معاناة بريئه

البارت الرابع والثلاثون🐣

#معاناة_بريئه
#البارت_الرابع_والثلاثون

وقفنا البارت اللي فات لما حمزة قرر يكلم مريم ويقلها علي موافقة ملك
حمزة: روما ياروما ياحتة سكره
مريم بضحك: دا من امته الدلع دا
حمزة: بت انتي زي القطط هوا انا مبدلعكيش
مريم: امممم مش علطول
حمزة: تصدقي ان انا غلطان
مريم: اخلص ياعم قول في ايه دا انا مصدقت ان البت حنان هتسبني انام شوية
حمزة: طب اقفلي يامريم عشان انتي فصلتيني اصلا
مريم: ياعم برخم عليك الله قول بقا في ايه
حمزة: تدفعي كام
مريم: مش معايا فلوس
حمزة: ابعتلك مقلتيش ليه يابنتي
مريم: يخربيت كدا ياعم بهزززر انا معايا فلوس اكتر منك شخصيا
حمزة بهزار: طب متسلفيني شوية
مريم: نينيني لا
حمزة: طب مش قايلك حاجه ها
مريم: عاااا قول بقا ياميزو يلاااا
حمزة بفرحه: ملك وافقت عليا ياروما واول ماتيجي هنروح نقرأ الفاتحه
مريم بفرحه: احلف
حمزة: اه والله انتي مش متخيلة فرحتي
مريم: والله لو بعرف ازغرط كنت عملتها
حنان من جنبها: وعلي ايه احلي زغروطه ليكي انتي واخوكي لولولولولولولولي
مريم بضحك: صاحبي الجامد
حمزة بضحك: سلميلي علي الهبله اللي جنبك دي
حنان: لو سمحت انا مش هبله احترمني شوية الله
حمزة: بس ياطفسه انتي
حنان: انتي فتنتي عليا لاخوكي
حمزة بضحك: لا يختي وانتي الصادقة كل ماتكلمك تكوني بتاكلي وكل شوية اكل اكل اكل
حنان: احم ياكسفتك ياحازم
مريم بضحك: بس انتو الاتنين المهم الشريرة التانية كلبة البحر مقالتليش حاجه يعني اما اشوفها بس والله لكلمها اهزقها
حمزة: هيا اصلا لسه عارفة دلوقتي ولولا واخدة رأيها من شوية هتلاقيها بتكلمك دلوقتي تقلك هوا انتو يعني انتو الاتنين بتعرفو تمسكو لسانكم
مريم بضحك: في دي عندك حق
وبالفعل ملك رنت وهيا بتكلم حمزة
مريم: طب اقفل بقا دلوقتي ياعسل اما اكلم مرات اخويا
حمزة: سلميلي عليها
مريم: برا ياض
قفلت مريم معاه ورنت علي ملك
ملك: كنتي بتخونيني مع مين دلوقتي ياخاينه ياغدارة
مريم بضحك: اصل نويت اتطلق منك واتجوز حد تاني
ملك بهزار: اه قلبي الصغير لا يتحمل اخس عليكي الف خسايه
مريم: معلش يااوختشي بكرة تلاقي اللي احسن مني
ملك: روما انتي عارفه انا فرحانه قد ايه
مريم: وه يارب دايما بس ليه
ملك: اخوكي اتقدملي متعرفيش انا فرحت بالخبر دا قد ايه
مريم: ويت ويت ويت لا دا انتي تحكي من الاول بقا انا اول مرة اعرف الموضوع دا من امته الكلام دا ان شآء الله
ملك: لسه من شوية ماما قالتلي
مريم: لا لا انا مش قصدي كدا قصدي من امته الحب دا ها الا عمرك ماقلتيلي يعني ولا لمحتي حتي
ملك: انتي هبله يابت هاجي اقلك انا بحب اخوكي وبعدين انا كل اللي كان في دماغي انه معتبرني ذيك
مريم بفتنه: بصي هوا انتي اعتبريني مقلتش حاجه بس انا فتانه اصلا وهفضحه واقلك انه بيحبك وانا عارفة من زمان وكان هيقول لخالتو من كام شهر بس انا قلتله يستني لبعد الامتحانات بس ماشاء الله مقدرش يصبر وقالها
ملك: ليه يختي مكنتي تسبيه
مريم واقعه واقعه المهم في حاجه مهمه لازم تعرفيها
ملك بقلق: حاجه ايه
مريم: لازم ياحلوة تعرفي اني من النهارده عمتو ها عمتووووو قوليلي ياعمتو مش انتي الكبيرة بس هتقوليلي ياعمتو بردو
ملك بضحك: امشي من وشي يابت قال عمتو قال
مريم: علي فكرة هبقي عمتو الحرباية وهنزعل من بعض
ملك: نينينيني معلش يااوختشي
مريم: هيا هيبتي فين يلا مش مشكلة استعدي بقا عشان اول ماهنزل هنجيلكم
ملك: انتي جاية بكرة صح
مريم: يس
ملك: خلصانه مستنياكم
مريم: اين الخجل انا لا اراه
ملك: ششششش بس ياماما قال خجل قال سمعليكو بقا اروح انام
مريم: تصبحي علي خير ياحبيبتي
حنان بضحك: العيلة كلها بتتجوز في بعضها ايه مش عايزين تدخلو حد غريب
مريم: والله يابت ياحنان لو الواد رحيم مكنش خطب كنت خطبتكم لبعض عشان نفضل مع بعض دايما
حنان: هيييح ونغضب مع بعض ونطردهم من الشقة ونقعد مع بعض
مريم: ونقعد ونسمع كرتون وناكل شيبس واندومي
حنان: يلا ياماما فوقي من احلام اليقظة دي باقي ساعتين قومي نجهز الشنط ونتنيل نمشي
مريم: يلا يااوختشي
بدأت حنان ومريم انهم يجهزو شنطهم وياخدو اللي ممكن يحتاجوه في الاسبوعين دول
حنان: كدا خلصنا كل حاجه صح
مريم: تقريبا اه يلا نلبس
حنان: عايزين نودع العيال اللي هناك دي
مريم: هوا اه وكل حاجه بس مش هنروح نصحيهم من النوم
حنان: طب ماشي نبقي نكلمهم واتس بقا يلا
وبعد مالبسو خرجو من السكن ووقفو قدامه مستنيين تاكسي
مريم: حاسه ان في حاجه ناقصه مش عارفه ليه
حنان: معتقدش ناقصنا حاجه
مريم: اه ممكن وو  ايه دا فين ليزا
حنان: اوعي تكوني نستيها
مريم: يالهوي استني انا طالعه
طلعت مريم بسرعه واول مافتحت لقت ليزا اللي صحيت واقفة  قدام الباب وكانها بتدور عليها
نزلت مريم اخدتها من علي الارض وحضنتها
مريم بدموع: ياروحي مش متخيلة اني نسيتك اسفة اسفة والله خلاص مش هتتكرر متزعليش بس طب بصيلي وعد استحالة تحصل تاني خلاص والله هعيط
وتقريبا ليزا حست بيها فهديت وبصت ليها وبدأت تتمسح فيها (جماعه انا معرفش اسمها اي فعدوها المهم القطه سامحتها😂)
دخلت مريم الاوضة وجابت القفص بتاعها واكلها عشان الطريق ونزلت
حنان: اسفين ياست ليزا والله هيا صاحبتك اللي شريرة ونسيتك
حنان: ياماما هيا بتبصلي كدا ليه
مريم بضحك: ليزا تعمل اللي هيا عايزاه وبعدين طبيعي مش طيقاكي دا انا صالحتها بالعافية
حنان: ايه دا ليزا زعلانه مني دا انا اللي كنت بأكلك يامعفنه ياخسارة
مريم: التاكسي جه اهو يلا نركب
ركبو التاكسي اللي وصلهم للمحطه ولما وصلو طلعو علي الرصيف وركبو القطر اللي كان اوريدي واقف
مريم: هموت وانام
حنان: مفيش نوم
مريم: في ايه ياماما مالك هوا كل شوية مفيش نوم مفيش نوم بقيت عاملة زي الزومبي
حنان ببرود: يلا ياحبيبتي من غير كلام كتير اكتبيلي بارت
مريم بتشنج: بارت اي ياحنان معلش
حنان: اه حقك تنسي الرواية محنا مدلعينك اخر دلع وسايبينك بقالك شهرين من غير متكتبي
مريم: لا كتر خيرك وبصراخ: هوا انتي كنتي عايزة اكتب ياروح ماما وانا بمتحن
حنان: مهوا عشان الامتحانات كنت سكتالك دلوقتي خلصنا صح يلا بقا اكتبي
مريم: طب اخد بريك يوم ط
حنان: لا ولا يوم هاتي ليزا كدا وقدامك لحد منوصل القاهرة تكتبيه
مريم: طب ياحنان ااا
حنان: بس ولا كلمه انا خلاص قررت يلا اكتبي
مريم: ربنا علي الظالم والمفتري
سابتها حنان ومتكلمتش معاها عشان تكتب وقعدت تلعب مع ليزا شوية وعلي فونها شوية
ومريم بتكتب البارت شوية وتشتم في حنان شوية
________#_________
في بيت احمد صحي من النوم وقرر يكلم والد حنان
محمود بنوم: السلام عليكم
احمد باحراج: وعليكم السلام اسف صحيت حضرتك من النوم
محمود: لا عادي يابني
احمد: بكرر اسفي بس كنت عايز أأكد علي حضرتك طلبي وياريت تقول للانسه حنان هيا خلصت امتحاناتها خلاص وممكن تشوف رأيها وتحددلي ميعاد اجي انا واهلي
محمود: واحدة واحدة بس كدا هيا ان شآء الله جاية النهارده جاية النهارده تستريح شوية وهكلمها واشوف رأيها واقلك
احمد: شكرا جدا ياعمي واسف علي الازعاج
محمود: عادي ولا يهمك يابني
قفل احمد معاه وطلع يكلم باباه ومامته
احمد: بابا ماما انتو فين
عبير من المطبخ: انا في المطبخ ياحبيبي هجيب الفطار وجاية اهو وباباك طالع دلوقتي
احمد: طب تعالو بسرعي
مرام: ومرام ملهاش لازمه مجيش يعني
احمد: لا متجيش انتي مالك انتي
مرام: شكرا يابني كنت عارفة انك متقدرش تستغني عني
احمد: رخمه اقعدي وانتي ساكته
صبري: خير يابني بتنادي علي الصبح ليه
احمد: في ايه ياحاج مش طايقني من علي الصبح كدا ليه
صبري: خلص ياواد عايز ايه
احمد: لما ماما تيجي
عبير: انا جيت اهو ياحبيبي في ايه
احمد: احم ماما بابا كنت عايز اقلكم حاجه
مرام: ماما بابا وهيا مرام ايه خيال مأته
احمد: يابت اسكتي بقا
مرام: شكرا يامصر كمل كمل سكت اهو
احمد: انا قررت اخطب
عبير: ها ياحبيبي بتقول عايز ايه اصل شكلي سمعت غلط
احمد: في ايه ياماما بقلك عايز اتجوز
عبير: انت احمد ابني عايز تتجوز
احمد: هوا حرام ولا ايه!!
عبير: لا ياعين امك مش حرام بس مستغربه دا انا تعبت معاك كل شوية اتجوز اتجوز لحد مارميت طوبتك وعرفت انك هتعنس عندي
احمد: اعنس شكرا يا امومه
وانت ياحاج صبري مش هتتكلم
صبري: مين بقا اللي غيرت رأيك علي رأي امك دا احنا تعبنا معاك
احمد: في ايه ياحاج انتو محسسيني اني عندي خمسين سنه دا هما يدوب 26
صبري: متنجز يلا واخلص مين
احمد: بنت صاحبة ياسمين كانت جات هنا يوم خطوبتها
من البنتين ياماما اللي باتو اكيد عرفاهم
عبير: اه القمرات دول والله خسارة فيك واحدة منهم
احمد: في ايه ياست ماما هوا انا مش ابنك ولا ايه انتو لقتينو علي باب جامع
صبري: لا في علي بابا كنيسه وانت الصادق
احمد: شكرا ياحاج كنت حاسس بردو
عبير: هوا انت متأكد انك عايز تتجوز يابني
احمد: ياحول الله يارب ايوا ياماما عايز اتنيل
اي يااخت مرام ساكته يعني
في ايه متنطقي
مرام: الله مش انت اللي قلتلي اسكتي فسكت هوا لا كدا عاجب ولا كدا عاجب
احمد: طب ارجعي اخرصي تاني كنت مريحاني من صداعك
مرام: نينيني طب والله البت حنان هتبتلي بيك انا هقلها تهرب
احمد: انا كدا اتاكدت اني مش من العيلة دي المهم يابابا انا كلمت والدها من فترة بس قالي هيكلمها لما تخلص امتحانات ورجعت كلمته النهارده قال انها جاية النهارده فيكلمها ويقولي
صبري: وانت جاي تقلي بعد معملت كل حاجه
احمد: لا والله يابابا بس انا قلت اكلمه عشان يبقي عنده خبر لو حد تاني اتقدم وكدا وكنت هقول لحضرتك لما تخلص هيا امتحانات
صبري: علي العموم شوف هيحدد ميعاد امته وقلي
عبير: الف مليون مبروك ياحبيبي لولولولولولولولي
احمد: اهدي ياماما شوية لسه اصلا موافقتش
عبير: هتوافق ان شآء الله هيا هتلاقي ذيك فين
احمد: ايوا طلعي بقا كلام الامهات اللي عمري مسمعته منك
عبير: عمرك مسمعته يابن الكلب دا انا علي رأي اختك هخليها تهرب امشي ياواد من هنا
احمد: احم هيبتي راحت في الارض شكرا يامصر سمعليكو انا بقا
__________#_________
خالد: اكلمها دلوقتي ولا هتكون نايمه لا اكيد صحيت عشان تسافر طب مايمكن مش دلوقتي لا لا هكلمها عادي الساعه تمانيه
مسك الفون ورن عليها
خالد: السلام عليكم
مريم: وعليكم السلام
خالد: بصي مش هتكلم كتير بس انتي قلتي ايه في موضوع خطوبتنا
مريم اتصدمت شوية انه رجع فتح الموضوع لانه بقاله فترة كبيرة مش بيكلمها غير عشان يسأل عليها او علي امتحاناتها ولو محتاجه حاجه: ها
خالد: مريم اديني فرصة واحدة عشان اقرب منك بس المرة دي مش كأخ كحبيب وزوج بعد كدا ان شآء الله بس انتي شيلي من تفكيرك اني اخوكي ونتخطب وانا هغير رأيك فيا
مريم في نفسها: اخ مين يابن الهبله دا انا كنت بتضايق لما حد يقول علينا اخوات انا بقول اتقل شوية لا لا متوافقي يختي هوا ايه الهم دا
خالد: مريم لو سمحتي فرصة واحدة
حنان بهمس: قوليلو موافقة موافقة يلا
مريم: موافقة
خالد بفرحه: بجد انا هكلم عمو مصطفي دلوقتي وحمزه ونيجي النهارده
مريم: ايه يابابا حيلك حيلك في ايه دا انا لسه في الطريق وكمان حمزه هيتقدم لملك النهارده
يعني الفترة دي معتقدش هينفع
خالد: لا طبعا هينفع مينفعش ليه واعمل الخطوبة انا واخوكي مع بعض هيحصل حاجه مش هيحصل حاجه يعني دا انا مصدقت انك وافقتي
مريم بخجل: مليش دعوة شوف انت هتعمل ايه سلام
حنان: شوف انت هتعمل ايه سلام!!!! ايه الطريقة دي هوا الواد دا طايقك ازاي بجد
مريم: متقوليش واد بس
حنان: نينيني ماشي يختي يلا القطر هيقف خلاص يابختك هتاخدي تاكسي وتروحي انا لسه هركب قطر تاني منكو لله
مريم بضحك: الله وانا مالي يالمبي
نزلو البنات من القطر
حنان: هاتي بقا حضن كبير عشان هتوحشيني
مريم: والله وانتي اكتر وهتوحشني رخامتك
حنان: طب مااااشي ابقي شوفي مين هيرخم عليكي لما تروحي دا انا كنت بهجة حياتك
مريم بابتسامه: في دي معاكي حق هتوحشيني يانينو
حنان: طب بس بقا عشان معيطش دلوقتي يلا هاتي حضن
حضنو بعض جامد
مريم بهزار: ابعدي بقا لحد يفهمنا غلط
حنان بضحك: طب سلام يامزه هتوحشيني والله اعملي حسابك كل يوم فيديو كول ولو عدي يوم من غيره هزعلك
مريم: تقلقيش يلا باي
حنان: اه ومتنسيش كملي البارت ونزليه النهارده بدل ما اجي اجيبك من شعرك انتي سامعه يلا باي باي
كل واحدة مشيت من مكان
مريم ركبت تاكسي يوصلها البيت واول ماوصلت طلعت الشقة عشان تشوف رودينا لانها وحشتها
لكن لما دخلت اوضتها لقت مني نايمه معاها وحضناها
مريم في نفسها: هيا كدا اخدت مني رودينا بقت تحبها اكيد وكمان بتسبها تنام معاها هيا مكنتش بتحب حد ينام جنبها غيري بس دي بنتي انا اللي مربياها هيا جاية تخطفها مني دلوقتي
وبدموع: هيا اكيد مش هتحبها اكتر مني صح بس دي مامتها يامريم بردو واكيد حضن الام مختلف هه انتي مجربتيش عشان تعرفي اكيد رودي مبسوطه وهيا في حضنها طب اشمعنا انا اشمعنا مبينتش الحب دا غير دلوقتي بعد مابقيت شايله منها ومستحيل اصفالها وانا كمان نفسي في حضنها حضن ام بس بعد ايه بعد مابقيت باردة من ناحيه كل حاجه عادي يامريم بقا ريحي نفسك وسيبي رودينا معاها عشان متبقاش ذيك خليها تعرف معني الام وتحس بحنانها متبقيش انانيه
مريم باصرار: خلاص مش هتعامل مع رودينا زي زمان خليها تحبها اكتر مني وتتعلق بيها اكتر خليها تحس بالحنيه اللي انا افتقدها مش هبقي انانيه واخدها منها
دخلت مريم اوضتها وقفلت عليها الباب وقعدت تعيط علي كل حاجه حصلت وحشة في حياتها وعلي كل لحظه اهمال شافتها وعلي كل موقف كان نفسها فيه في حضن ام تطبطب عليها وعلي كل وقت كانت خايفة فيه وملقتش حد يطمنها هيا فعلا مفتقده كل حاجه حلوة في حياتها
(متخلفوش مادام مش هتهتمو بولادكم متخلفوش مادام مش هتدولهم الحنيه اللي محتاجينها متخلفوش مادام شغلكم اهم من ولادكم متخلفوش مادام ولادكم هيعانو متخلفوش وانتو مش مستعدين تربو ولادهم صح متخلفوش مادام ولادكم هيجو في يوم ويتمنو يبقي عندهم اب وام بجد اهتمو بولادكم حبوهم خليكم حنينين عليهم بلاش اهمال الله يرضي عنكم💔)

وبكدا بارت النهارده خلص اشوفكم البارت الجاي سمعليكوووو🚶‍♀️🚶‍♀️
ڤوت وتعليق لطيف ذيكم بقا🐣💜
#Hanan_Selim✍🏻