دارت الدنيا لتدق طبول قلبي

بارت 5

#دارت_الدنيا_لتدق_طبول_قلبي
#جذبني_فمك_البني_ج2
#الكاتبة_عبير_أدريس
#البارت_الخامس

انا وانت
نشبه الحرب والسلام
لانلتقي ولانفترق
كلانا نبحث عن الاخر
والهدنه بيننا حفنة احلام
لاقدر يجمعنا ولا بعد يفرقنا

قريت رسالته ضحكت هذا شبيه من كل عقله شمرت الموبايل ومددت على السرير ورة ساعة ضبط انفتح باب غرفتي فات ضيغم..

ضوه خفيف عكس ملامح وجها التعبانة وشعره المهوس..
  بالعادة هو يدك الباب يلة يفوت استغربت اليوم من تصرفاته كلها مو طبيعية ،
عدلت كعدتي وخليت مخدة ورة ظهري وارتاجيت عليها ..
باوعلي دنكت العب بأظافري ما أريد مواجهة من هيج نوع ولا اريد احجي وياه بأي موضوع ردت هو يبادر بالكلام ..

سد الباب وتقرب من الستائر فتحهن وعيونه  متشخصة على البرة...

جان يتنفس بصعوبه حسيته مخنوك واكو جبال هم على كلبه انتظرته يحجي ما حجه اخر شي اني بادرت وسألته...

ملاك : صاير شي وياك ؟

التفت ربع التفاته جان خال ايده بجيوب بنطرونه باوعلي ورجع التفت بأتجاه الشباك  ..

ملاك : اذا ماعندك كلام ممكن تاخذ راحتك وتنزل اريد انام..

دنك راسه وحرك قدم رجله كأنما اكو حصى ويلعب بيها رفع راسه وكال ..

ضيغم: ابوية طلب مني اتمم زواجنا اليوم شنو رأيج؟

ملاك : كللهم تم وبات اليوم هنا شمدريهم  شنو راح يصير بينا..

ضيغم : يريدون يشوفون بعينهم لا عبالج نكدر نضحك عليهم حادين سنونهم عليج.

ملاك: عليه ليش شنو مسويه اني..

التفت عليه ومشى بأتجاهي دنك لمستوايه وحجه من بين اسنانه..

ضيغم : غبائج هذا غبائج وصلنا لهذا اليوم وخلانه بهيج موقف وهدم حياتج ومستقبلي ..

يحجي ويأشر بصبعة على دماغي..

ملاك : شنو سويت غير افهم ليش تحجي الغاز..

ضيغم : كلش زين تتذكرين شنو سويتي وخربطتي بالحجي الكل شاك بيج عندج علاقه قبلي لهذا نافرتني والصراحة انه هم تأكدت شكوكي كلها وحاب اتأكد مثلهم..

لميت شعري واخذت القراصه من على الميز شديته وجاوبته بهدوء اريد امتص غضبه..

ملاك : ضيغم الف مره كلتلك ماعندي علاقة قبلك و وضحت السبب ليش ما متقبلتك كزوج اليه لهذا ماكو داعي للشك وانت مثقف مو بهيج مستوى حتى تحجي مثل هذا الحجي واذا تحب نروح دكتورة اني وياك وتتأكد ...

عيوني تتحرك بخوف على تفاصيل وجها منتظرة جواب يريح قلبي..

همس بصوت مليان قهر..
ضيغم : ملاك اليوم تصيرين زوجتي وخلص كتلج تحضري قبل لا اصعد ساعديني ولاتصعبيها عليه..