: معرفش بس عايزة امشي وفي نفس الوقت مش عايزة عشان رحيم ميزعلش مني
حنان: طب اهدي كدا وروقي وكل حاجه هتبقي كويسة اخري برا شوية شمي هوا
مريم: تمم
خرجت مريم برا القاعه وقعدت علي مرجيحه وسرحت في كل حاجه بتحصل معاها
كريم: زعلانه ليه
مريم: مفيش
كريم: متخافيش مش هعملك حاجه هسمعك بس
مريم: متقدرش تعملي حاجه اصلا
كريم: ليه
مريم: عشان انا مش ضعيفة عشان احكي لحد حاجه
كريم: لسه طفلة زي اول مرة شفتك فيها
مريم: نعم!!! طفلة ايه معلش
كريم: انتي بجد لسه مفتكرتيش
مريم: افتكر ايه
كريم: علي البحر وحد قعد جنبك وزعقتي معاه علي ان المكان مش مكانه ولما قلك مش هأذيكي قلتي كلام مشابه للي قلتيه دلوقتي لسه مش فاكرة
مريم بعد فترة: انا قلت اني حاسة اني شفتك قبل كدا بس مش فاكرة وبعدها شلت الموضوع من دماغي بس انت افتكرتني بعد السنين دي كلها ازاي
كريم: مش مهم افتكرتك ازاي المهم اني افتكرتك وخلاص عايزة قوية يامريم وبلاش اي حاجه بسيطه تزعلك يلا ادخلي ملوش لازمه قعدت دي عن اذنك
ومشي حمزة وسابها
مريم: انا مش ضعيفة ومش اي حاجه تزعلني او تشغلني صح
دخلت مريم القاعه وقعدﭢ لحد ما الفرح خلص
______#_________
في سكن البنات
كانت حنان ماسكه الفون وبتكلم حد
حنان: تمم دخلني عادي
سلام دلوقتي عشان هنام
حنان: مش هعرف اسهر متعودتش علي كدا
حنان: معلش بكرة بقا
قفلت حنان الفون وخرجت للبنات
مروة: قاعدة في اوضتك مش بتخرجي ليه
حنان: مش متعودة علي اني اقعد من غير مريم عشان كدا بس
نور: طب تعالو نقعد مع بعض شوية
حنان: لا انا هنام تصبحو علي خير
الجميع: وانتي من اهل الخير ياحبيبتي
دخلت حنان الاوضة وقفلت عليها ونامت
حنان: حاسة ان في حاجه وحشة قلبي مش مستريح
اهدي ياحنان ونامي مفيش حاجه ان شآء الله

برا عند البنات
اسماء: شكلها متعودة علي مريم جدا مسمعناش صوتها النهارده وحساها متضايقة
ندي: يديمهم لبعض ويديم صحوبيتهم
الكل: اميين
رنا: عايزة اخرج ياعيال بكرة تتصرفو كدا ونخرج خروجه كويسة
اسماء: ياريت والله الواحد زهقان من الجامعه وكل حاجه
مروة: تمم بكرة نخرج ياشباب دلوقتي يلا كل واحدة علي سريرها ونامو
دخلت كل واحدة اوضتها ونامو
______#_______
عند مريم مصدقت الخطوبة خلصت ورجعت بيت جدها ولما دخلت غيرت هدومها وهدوم رودينا واخدتها في حضنها ونامت علطول
حمزة: خالد انت زعلت مريم في حاجه
خالد: لا ولا كلمتها ياحمزة تصبح على خير
طلع خالد شقتهم وكان داخل اوضته
امل: مريم صح
خالد: نعم!!!
امل: مريم البنت اللي بتتكلم عنها صح ومتحاولش تنكر انا شايفة كل حاجه بعنيا غيرتك من الدكتور دا وانها عرفاه ولما شدتها تكلمها ولما شفتها وهيا خارجه قبل مانروح القاعه عينك كانت بتطلع قلوب بتحبها اوي كدا
خالد: جدااا ياماما من وهيا صغيرة مش عارف اتعامل علي انها زي اختي انا بحبها ياماما
امل: متقلها وتشوف رأيها هتفضل ساكت كتير لحد ماتروح منك وحد غيرك يسبقك
خالد: لا ياماما مريم هتبقي ليا انا مستنتش دا كله عشان حد تاني ياخدها مني
امل: هكلمها انا واشوف رأيها
خالد: لا ياماما لازم اعرف مشاعرها ايه من ناحيتي الاول
امل: ياعم اتنيل دا انت لو فضلت بطريقتك دي ولا هتعرف بعد مليون سنه استني عليا وانا هجس نبضها زي مابيقولو ومن غير ياعم مااقلها انك بتحبها استريحت
خالد: حبيبتي ياماما ياريت والله
امل: متقلقش ادخل نام يلا
خالد: تصبحي على خير يااحلي ماما
امل: وانت من اهل الخير يابكاش

وبكدا بارت النهارده خلص اشوفكم البارت الجاي سمعليكووو🚶‍♀️🚶‍♀️
ڤوت وتعليق لطيف ذيكم بقا🐣💜
#Hanan_Selim ✍🏻