#معاناة_بريئه
#البارت_السابع
مريااااام يلا اصحي ياماما هنتأخر علي الجامعه
مريم بتأفف: اووف بت سبيني اتخمد انا نايمه متأخر
حنان: حد قالك تنامي متأخر وبتقليد لمريم: هكتب البارت يانونا يرضيكي فانزاتي يزعلو نينينيني هتشليني بدري
مريم بنعاس وقعدت علي السرير: قمت اهو بطلي رغي علي الصبح
حنان: بت اقسم بالله هزعلك متنجزي ياما باقي نص ساعه والمحاضرة تبدأ
مريم: حاضر حاضر قمت اهو
حنان: هطلع اكلم بابا علي ماتخلصي
مريم: اشتا
خرجت حنان من الاوضة عشان تكلم باباها
حنان: صباحو ياحوده
الاب: نفسي اعرف امته هتحترميني يابت انتي
حنان: الله بدلعك ياحوده مدلعكش يعني
الاب: ماشي يختي عاملة ايه
حنان: والله لحد دلوقتي فل بعد كدا بقا معرفش
الاب: رحتي الجامعه يابت
حنان: مستنية زفت تخلص لبس عشان نمشي
الاب بحب: سلميلي عليها القمر دي
حنان: اجوزهالك ياحاج ولا ايه
الاب بضحك: يلا يابت ع الجامعه هقفل عشان وصلت الشغل
حنان: اشتا خد بالك من نفسك
الاب: والله لو مش ابوكي عرفيني قال اشتا قال يلا يابت سلام
وقفلت معاه ودخلت كانت مريم خلصت
حنان: واخيرا يااوختشي
مريم بنعاس: ايه رأيك ننام ومش مهم النهارده
حنان برفع حاجب: لا والله
مريم: اووف خلاص يلا
حنان: الحاج بيسلم عليكي
مريم بحب: حبيبي دا هيجي امته
حنان: مانتي عارفة بيجي كل اسبوع الجمعه ان شاء الله هتلاقيه هنا
مريم: اشتا يلا بينا
بعد فترة كانو البنات وصلو الجامعه لما وصلو كان الدكتور دخل
ﻤريم: يختااااي دكتور ابراهيم ابقي قابليني ان دخلنا
حنان: احم ربنا يستر خلينا نحاول
مريم بابتسامه متوترة: لو سمحت يادكتور ممكن ندخل
الدكتور: اعتقد اني قايل قبل كدا يابشمهندسة ان ممنوع حد يدخل بعدي
مريم بتوتر: ماهوا احنا
ابراهيم: برا انتو الاتنين ولاخر مرة بقول ممنوع حد يدخل بعدي
مريم شدت حنان من ايديها وخرجو
حنان: هوا ماله علي الصبح
مريم بعصبيه: قلتلك ننام يختي كنا استريحنا
حنان: ومين اخرنا ان شاء الله مش حضرتك
مريم بعبوس: اووف بت
حنان: ها
مريم: تعالي ناكل فكك من دكتور ابراهيم ومحاضرته نبقي نشوفها بعدين من اي حد
حنان: تيجي نطلب الاكل ونرجع السكن وكدا كدا مفيش حد نقعد في هدوء وتكملي
مريم بابتسامه حزينه: يلا
حنان خبطتها من كتفها: يابت فكي شوية
مريم: اشتا يلا بينا
طلبو الاكل ورجعو السكن وبالفعل مكنش في حد غيرهم هناك
مريم: هيييح حلو الهدوء دا الواحد قليل لما يشوفه
حنان: عندك حق يااوختشي بنبقي كاننا قاعدين في سوق والله
مريم: والان هجوووم
بدأو البنات اكل وبعد ماخلصو
حنان: يلا كملي
مريم: كنا واقفين فين
حنان بحماس: لما خليتي خالد يكتبله الكلية اللي كان عايزها واقنعتيه
مريم بحزن: اه
Flash back
حمزة: روماااااا
مريم: ها عملت ايه
حمزة بفرحه: اتقبلت اتقبلت واخيراا بعد التعب دا كله وصلت للي نفسي فيه
مريم بابتسامه: انت تستاهل تحقق كل اللي بتتمناه ياميزو فرحانه ليك جدااا
حمزة بحزن: الكلية قربت تبدأ
مريم بمحاولة للابتسام: ايه ياعم افرح وبلاش تنكد علي نفسك ومتقلقش كل حاجه هتبقي كويسة
حمزة: بس خايف عليكي
مريم بمزاح: الله هوا انا هتاكل ياعم وبعدين هيجيلي اخت او اخ وهقضي وقتي معاها
حمزة: هتعرفي تاخدي بالكومن نفسك ومن البيبي
مريم: اكييد وبعدين انا بقيت كبيرة خلاص
حمزة: هيا مين الكبيرة معلش
مريم بعبوس: مش انا
حمزة: اه بحسب
مريم: علي فكرة جعانه
حمزة: عمرك مشفتيني غير لما تقولي جعانه ها يااخرة صبري نطلب اكل ولا نعمل
مريم: لا دا ولا دا انا عايزة اخرج
حمزة: تمم موافق يلا بينا
بعد فترة كانت مريم جهزت نفسها وخرجو هما الاتنين راحو مطعم وطلبو اكل وقعدو هزرو وإلي حد ما نسيو ان بعد فترة مش هيشوفو بعض كل يوم زي ماهما متعودين
مريم: تعببت هموت وانام
حمزة: طب يلا
روحو البيت الايام كانت بتعدي بسرعه والنهاردة خلاص حمزة هيسافرة عشان الجامعه
مريم بدموع تحاول تخفيها: هتوحشني علي فكرة حاول تكلمني علطول
حمزة حضنها: علي قد مااقدر هكلمك وخدي بالك من نفسك
مريم ودموعها خلاص نزلت: حاضر
حمزة: مش عايز اشوفك بتعيطي هوا انا رايح اموت يابنتي
مريم: بعد الشر ياشرير
حمزة: طب اضحكي الاول يلا
مريم حاولت تبتسم بس معرفتش ورجعت عيطت تاني وحضنته
مصطفي: ماخلاص يامريم مش مهاجر يعني كل فترة هينزل
مريم بصتله نظرة معاناه وانت هيفرق معاك ايه اصلا حتي لو هاجر انت مش حاسس بحد فينا
مني: خد بالك من نفسك
حمزة: ان شاء الله يلا سلام
مشي حمزة من البيت ومريم دخلت اوضتها وقفلت عليها الباب
مريم وهيا بتعيط: يارب كان ليا بابا وماما انا معرفش اعيش يوم من غيره بس هوا لازم يحقق حلمه يارب احميه يارب ويكلمني علطول ومش ينساني
أنت تقرأ
معاناة بريئه
Romansaالاهمال اكتر حاجه مؤذيه في الدنيا كفايه بس انو بيخلي الانسان فاقد الشغف وبيهلك القلب والمشاعر خصوصا لو الاهمال دا كان من اقرب الناس لينا💔
