My Heart Belongs To A Soldier_Completed [ Z&U ]

MHBTAS (60)

Part (60) U

အချိန်တွေက အကုန်မြန်လွန်းလှသည်။
ဒီနှစ်တွေအတွင်း အပြောင်းအလဲတွေလည်း များသည်ဆိုရမည်။

အကိုဟောက်ရွှမ်းနှင့် အကိုကျိရန်က သမီးလေးမွေးပြီး အကိုယွီပင်းနှင့်ဖန်ရှင်းတို့က သားလေးမွေးလေသည်။
အကိုဟိုက်ခွမ်းနှင့် အကိုစန်ကျင်းတို့လည်း အကျဥ်းရုံးလက်ထပ်ပြီး HoneyMoon ကပြန်မရောက်ကြသေး။

ကိုကိုက ဗိုလ်ကြီးကနေဗိုလ်မှူးအ​ဖြစ် တစ်ဆင့်တိုးသွားပေမယ့် ပြောင်းမိန့်က ယခင်တပ်သာပြန်ကျသည်မို့ အခြေအနေမပျက်နေလာခဲ့သည်မှာ စောအော်လေးပင် မူကြိုတက်နေရပြီ။

ဖိုးဖိုးက ကျန်းမာရေးအရ အနားယူပြီး အရေးကြီးကိစ္စလောက်သာ ဆုံးဖြတ်တော့သည်။ ဖေကြီးက အငြိမ်းစားယူကာ ဖိုးဖိုးလုပ်ငန်းတွေကို ​လေ့လာရင်းဦးဆောင်နေသည်။ မေကြီးကတော့ ဖိုးဖိုးကိုပြုစုရင်း စာရင်းပိုင်းတွေ ကူပေးနေသည်။

ယုံကြည်စိတ်ချရသူ လူယုံတွေရှိနေ၍ တော်တော့သည်။

ဝမ်ဝမ်ကတော့ သားသားကို ပြုစုဖို့ ကလေးသူငယ်စောင့်ရှောက်နည်းတွေ လေ့လာသင်ယူရင်း လူမှုဝန်ထမ်းကဖွင့်သည့် လက်မှတ်ရ မူကြိုသင်တန်းဆရာလေး ဖြစ်နေပြီ။

အားလပ်ချိန်တွေမှာ ကလေးသူငယ်ပြုစုစောင့်ရှောက်ရေး၊ ကျန်းမာရေးဆိုင်ရာအလေ့အထများနှင့် အာဟာရဖြစ်စေမည့် အစားအသောက်များကို Little Leo ဟူသော ကိုယ်ပိုင် page လေးမှာ ရေးသားမျှဝေတတ်သလို V log လေးတွေ ရိုက်တင်တတ်သည်။

ကိုယ်ပိုင်အတွေ့အကြုံလည်းရှိ၊ ရှင်းလင်း​သေသပ်စွာ တင်ပြနိုင်စွမ်းရှိတော့ အတော်လေး လူသိများလာခဲ့ပြီ။ Page လေးမှာ ကြော်ငြာတွေတင်ပေးဖို့ online မှ ကမ်းလှမ်းမှုများ ရှိခဲ့ပြီဖြစ်သည်။

ဒီနေ့လည်း ရေးလက်စ ဆောင်းပါးလေး လတ်စသတ်မည်ရှိသေး၊ ကိုကိုတို့သားအဖက တိမ်သွားကြည့်မည်ဆိုသဖြင့် ကမန်းကတမ်းလိုက်ရပြန်သည်။

မြေဓါတ်လေဓါတ်ရပြီး ကျန်းမာကြံ့ခိုင်စေရန်ဆိုသည့် ကိုကို့အစီအစဥ်အရ  ရုံးပိတ်ရက်မနက်ခင်းနှင့် ညနေစောင်းတွေမှာ သားအဖနှစ်ယောက်သား လမ်းလျှောက်ထွက်ကြပြီ။