دارت الدنيا لتدق طبول قلبي

بارت 8

#دارت_الدنيا_لتدق_طبول_قلبي
#جذبني_فمك_البني_٢
#بقلم_عبير_ادريس
#البارت_الثامن..
نسوان متروسه السلف لاحكني ع الحبيتها..

اي كبران ماتعرفوني حقكم
تجاعيدي وسماري وشيبي منكم
والله اثنينا نفس المواليد
كبل لاشوفكم جنت بكبركم..

___________

دموعي نزلت من وحدهن اريد ابرر موقفي اريد احجي ما اكدر نظراته كلها تجرح اكثر من كلامه وملامته عليه نظرات تذبح ذبح..

حجيت بصوت يرجف  ..
ملاك : مو مثل ما متصور صدكني ..

تقرب وكف يم السنك بيني وبينه مسافه قليله كلش..

هجان : شنو متصور انه فهميني ؟

ملاك : عليك الله اهدأ انت ليش هيج عصبي والله العظيم اخاف احجي وانت هيج..

لم شفته لداخل حلكه ودار وجهه على جهة الشباك يتنفس بغضب مسح وجهه بردن القميص مالته والتفت عليه يعض بشفته الفوك بصوره سريعه تدل على عصبيته..

هجان : برري اسمع ..

ملاك : اول شي اكعد وارتاح يله احجي..

اخذ ماعون وشمره بالكاع خصر ايده وصاح بعلو صوته ..

هجان : مرتاح يله احجي.

سديت اذني وغمضت عيوني ، سمعت ماعون ثاني تفلش بالكاع اجه لزمني من كتفي ويهز بيه..

هجان : شبسرعه حبيتيه وارتاحيتيله هيج حضنه نساج تربيه صعب وحبه الج هيج كدر ينسيج لهفتي وخوفي عليج ..

فتحت عيني المليانه دموع قاطعت كلامه متوسله بيه..

ملاك: الله يخليك افهمني بس مره وحده بحياتك خليني اشرحلك بدون عصبيه وتهور منك دائما جنت تضيع لحظاتنه الحلوة بعصبيتك هاي..

هجان : اكللها مو عصبي تكلي لا عصبي..

حجاها وكام يشيل مواعين ويكسر بالكاع رحت لزمته من ايده اريد اجره مايحس بيه ما يحس احد لازمه ايده حاره نار حسيت الدم يغلي بجسمه من حرارته..

ملاك : لك عيني افهمني مو بس انت تعبان حتى اني والله تعبانه لاتزودها عليه..

التفتلي وعاط..

هجان : وين التعب وينه شو الوجه صاير احله من كبل وجوه عيونج مرتاحه لا ضايكه طعم السهر ولا ضيم العاشه صعب الك______ بالحبوس من وراج..

مسحت دموعي وكلتله..

ملاك : والله اني ما كلتلك روح اتخلى عني وصادق وحده واطلع وياها وتونس واني جنت اصارع الهم والقهر وحدي كلهم عليه واني بين الحياه والموت كضيتها مستشفيات وعلى المغذي وانت تفرفر ما هامك شي..

عكد حاجبه مخنزر تقرب عليه واني رجعت ليورة ..

هجان : لج ياهو الطالع ومتونس ويا بت الكلب المصادقها ليش انه عرفت وحده غيرج..

سديت اذني وعطت..