တိတ်ဆိတ်ခြောက်ကပ်နေတာပဲ... ပျင်းစရာကောင်းသည်။ ဒီမြို့ရဲ့ ဒီလိုအချိန်ရာသီဥတုက အလှဆုံး နေလို့အကောင်းဆုံးလို့ လူတွေ ပြောကြသည်။ သို့သော် သိင်္ဂီကတော့ မကြိုက်ပါ။ နှင်းတွေစိုနေတာကိုလည်း မကြိုက်ပါ။ လေထုကစ အေးမြလာတာ... တိမ်တွေစင်နေပြီး နေရောင်ခြည်က နွေးထွေးနေတာ... ဆောင်းဦးပန်းတွေ ပွင့်လာတာ... အဲ့ဒီလိုမျိုး လှပခြင်းတွေကတောင် သိင်္ဂီ့ကို မပျော်ရွှင်စေပဲ ဖြစ်နေသည်။ ကျောင်းမြန်မြန်ဖွင့်ပြီး အိမ်ကနေ... ဒီမြို့ကလေးကနေ ထွင်သွားချင်နေပြီ။ဘာလို့ပါလိမ့်....
သိင်္ဂီက ဘယ်သူမှန်းမသိတဲ့ တစ်စုံတစ်ယောက်ကို လွမ်းဆွတ်နေမိတာ။
November." အယ်.... ဟိုလူကြီး.... "
သိင်္ဂီအခန်းထဲက အခန်းပြင်မထွက်ပဲ အိမ်ပေါ်ထပ်သူမအခန်းပြတင်းပေါက်လေးကနေ အဝေးကို ငေးနေခဲ့တာ ဖြစ်ပါသည်။ အခုရက်ပိုင်း သူငယ်ချင်းတွေနဲ့လည်း မတွေ့ဖြစ်ပဲ ရှိနေကြသည်။ အလိမ္မာကတော့ ထားပါတော့။ သူ့အကိုတစ်ယောက်လုံး အိမ်ကနေထွက်သွားတာက နဂိုတိတ်ဆိတ်လွန်းသော ကောင်မလေးကို ပိုတိတ်ဆိတ်အေးစက်သွားစေတာ သိင်္ဂီနားလည်ပေးနိုင်သည်။ မေဇွန်ကပါ... သူ့ရည်းစားပျောက်သွားတာကို အသည်းကွဲနေသလိုမျိုး အိမ်တွင်းပုန်းကာ သူမကို ပစ်ထားတော့သည်။
" အဲ့ကောင် နင့်ကို ဘာမှ ပြောမသွားဘူးလား... နှုတ်ဆက်မသွားဘူးလား။ ဘယ်သွားမယ် ဘာညာ ဘာမှ မပြောသွားဘူးလား... "
သိင်္ဂီက သူမတို့အိမ်ထိ အလည်သွားကာ မေးတော့ မေဇွန်က မတုန်မလှုပ်နဲ့...
" ဘယ်သွားမယ်လို့ မပြောခဲ့ပေမယ့်... နှုတ်ဆက်တော့သွားတယ် ထင်ပါတယ် "
" ဟမ့်.... နင့်အဖြေကလည်း ဘာကြီးလဲ... "
" သူ ငါ့ကို နှုတ်ဆက်သွားပြီးသားပါ... "
" ဟုတ်လား... မသွားခင်ညကလား... "
မေဇွန်က မဖြေပဲ အိပ်ယာထဲပဲ ခွေနေတာနဲ့ သိင်္ဂီအိမ်ပြန်လာခဲ့ရပါသည်။ ကျက်သတုံး တစ်ကောင်ကြောင့် သိင်္ဂီ ကျောင်းပိတ်ရက်မှာ တော်တော်ကြီးကို ခြောက်ကပ်အထီးကျန်နေလှပြီ။ အခုလို ကိုမင်းထက်မြတ်နိုင် ပြန်လာတာ မြင်လိုက်ရတော့ စိတ်ထဲမှာ လှိုက်ကနဲ့ကို ပျော်ရွှင်မိသွားတော့သည်။ အိမ်ပေါ်ထပ်က ပြေးဆင်းလာခဲ့ပြီး အောက်ရောက်တော့ ဘုန်းပြည့်လျှံနှင့် တွေ့သည်။
YOU ARE READING
Forever Home
RomanceZawGyi code is below. Home is not a place. It's just a person. Disclaimer: I'm big fan of Mikasa Ackerman from Attack on Titan and Alainmar Khin's character was inspired by her. If my character and story annoy you, I'm really sorry. It's my bad.