" အဖွားကြီးက ခြေလှမ်းသွက်တယ်... ငါတို့က စမလို့ရှိသေးတယ်... သူက ကလေးကို သူ့အပိုင်လုပ်ပစ်လိုက်ပြီ "
" စိတ်မပူပါနဲ့။ ငါတို့ကလေးကို ရအောင် ပြန်ခေါ်မှာ "
" အဲ့လောက်မလွယ်ဘူးလေ.... နန်း။ အဲ့ဒီကလေးနဲ့ လက်ထပ်ထားတာ... စွန်ပစ်ခံ ပင်မမိသားစုရဲ့ မျိုးဆက်"
" အဲ့ဒါကြောင့်.... ပိုပြီး ပြန်ခေါ်ချင်တာပေါ့။ စော်ဘွားကြီးဆီကနေ အမိန့်ရခဲ့တယ်။ အရံမိသားစုရဲ့ ကလေးနဲ့ ပင်မမိသားစုရဲ့ မျိုးဆက်ကို ခွဲမှ ဖြစ်မှာလေ.... "
" ငါသိပါတယ်... အရံမိသားစုဟာ ပင်မမိသားစုကို အလုပ်ကျွေးပြုရတယ်။ ဒါပေမယ့် သွေးနှောခွင့်မရှိတာကို.... ဟိုအဖွားကြီးက အမြန်စီစဉ်လိုက်တာမို့ ငါတို့မတားလိုက်နိုင်ဘူး။ ဖြစ်ပြီးသွားတဲ့ကိစ္စတွေကိုတော့ ပြန်မဖျက်ဆီးသင့်ဘူး ထင်တယ် "
" မဟုတ်ဘူး။ အခုအချိန်ဟာ... ကလေးတွေကို ခွဲဖို့နဲ့ နန်းအလိမ္မာခင်ကို ငါတို့မိသားစုဆီ ပြန်ခေါ်ဖို့ အကောင်းဆုံးအချိန်ပဲ... "
ပြောရင်းနဲ့ နန်းဆိုသည့် အမျိုးသမီးသည် သက်ပြင်းရှည်ကြီး ချသည်။
" ဟို သစ္စာဖောက်ကောင်သာ မပုန်ကန်ခဲ့ရင် အခုလို ကိစ္စတွေ ဖြစ်လာမှာမဟုတ်ဘူး "
" စောလုံလား.... သူက အရှင်မ နန်းသက်နှင်းစံကို ချစ်မိပြီး ချစ်လူမိုက်ကြီးလုပ်ခဲ့တာလေ... "
" တိတ်စမ်း... ဘယ်လိုလူက ကိုယ်ချစ်တဲ့လူကို ပြန်သတ်လို့လဲ။ အဲ့ဒါ အချစ်မှ မဟုတ်တာ။ ပိုင်ဆိုင်ချင်တာ... အခု ငါတို့ပြန်လာတာ လွန်ခဲ့တဲ့ ၁၀နှစ်လောက်က ကိစ္စတွေကို အပြီးသတ်ဖို့ပဲ "
" သတင်းတွေအရတော့.... အရှင်မရဲ့ သားနှစ်ယောက်က အရှင်မလိုပဲ ခေါင်းမာကြတယ်တဲ့။ အငယ်က ပိုပြီး ဆိုးတယ်တဲ့ "
" မတတ်နိုင်ဘူးပေါ့.... ငါတို့က လုပ်သင့်တာ မှန်သမျှ အကုန်လုပ်ရမှာပဲ "
" စော်ဘွားကြီး အမျက်ပြေဖို့ပဲ မျှော်လင့်တယ်။ တကယ်ဆို နန်းအလိမ္မာခင်ကို ပြန်ခေါ်ဖို့ထက် အရှင်မရဲ့ ကလေးနှစ်ယောက်ကို အရေးတကြီး ပြန်ခေါ်သင့်တယ်။ အမွေဆက်ခံသူ အခုထိမရှိသေးဘူးမလား... "
YOU ARE READING
Forever Home
RomanceZawGyi code is below. Home is not a place. It's just a person. Disclaimer: I'm big fan of Mikasa Ackerman from Attack on Titan and Alainmar Khin's character was inspired by her. If my character and story annoy you, I'm really sorry. It's my bad.