دارت الدنيا لتدق طبول قلبي

41

#دارت الدنيا لتدق طبول قلبي
#جذبني فمك البني٢

#البارت الواحد والأربعون..

ضيغم

جنت اكول الله يعين المفارك عزيز
ودارت الدنيا وكلت الله يعيني
انه الفاكد هواي وشي اعز من شي
مرتي وابني وضحكتي ولوني...

ملاك

‏لم تّكن كسورنا ""بالعظام"" كانت بالعُمق العميق بالروح
والروح لا تُجبر..

_______

ملاك : احبك لأن انت حبيبي وابو ابني وما ارجع للعراق لو مدري شيصير..

ضيغم : متأكدة ماترجعين تعانديني يعني..

ملاك : مو عناد وياك بس ما اكدر اعوفك..

ضيغم : واذا كلتلج ياملاك انتِ طالق طالق طالق وارجع اطلكج بوجود سيد وشهود وتتحرمين عليه هم ماترجعين..

بهتت ظليت صافنة بوجهه مدري اضحك على سذاجة الموقف مدري ابجي على حظي شلون لعبت الدنيا بيه وفرتني فر ، صدك دارت...

هزيت راسي ساكتة مسحت دموعي جريت نفس وطلعت من الغرفة لكيت ادهم واكف عاكد حاجبه شافني سوه حركة بحلكة متأسف بيها ، دنكت ورحت للحمام غسلت وجهي بمي بارد رغم برودة الجو بس اريد اهدأ نفسي..

سديت البوري ونشفت وجهي ، ظليت اخذ نفس شهيق وزفير الى ان استعاديت جزء من قوتي ، طلعت كعدت باالأستقبال بس احس بنفسي ابد موزينة ماعرف شنو بيه بالضبط ، مريضة لو من القهر ، حتى بطني منفوخه فكرت بسبب قالوني العصبي لان شكل عندي بفترة العرفت بيها زواج ضيغم ونجوى..

دخل ادهم من برة شافني وكال..

ادهم : ليش طلكج شنو صار بينكم؟

ملاك : ما اعرف طلب مني ارجع للعراق رفضت كال حتى اذا طلكتج تبقين رافضة وطلكني وكال راح اطلكج سيد بحضور الشهود ..

اجه كعد يمي رفع راسه ليفوك وكال..

ادهم : حيرني لو بس يحجي ويايه حتى افهمه الموضوع صح صعب عليه بس احاول وياه حرامات ينتهي زواجكم بهيج مأساة..

ملاك : راح ارجع وخلي هنا يفكر وياخذ قرار صحيح اذا شاف نفسه يكدر يعيش بدوني وبدون ابنه الله يوفقه ويسعده واذا ماكدر ربي يهديه ويرجعلنا..

ادهم : شنو رأيج تكعدون انتِ وسيلين بشقتنا القديمة وانه اروح وارجع عليكم.

ملاك : لا يابه على شنو مبهذلين نفسكم يومية شايلين بمكان وانت تروح وترجع هنا هنا الشقة تبعد مسافة عن البيت قابل براس الشارع.

ادهم : شلون لعد والله ما يهون عليه اشوفكم متدمرين واظل ساكت وماسوي شي...

ملاك : هذا المكتوب ولازم نشوفه خليني اروح عسا ولعل يفكر صح والايام تبينله ملاك شنو جانت..