တစ်နေ့မှာ....
အလိမ္မာက ပိုင်ပိုင့်ကို ဆုံးရှုံးလိုက်ရမှာ။ မိန်းကလေးတစ်ယောက်ဆီကို အပိုင်ပေးလိုက်ရမှာ။ ဘာမှ မဆိုင်တဲ့ နေ့ဆိုတာ သေချာပေါက် ရှိလာမှာ။
အဲ့ဒီနေ့မတိုင်ခင်ထိပေါ့....
အလိမ္မာက သူ့ကို ဂရုစိုက်ပေးနိုင်သလောက် ဂရုစိုက်ပေးမယ်။ စောင့်ရှောက်ပေးခွင့်ရှိသလောက်ထိ စောင့်ရှောက်ပေးမယ်။
ဒီလိုနဲ့... တစ်နေ့မှာ... သူချစ်တဲ့သူလက်ထဲ... သူ့ကို အမြဲဂရုစိုက်ပေးမယ့်သူလက်ထဲကို အလိမ္မာ ထည့်ပေးလိုက်မယ်။
အဲ့ဒီနေ့မတိုင်ခင်ထိပဲ... အဲ့ဒီနေ့ မရောက်ခင်ထိလေးပါပဲ...
အလိမ္မာသူ့ကို လိုအပ်သမျှ ဖြည့်ဆည်းပေးမယ်။
.
.
.
" ဟဲ့ဟဲ့.... ၉တန်း A က မင်းသက်မှူးပိုင်တို့ မောင်နှမနှစ်ယောက်ကို သိတယ်မလာတယ်မလား... "
" အလိမ္မာခင်တို့လား.... "
" အေးလေ... "
" သူတို့က ဘာမှ မတော်ဘူးတဲ့ သိလား.... "
" ဟုတ်လား.... အရင်းမဟုတ်ဘူးလို့တော့ သိပေမယ့် ဝမ်းကွဲလောက်ပဲ ထင်နေတာ "
" ဘာမှ မတော်ဘူးတဲ့.... ငါတို့ဘေးအိမ်က အန်တီကြီးက Forever Land ရဲ့ အလုပ်သမားလေ.... သူက ပြောတာ "
" ဟုတ်လား.... "
မိန်းကလေး အိမ်သာခန်းတွေက ဘာလို့ အတင်းပြောစရာ နေရာ ဖြစ်နေတာလဲ။ စိတ်ပျက်စရာ။
နောက်ပြီး အလိမ္မာ ရောက်နေတဲ့ အချိန်မှာမှ... အလိမ္မာ့အကြောင်း အတင်းပြောနေတဲ့လူတွေနဲ့ ဆုံရတာ.... စိတ်ပျက်စရာကောင်းလွန်းတဲ့ တိုက်ဆိုင်မှုပေါ့.
" အဲ့ဒါကိုဟယ်... သူ့က မင်းသက်မှူးပိုင်ဘေးမှာဆို အပိုင်စီးထားတဲ့ ရုပ်နဲ့... အမြဲ အေးတိအေးစက်ကြီး... "
" တစ်နေ့ကျရင် သူက အပိုင်သိမ်းမှာ နေမှာပေါ့... ဟား... ဟား "
" မထင်နဲ့.... မင်းသက်မှူးပိုင်ကဖြင့် သူ့ကို ဟောက်လိုက်တာမှ လွန်ရောပဲ.... "
" ဟုတ်တယ်.... ဟုတ်တယ်.... မင်းသက်မှူးပိုင်က အလိမ္မာ့ဆို တအားနိုင်စားတာ... ငါမြင်ဖူးတယ် "
YOU ARE READING
Forever Home
RomanceZawGyi code is below. Home is not a place. It's just a person. Disclaimer: I'm big fan of Mikasa Ackerman from Attack on Titan and Alainmar Khin's character was inspired by her. If my character and story annoy you, I'm really sorry. It's my bad.
