دارت الدنيا لتدق طبول قلبي

35

#دارت_الدنيا_لتدق_طبول_قلبي..

#جذبني_فمك_البني٢

#البارت_الخامس_والثلاثون..

راح اروح انت كلت
واني حيل تفاجأت.
وبوكتها عادي كتلك
بس حبيبي جذبت

كبالك انت كابرت
ومن رحت اني متت

الله ما وفقني انسى
وانت حيل توفقت

ذكريات هسه حبنا ذكريات

_______________

التفتت عليه بعد ما نهى الاتصال ، سألته.

سيلين : شنو بيها رجليك؟ وانت شبيك وضعك مو طبيعي ؟؟

التفت عليه مبتسم وشفايفه ترجف..

ادهم : اكو واحد يملك الدنيا ومابيها ويسألوه شبيك.

سيلين : لو ماعيب من الناس جان حظنتك من فرحتي..

مسح كصته واخذ راسي باسني ورجع عدل كعدته باوعلي متأمل ملامحي بأبتسامة ولهفة كال..

ادهم : مبروك ام اميراتي ..

ضحكت وكلتله..

سيلين : شو ام اميراتك؟

ادهم : اريد بنات مثلج ومثل مرايم..

سيلين : شنو ييجي من الله نعمة اني اتمنى يصير عندي ولد مثلك واسميه ادم..

ادهم : وانه اريد وتين..

مريم : واني اريد ثنين معليه .

ضحكنا والتفتنا عليها ، باوعتها غمزت لأبوها ، درت عيني على ادهم لكيته يغمزلها ..

سيلين : ها شنو بينكم اعترفوا يله.

ضحكوا ثنينهم ومريم كالت..

مريم : بابا افتن لو ترجعني للكوخ وحدي..

ادهم : ها تساوميني بابا.؟

مريم : والله المكان ضيق وجنت مرتاحة بمكاني يمكم تكسرت لاسرير لا خزانه ملابسي بالجنطة مو حاله هاي..

ادهم : جنت مأمن عليج لان بصفج بيت ضيغم هسه وين اخليج من راحوا...

سيلين : وانتِ شلون ما تخافين وحدج..

مريم : لعد رجعوني للشقة بابا والله مليت..

ادهم : حقج حبيبتي بس انه فهمتج اول ما اجينا تتذكرين كلتلج جيتنا علمود علاج سيلين وشفتي يابابا شلون تعالجت بسرعة ..

مريم : صحيح بس بابا انت كلت سيلين راح تتعالج وماريد أأثر عليج بسبب ردات فعلنا بس هسه صارت زينه وكاعد اشوفها مرتاحه وتضحك يعني تعالجت خلينا نرجع حباب..

سيلين : من رخصتك حبيبي تسمحلي اخذ قرار عنك وعني.

ادهم : اكيد تفضلي.