firefly

18

[Unicode]

'နာယာ'

ကျောက်သားပေါ်မှာသေသေသပ်သပ်ထွင်းထုထားတဲ့စာလုံးလေးက မီးခိုးမှိုင်းတွေနှင့်ဖုံးလွှမ်းနေကာ သေချာမမြင်နိုင်လောက်အောင်ဖြစ်နေ၏

ထိုစာလုံးရဲ့အနောက်ဘက်ခပ်လှမ်းလှမ်းမှာတော့ စုရုံးကာငိုကြွေးနေကြတဲ့ လူတွေကဟိုတစ်စုဒီတစ်စု ...ဒီနေရာမှာတကယ်ပဲမီးပင်လယ်ကြီးဝေသွားခဲ့တယ်ဆိုတာမယုံနိုင်စရာမရှိ....မနေ့တစ်နေ့ကလေးတင် ပြားပန်းခတ်စည်ကားနေခဲ့တဲ့နေရာလေးက ချက်ချင်းတစ်စပြင်ပမာပြောင်းလဲသွားတာကြောင့် renjun့လက်ဖျားများအေးစက်လာကာ အနည်းငယ်တုန်ယင်နေသည်

ဆုပ်ကိုင်ခံထားရဲ့လက်ကလေးတင်းသွားတာကြောင့်ဘေးနားကကောင်လေးဆီမော့ကြည့်မိတော့ စူးရှတဲ့မျက်ဝန်းတစ်စုံနဲ့ဆုံသည် အမြဲတမ်းတဖျက်ဖျက်လက်နေခဲ့သော မျက်ဝန်းတွေကအခုအချိန်မှာတော့ နီရဲနေပြီး အနည်းငယ်ထိတ်လန့်တုန်လှုပ်နေသယောင်

Renjunအားနေတဲ့လက်တစ်ဖက်နှင့် ဆုပ်ကိုင်ထားသောလက်လေးအားဖွဖွပုတ်ပေးလိုက်ကာ

"အဆင်ပြေလောက်မှာပါ "

Renjun jaeminကိုနှစ်သိမ့်ပြီးတာနဲ့ jaeminလက်ထဲကလက်ကိုဆွဲထုတ်ပြီး တံတားတစ်ဖက်ကအိမ်လေးရှိရာဆီအားတင်းပြီးလျှောက်ခဲ့သည်

ကူကယ်ရာမဲ့နေတဲ့မျက်ဝန်းတွေက renjun့ကိုယ်ပေါ်တစ်လမ်းလုံးကပ်ပါလာ၏
သူတို့ငါ့ကိုမုန်းနေကြမှာပဲ!

Renjunအိမ်ရှေ့ခြံဝန်းထဲကိုခြေချလိုက်တာကိုမြင်သည်နှင့် ဒေါ်ဒေါ်နဲ့Chenleကအိမ်ထဲကနေအပြေးကလေးထွက်လာ၏

"Renjun!"

"ကော! "

"ဒေါ်ဒေါ်တို့အားလုံးအန္တရာယ်ကင်းကြရဲ့လား?"

"ဒေါ်ဒေါ်တို့ကတော့အန္တရာယ်ကင်းပါတယ်ကွယ်! ဒါပေမဲ့ ခေါင်းရင်းအိမ်က၂နှစ်ကလေးလေးမီးတောထဲမှာပိတ်မိသွားတယ် "

နွမ်းလျနေတဲ့ဒေါ်ဒေါ်ရဲ့စကားကြောင့်renjunကိုယ်တိုင်လည်း နာကျင်လာရသည်

၂နှစ်အရွယ်ကလေးတဲ့!

လူမမယ်ကလေးလေးက ဘာလို့များဒီလိုအဖြစ်ဆိုးမျိုးနဲ့ကြုံခဲ့ရပါလိမ့် ....