دارت الدنيا لتدق طبول قلبي

بارت 9

#دارت_الدنيا_لتدق_طبول_قلبي
#جذبني_فمك_البني_ج2
#الكاتبة_عبير_أدريس
#البارت_التاسع

صعب يكول

شوكت يندك علينا ويضحك الباب
ويترس بيتنا وصوتك يسرنه
وترد انت ويجني الراحن وياك
وتجيبه وياك يالماخذ عمرنا ..

ملاك تكول
من كتلك اموت بدون ماشوفك جنت جذاب
لاخلف الله على الجيه التحطلي صواب
منا وانتهت والباب يوسع باب
______

ملاك : وانت ليش عصبي غير افهم ..

ضيغم : شنو صاير عدكم..

كلبي كام يدك طبول خفت فهد مخبث وحاجيله..
ضيغم : مو وياج وين رحتي ؟

ملاك : وياك وياك .

ضيغم : ماتحجين اريد افهم..

ملاك : انت شنو سمعت ومن وين؟

ضيغم : ادري تحققين ويايه هو انه الادري لو انتِ ؟

ملاك : اي احجيلك بس اني مستغربه عصبيتك لهذا سألت.

ضيغم : اي يله احجي منتظرج..

ملاك : ماكو شي لا يظل بالك جرح بسيط.
ضيغم : منو مضوجج بيهم كوليلي؟

ملاك : محد مضوجني سلامتك.

ضيغم : احجي ملاك كاعد افور تره ..

ملاك : بس فهميني شنو فهمت انت..

ضيغم :   الفهمته انتِ صايرة عصبيه ومكسرة الغراض وعياط وبجي اخر شي شاكه رجلج ، لج عوبه الاعرفه الواحد من يريد ينتحر يشك ايده شو انتِ بالعكس تنتحرين من رجليج حتى بهاي تختلفين عن العالم..

ضحكت مصدومه من التلفيق..

ملاك : وهاي منو كالك اني هيج سويت وفوكاها اريد انتحر..

ضيغم : فهد غير خابرني خبلني ودزلي صوره المواعين المكسرة والدم تخبلت .

ملاك : ليش هيج كالك وليش دزلك الصور يعني انت بعيد شنو تريد تسوي قابل راح تجي وليش انتحر يعني ههههه..

ضيغم : اي اجي اذا ما مرتاحه ارجع فهميني منو وصلج لهاي الحاله..

ملاك : انت فهمني اول فهد كالك تعال اخذها مو ؟

ضيغم : اي..

ملاك : شوف هذا فهد واحد كذاب دير بالك تصدك بيه اني جنت شايله الصينيه ودخت وكعت من ايدي ولان حافيه تعورت هذا الصار بس الاخ حب يسويها دراما عليك..

ضيغم : صدك والله وانه عبالي احد مضوجج بالبيت وكاعد يضغطون عليج  واذيتي نفسج لهذا تخبلت..

ملاك : لا محد مضوجني واصلا مرتاحة لايضل بالك ولاتصدك كل شي يحجيه الك فهد..

ضيغم : خلي  يصبرلي توني خليت راسي اريد انام ودزلي الصوره هالمره اخابره اريده يجاوب ينطيني رفض ويكتبلي ملتهي بملاك وديتها للمضمد وجرح رجلها مفتوح جان دزيتلك الصور بس تخترع.