#أنياب _الحياة
للكاتبه // ميس الربيعي
البارت / السادس والعشرون
___________________________
ماتسون واحد يتعبلكم !؟
ولا جن بالشدايد واكفلكم ؛
طحت عفتوني وحدي ،
وكلكم صرتوا ضدي ،
وانا بأصعب ظرف مافاركتكم .
ماتسوون كل التعب التعبته ..
من مال الحمل عندكم عدلته ،
اخوكم وانتوا اخوتي ،
وبلوتكم بلوتي ..
ليش المال بدل كل طبعكم ؟
ماتسوون !
اسكت ما آعاتب !
واصبر الروح واصبر على المصايب ..
منكم كاطع الياس تمشون بحجي الناس ،
الظيم المر علي بي غربلتكم .
ما تسوون واحد يتعبلكم ؟
للشاعر الراحل / سمير صبيح
بعد مرور سنه ،،، 2020 ،،،
انصابيب اني وبنات سحر بكورونا وحالتي تازمت وفقدت الشهيه والصخونه مافاركتني ومااكدر اكوم من الفراش وسحر تصيح تكلي كومي اشتغلي مابيج شي . تبجي على بناتها وخايفه عليهن واني تكلي مابيج شي لتتنعوصين .. استمر الاحداث نفس الوضع ونفس المشاكل الى ان عديت المرض وكمت على حيلي .
اما مسعود حاول اكثر من مره يتواصل ويايه ويرجعلي واقترح عليه يزوجني ببغداد وتبقى زوجته بأربيل بس اني ماقبلت . سحر بقت شاده ويايه وكل انواع المشاكل تسببلي مرات جنت افكر انهزم واخلص بس وين اروح ومرات افكر اوافق بكلام مسعود وانهزم يمه ونزوج واخليهم امام الامر الواقع ...
مرت الايام كاعده العصر ابجي وضايجه بسبب مشاكلهم وتأمرهم عليه خابرني مسعود . جاوبته
ريم :- نعم مسعود شتريد
مسعود :- ريم اني مااتحمل بعد قررت اطلك مااكدر اتحملها ولااطيقها لتكولين انتي السبب اني مااتحمل غير اطباع عني ولااكدر احبها اريد اطلك واجي اتقدملج .
ريم :- براحتك سوي يعجبك اني بعد مااتحمل دقيقه بهذا البيت واصله مرحله اريد انتحر .
مسعود :- لا ريم والله اريدج مستحيل افكر نفسي ويه غيرج هي راحت زعلانه عند اهلها واني اليوم ادزلها خبر ننفصل .
سديت التلفون وكمت غسلت وجهي مااعندي اي امل وتفاؤل بعد .
مرت يومين ومسعود ممتواصل ويايه الى ان اني راسلته .والصدمه جانت دزلي تحاليل مرته حامل صيحت ولطمت على حظي وكتله بعد ماريد اشوف منك شي اني ادري بنفسي موتي واندفن هنا . بقى يقنع بيه هو مهامه الحمل ويريدني بس اني نهيت كلشي ورحت . بقيت يوم كامل بس ابجي ومنقهره على حظي معقوله راح يصير عنده ابن واني هذا حالي جان المفروض هذا الابن يكون مني مو منها ...
بقينه اسبوع ممتواصلين الى ان اجاني مسج منه ويكلي الله بين الحقيقه طلع حمل كاذب وهي مفبركته حتى تخليني اتعلق بيها وراح يبدي معاملة الطلاق ومقرر ويه اهله يجونه يخطبوني .اني طرت من الفرح وممصدكه معقوله اصير اله بس اكيد مراح يوافقون ماقبلت يجون الى ان يطلك رسمي .
أنت تقرأ
أنياب الحياة
Bí ẩn / Giật gânبنت تكتشف حياتها ليست لها وكل من حولها ذئاب ينتظرون الفرصه حتى يفترسوها.. .ففترستها الحياة بأنيابها 💔
