دارت الدنيا لتدق طبول قلبي

بارت 11

#دارت_الدنيا_لتدق_طبول_قلبي
#جذبني_فمك_البني_ج2
#الكاتبة_عبير_أدريس
#البارت_الحادي_عشر

بيا شغله اذكرك عشت كلشي بوحدي
ليل الله شاهد والاغاني  وخدي

وذولاك اهلك عشت يمهم بالضيم
اذكرني اذا تعبو عليك بگدي 

هم مثلي لو صابك مرض يتمرضون ؟
هم حسره جابتهم وحسره تودي؟

ماعندي كلشي وحاربت دنيا اعليك
مو جندي بس عايش حياة الجندي

ذله امن اضد كل ناسي خاطر ترضى
وتاليها اشوفك صرت يمهم ضدي ..

______________

نزلت اركض وراه وصل لباب الهول جريته من قميصه التفت عليه خازرني عطت بيه بصوت عالي وماحسبت حساب لأي واحد بالبيت بيومها اعترف عقلي جان مو بمكانه الصحيح او بالاصح كدر يستفز ملاك القديمة وخلاها ترجع تظهر من جديد ملاك الغيورة المحبة ملاك العجولة ملاك التعشق ريحه صعب وترجف وتغار عليه..

هجان : شبيج انتِ اليوم تخبلتي ؟
يحجي ويأشر بأيده..

ملاك : اي تخبلت من احجي  وياك تظل واكف وتسمعني ممنوع تنزل وتعوفني..

هجان : سمعتج وفهمت التريديه بس انتِ ما فاهمه نفسج وماكاعد تعرفين شنو تريدين يوم اريدك وايام روح ابتعد الله وياك لعبه عندج انه ..

ملاك : بسببك اني تزوجت انت مادافعت عن حبنا انت تخليت انت السبب كله صوجك وصلنا لهذه المرحله..

هجان : لج انه تخليييت انه...
كلماته جانت واقعيه بدرجة مخيفة خلاني اتراجع خطوات ليورة خفت من وحشيته و عيونه تلمع بغضب ...

من شافني ساكته كام يضرب على صدره ويتقدم اتجاهي ويكرر نفس الجمله انه تخليت انه، الموقف جان عبارة عن لحظات تحبس الانفاس من شدتها حسيت بكل وتر مشدود وعضله بجسمه ...

ملاك : لاتصيح اي انت تخليت عني انت عفتني وحدي ...

لزم كتفي وعصره حيل وعاط بوجهي..
هجان : لج انه حركت وصوبت واخر شي اعتقلوني ونمت بالسجن بعد وين الكاج وادافع عنج ،وحضرتج بشهر العسل وانه بالسجن بفضل جدج وابوج اشتكوا عليه و قبلها عادوني ليش لان كلت بعالي صوتي  احبها ورايدها تعال شلون هيج تفضحها ماننطيك مره...

ملاك : قصدك شهر مر ،،، واكول ليش عادوني؟  كله من وراك اني تدمرت شلون تحجي وتكول انت تحبني شلون تجرأت مو تعرف عقلياتهم ،،بسبب اعترافك رفضوك مو ؟

هجان : شسوي اذا ابوج رافض رحت على جدي وحجيتله كل شي وبيومها اجيت حتى اطلبج من ابوج وصار الصار ....

ملاك : يعني قبل لا بابا يجي ويشوفنا بالحديقه عرفوا بيك تحبني..

هز راسه بأي...