دارت الدنيا لتدق طبول قلبي

43

#دارت الدنيا لتدق طبول قلبي

#جذبني فمك البني ٢

#البارت الثالث والأربعون..
مابك ؟

* الأزمات تميت القلوب ياصاحبي

نصيحة
عندما تصل مراعاة مشاعر الأخرين
الى ايذاء نفسك فعليك التوقف فوراً ...

ماذا فعلت بعد خيبتك الأولى !!!

لا شيء دخلت خيبتي الثانية بكامل ارادتي ..

هجان ...

____________________

ازاح قفل الباب الخارجي دخل وترك جنطة السفر من ايديه دنك ينزع حذائه واستقام متوجه بأتجاه الباب الداخلي ، فتح الباب لان ما مقفول كالعادة ودخل للبيت همست ضي..

ضي : ايمن لو مبلغيهم برجعتنا على الأقل عندهم خبر مو يتفاجئون بينه .

استمر بالمشي رافض الأصغاء لكلامها...

رجعت حجت...

ضي : ايمن عليك الله لاتحجي شي ولا تتدخل وهذه اختك والطفل معروف منو ابوه معليك بفهد لاتسمعله ايمن مو احجي وياك انت وين رايح..

التفت عليها خازرها كز على اسنانه وحجه بصوت ناصي..

ايمن : واذا تبره من الموضوع وكال هذا مو ابنه شنو نسوي بوكتها ياخانم.

ضي : قابل عندها علاقات قبله حتى يثبت الكلام عليها وبعدين هو هجان من هيج نوع شنو السالفة شبيكم تفكيركم يشطح كل شويه بمكان..

ايمن : لو مجرد شكوك عند فهد جان ماتخبل هيج يعرف ذاك نذل ومبيتلهم سالفة لعد يكوله وحدة بوحدة سويتها مثلما دكيتوا عرضي قبل سنين ادك عرضكم هسه ..

ضي : اذا سويتوا الكال عليه فهد ، لعد توقعوا من هجان يجرجركم بالمحاكم وهذا يعرف بالقوانين وكل دالغه بيها ومتأكدة راح يحارب نرمان حتى ياخذ الوصاية منها ويحرمها من ابنها..

ايمن : ماكو هيج شي هذا بوخة كلشي مايكدر يسوي..

ضي : ايمن تتذكر من مرة اقارب ابوك صارت وياه مشكلة وهجان طلعه منها جان خسر دفاتر بسببها ، بدالغة وحدة حل كلشي ، لا تنسه عنده عقل عبارة عن متاهة من التفكير بس عصيبته تخسره دائماً...

ايمن : وهسه انتِ جايه تمدحين بيه من الصبح وتحركين بدمي حتى اسمه ما اريد اسمعه ماشي.

ضي : ماشي بس لا تندفع اسمع اول ايمن لاتتهور.

التفت عليها خازرها كال..

ايمن : انه متهور شلون بله ؟

ضي : لا العفو ماكلت هيج كلت لا تتهور انت ماشفت نفسك شلون رجعتنا من السفر حتى ملابس مالحكت اخذ ويايه شلون مجان جبت.

ايمن : هسه انتِ همج الملابس والله بطرانه..

ضي : عفية شبيك ايمن !!