CW: language, abortion, domestic violence
***
Chapter 48
"May girlfriend ba si Dr. Piernavieja?"
Nag-angat ako ng tingin kay Sheki na nasa harapan ko. Kumakain kami ng lunch sa cafeteria kasama ang ibang interns. Mukhang pare-pareho kaming may kaunting break at marami kaming naro'n.
"Sino?" Kuryosong tanong ng ibang interns mula sa kabilang department.
Suminghap ako at inabot ang malamig na tubig sa gilid ng aking plato. Naka-angat ang kilay na nilingon ako ni Heart. May kagat-kagat siyang hita ng manok. Pinagtaasan ko rin siya ng kilay at nginusuan.
"Si Dr. Piernvaieja. Iyong isa sa senior resident ng general surgery? Iyong maputi na matangkad. Iyong mukhang masungit na gwapo? Hindi niyo kilala?" Si Sheki.
"Ah..." napa-isip saglit iyong isang intern, "ah, oo! I know him. He visited our current department once. Iyong kaibigan ni Doc Zayd."
"Yes, yes. Iyong pogi! May girlfriend?"
"Walang girlfriend 'yon. No'ng nakaraang araw lang, pinag-uusapan siya ng mga nurse. Single raw."
Tiningnan ko ang nagsabi no'n. Marahan kong binaba ang baso ng tubig habang nakikinig sa usapan nila. Bakit ba ang hilig mapag-usapan ni Malik ng mga interns? Lalo na itong mga kasama ko. Is he that interesting? I pouted at the thought.
"Nakita ko siyang may kasama no'ng nakaraang araw. Sa basement! He's with a girl, I'm not assuming things, but they look intimate or something."
Napatitig ako kay Sheki. She looks so sure of what she is saying. Halos hindi ko ma-tuloy tuloy ang pagkain dahil sa usapan.
These past weeks, nakikisabay ako kay Malik sa pag-uwi. Nagtataka si Heart pero hindi niya naman ako tinatanong at sa klase ng tingin niya sa akin ngayon, parang may namumuong ideya na sa utak niya.
"Ano ngayon kung may girlfriend?" Puna ng isang lalaking intern.
"Sa true lang," segunda ni Heart na abala sa pagnguya. "Hindi naman imposibleng magka-girlfriend si Doc."
"Sayang lang!" Ngumuso si Sheki. "Crush ko pa naman si Doc."
"Ako rin!" Humagikhik si Ellie.
"Ako rin," ngumisi iyong isang intern at nagtaas ng kamay.
May tatlo pang nagtaas ng kamay. Sobrang init ng mukha ko habang pinapanood sila. May kaunti akong nerbyos na naramdaman. Ang dami naman nilang may crush kay Malik!
"Ikaw, Heart? Imposibleng 'di mo crush si Doc?"
"Pass, ayoko sa mga nasa general surgery. Sa mga nasa ob-gyn ako." Nagkibit ng balikat si Heart.
Kaswal kong inangat ang kamay para tingnan ang oras sa wristwatch. Tumikhim ako at tumayo. Napalingon ang iba sa akin.
"Kailangan ko nang bumalik, baka marami nang nakapila, e." Ngumiti ako sa kanila.
Pinandilatan ako ng ni Heart. Nginiwian ko siya. May oras pa naman ako pero ayaw kong magtagal do'n. Nakaka-kaba naman kasi ang usapan nila. Sa lahat ng pwedeng pag-usapan, bakit si Malik pa?
"Ako rin! Baka mapagalitan na naman ako," si Heart at mabilis na tumayo pagkatapos laklakin ang tubig niya.
"Bye! Sabay tayo mamaya, Heart!" Si Ellie.
Tumango si Heart at mabilis na sumunod sa akin. Ang bilis ng lakad ko palabas ng cafeteria. Napabuga ako ng hangin nang naabutan niya ako at tinapunan ng nang-aakusang tingin.
