دارت الدنيا لتدق طبول قلبي

بارت 22

#دارت_الدنيا_لتدق_طبول_قلبي
#جذبني_فمك_البني٢
#البارت_الثاني_والعشرون..
#بقلم_عبير_أدريس
....................

شمشتاگلك يابو العيون المايطَيحن كحله
مخليني مثل الظل عدل وحده ويموتون اهله
هسه انتَ ما رايد تجي خليني اچذب ع الخلگ
مو ياهو ليسألك علي وتگله ماارجعله
شسويت بيه بفرگتك ؟
يميزوني گمت من الوجع دمعة يتيم بحفله
عندك علاقه ويا الدوه ؟
تكرهني وموصي علي
جربته كله بغيبتك والعله نفس العله
غرگان وانه بغرفتي والماي ماطخ ثوبي
مااختلف ع البالجرف
بس هو مخنوگ بنهر وانا بصور محبوبي
من چنت اجرحك تقترب معجب چنت بأسلوبي
واني ادري ليش تغيرت
جامد وماانحب صرت من صلحيت عيوبي
__________________

(بين احضان الذكريات)

بغداد ( بيت الأدهم )

سيلين

اول ما كعدت مديت ايدي على الموبايل اخذته واتصلت على ادهم ، شويه وجاوبني صوته مال واحد يريد ينام..

ادهم : حبيبتي صباحج عسل..

سيلين : صباح الخير والعافية كعدتك ؟

ادهم : لالا غمضت اريد انام بس زين سويتي اتصلتي حتى يكون صوتج اخر شي اسمعه..

سيلين : فدوة حبيبي شلونك بدوني؟

ادهم : موزين احسب الايام حتى تجيني.

سيلين : شكد بعد واجي؟

تنهد جر نفس وكال..

ادهم : ماظل شي تحملي شويه..

سيلين : اهوووو يا حبيبي يعني لازم انتظر بعد..

ضحك ..

سيلين : ليش تضحك تره ضجت كلش.

ادهم : ياعمري انتِ لو تعرفين شكد متعلق بيج وبمزاجيتج المجنونة جان ظليتي طول عمرج تتذمرين عليه ..

سيلين : هاا بلشنا ادهم..

ادهم : لا ياروحي بس انتِ كل دقيقة بحال وانه احبج بكل حالاتج ..

سيلين : ممم اصبغ بيه اصبغ المهم فهمني شلون يخلص الوكت مليت تدري اغلب وقتي نايمة..

ادهم : غلط يابويه غلط ، يعني انه رحت  اسوي مستقبل النا حتى ترتاحين مو تمرضين نفسج ، صيري قوية وعينج على مرايم غير انه مأمنها يمج مو هيج لو اختلفت السالفة..

سيلين : يومي ما كاعد يمشي بدونك والله..

ادهم : سيلينه صبري شويه و امانه الله اي علاج ماعندي علم بيه ممنوع تاخذيه تره حرام عليج تأذين نفسج واذا سمعت ازعل .

سيلين : لا ما اخذ.

ادهم : سيلينه اكيد.

سيلين : مممم.

ادهم : كولي اي مو ممم حتى اتأكد تسمعين كلامي.

سيلين : اي اي..