" နင်ဝင်မပါနဲ့.... အလိမ္မာ.... "
လူတွေများစွာကြားမှာ အော်ခံလိုက်ရလည်း အလိမ္မာက ဂရုစိုက်မည်မဟုတ်ပါ။ အန္တရာယ်တောထဲ သူ့ကိုတိုးမဝင်ချေင်ဘူးဆိုပေမယ့် သူမကတော့ သူ့ကိုကာကွယ်မယ်ဆိုပြီး ဇွတ်တရွတ် သူ့ရှေ့က ရပ်နေမှာ သေချာသည်။ အလိမ္မာက ကိုယ့်ကိုယ်ကို ကာကွယ်နိုင်လောက်အောင် သန်မာတယ်ဆိုပေမယ့်လည်း မင်းသက်မှူး သူမကို ပွဲမထုတ်ချင်ပါ။ ကာရံမသင့်ရင် ထိခိုက်ဒဏ်ရာလည်း ရချင်ရသွားနိုင်တာပဲ။ စီစဉ်ထားသလိုတွေ မဖြစ်လာတဲ့အခါ... ရဲတွေ ဥပဒေရေးရာတွေနဲ့တောင် ပတ်သတ်လာနိုင်သည်။ အလိမ္မာ့ကို ဒီပြသနာတွေကနေ ဝေးဝေးပဲ နေစေချင်သည်။
" ပိုင်ပိုင်က ငါမပါပဲ ဘယ်လိုလုပ်ချင်လို့လဲ.... ပိုင်ပိုင်တို့ချည်းပဲ အဆင်မပြေဘူးလေ.... သူတို့ လုံခြုံရေးအကာကွယ်ထဲ ဝင်ဖို့ဆို နင်... ငါ့ကို လိုမှာ.... သူတို့ အရောင်းဝယ်လုပ်မယ့်နေရာကို ဝင်နိုင်မယ့်သူက ငါတစ်ယာက်ပဲ ဖြစ်လိမ့်မယ် "
" မရဘူး အလိမ္မာ။ နင်ဘယ်လောက်အသုံးဝင်ဝင် ငါနင့်ကို မလိုဘူး ပြောထားတယ်မလား.... "
မြေအောက်ခန်းမှာ သူတို့အငြင်းပွားနေကြသည်။ မနက်ဖြန် ၁၁ရက်နေ့အတွက် Black Angel ကိုတိုက်ခိုက်မည်ဆိုသော အစီစဉ်က အခုထိ ပြီးပြည့်စုံမနေပဲ စိတ်တိုင်းမကျ ဖြစ်နေကြသေးသည်။ အလိမ္မာ ကူညီမယ်ဆို အစီစဉ်က ပိုပြီး လွယ်ကူသွားမှာ ဆိုပေမယ့် မင်းသက်မှူး သူမကို နည်းနည်းလေးမှ ဝင်အပါမခံပဲ ဖြစ်နေသည်။
" ငါ့ကို ဖုန်းပြန်ပေးနိုင်မလား။ နောက်ပြီး laptop တစ်လုံး ပေးသုံးပါလား.... "
အခန်းထောင့်မှာ ငြိမ်သက်စွာ ထိုင်နေသည့် ဝဏ္ဏထွန်းက ထပြောလိုက်တော့ အကုန်သူ့ဘက် လှည့်ကြည့်ကြသည်။
" ငါ့ကိုယုံပါ.... ငါ မင်းတို့ကို ကူညီဖို့ ကြိုးစားနေတာ "
ဝဏ္ဏထွန်း ဒီကို ရောက်လာတာ ၁ပတ်လောက် ကြာနေပြီ ဖြစ်ပြီး နေရောင်မမြင်ရတာလည်း ကြာနေပြီ။ မြေအောက်ခန်းထဲ အမြဲပိတ်ထားခံရတာမို့ သူ့အသားအရောင်က ဖြူဖျော့ အားနည်းနေသည်။ မျက်လုံးများကတော့ လေးနက်စွာဖြင့် မင်းသက်မှူးကို လှမ်းကြည့်နေသည်။
YOU ARE READING
Forever Home
RomanceZawGyi code is below. Home is not a place. It's just a person. Disclaimer: I'm big fan of Mikasa Ackerman from Attack on Titan and Alainmar Khin's character was inspired by her. If my character and story annoy you, I'm really sorry. It's my bad.
