دارت الدنيا لتدق طبول قلبي

49

دارت الدنيا لتدق طبول قلبي
جذبني فمك البني ٢
البارت التاسع والاربعون
الزمن عاندني وكسب مني الرهان اخذ مني العكل وانطاني الجنون .
خل ياخذ كلشي ويرجع اللي كان
خلي ينطيني كلب مثلج حنون
الجان لسه بداخلج ليه مكان
انه رسمج شايلة بهاي العيون ...

هجان.
ما اجت بالريش اجت بضلوعي
______________

فلاش باك( flash back)

دخلنا لشقة ايمن همه راحوا لغرفتهم واني ونرمان رحنا بالغرفة الثانية غيرنا ملابسنا ونمنا لان تعبانين ثنينا هي حملها جان مؤذي كلش واني ايدي تعبتني وراسي ثكل لهذا نمنا...

كعدنا العصر على صوت ايمن يصيح..

ايمن : وينكم بنات يلة كعدوا تغدوا ..

نرمان : هذا ايمن كاعد يصيح علينا..

ايفين : سمعته بس مابية اكوم راسي يموتني.

نرمان: تغدي ورجعي نامي.

ايفين :تمام هسه اجي وراج..

بثكل كامت وطلعت واني كمت وراها لبست شالي وطلعت لكيته فارش الأكل على الطبلة ويوزع بالملاعق رفع راسه شافنا ابتسم وكال.

ايمن : ادري نومة لو غيبوبة صارلكم كم ساعة نايمين..

نرمان : ساعتين بس..

ايمن : لا يابه ساعتين شنو صار اربع ساعات .

طلعت موبايلي وكمت اكتب الأشوفه ثكيل عليه والباقي احجيه اذا كدرت..

ايفين : تدري لوما نرمان تكعدني وتصر علية اجي جان ظليت نايمة راسي موتني..

ايمن : هاي شنو راح تكضوها نوم انه ناوي اعشيكم برة اليوم ونسهر وكذا..

ايفين : بهاي حالتي اطلع لاعيني روحوا انتوا..

نرمان : اني هم ابقى يمج مابية حيل اطلع..

ايمن : هو انه عليمن طالع غير اغيرلكم جو زوج الغربان..

نرمان : عوفنه ايمن كل وحدة حايرة بضيمها..

ايمن : شنعدكم من ضيم شو ماكلات شاربات نايمات.

ضي : حاسدهم على هاي عوفهم يرتاحون..

ايمن : اجتي التنبل ثالثتكم صح النوم بعد وكت..

ضي : هاي شنو حبيبي جايب غدة؟

ايمن : لا البنات سووا..

باوعت على الاكل وباوعت علينا مستغربة كالت..

ضي : هاي شنو شبسرعة تسوكت شبسرعة لحكوا يسوون شوف عيونهم مورمة من النعاس..

ايمن : انه جبته عيني اكعدي تغدي وسويلنا جاي لو انه اسوي ..

ضحكت ضي وكالت..

ضي : حبيبي عاشت ايدك عرفت انت جايبه وهسه اسويلك جاي تدلل..