أنياب الحياة

البارت السادس

#أنيــاب_الحيـــاة
**بـقلـــم : ميـــــس الـربيــعي**
البارت السادس :-

الأمل كل إنسان يعيش في هذه الحياة يصل إلى مرحلة تصبح طاقته فيها شيئاً لا يذكر، ولا يستطيع عندها العيش، ولا التعايش، ولكن يكون في داخله شيء ما يدفعه للمواصلة، والتفكير بأنّ غداً أجمل بإذن الله، وهذا الدافع هو الأمل، هو خيط التفاؤل الصغير الذي يحيي الإنسان في كلّ مرة ينام فيها، ليشجعه ليرى الضوء في اليوم التالي، فحتى لو قست الحياة علينا بجميع أشكالها، فلا بدّ لنا أن نأخذ الأمل من أصغر الأشياء حولنا، حتّى لو كانت تفتح وردة صغيرة في سفح جبل، عندها لا نسمح لليأس بالتملك منا..

—  انصدمنه ابــاوع لفــرح وفرح صافنه على امهـا. وهي مخليه رجـل على رجل وتهز بيهن. لحد ما صاحت سماره
– خطوبه منو ..!؟
سمـير : خطوبه فرح ابن عمج سرمد خطبج مني واني وافقت
فــرح : بابا شنو وافقت مو متفقين اكمل دراسه ، ماريد ازوج .
– مو بكيفج دراستج تكمليه يمه اني كتلها ووافق .
— بابا اني ماريده ولااريد ازوج هسه .
– مو بكيفج. الخير كله عـدهم عمج سامي جان مدير الاستخبارت
منو يكــدر يرفضله كلمه وابنه هسه بوزاره الدفاع وخير من الله وين تلكين احسن منه .
سحــر : هاهيه عيني شكو متعب نفســك وتسمعلها كتلك موافقه كله باجر يـجي حتى نحجي بـأمور الخطبه .

ريــم :-
فرح خطيه انقهرت عليها شلون يزوجوها لشخص متريده . واني شلون اعيش بدونها شراح يسون بيه . صعدت للغرفه تركض وتبجي ، داروح وراها انتبه بابا على ايدي صاحني.
سمير : ريم هاي شنو ايدج شبيها.
سحــر : انجوت بالطباخ من ديصبون غده.
سمير : هي هاي مال جويه تعالي بابا خلي اشوفها شلون هيج مجويه .
سحر : يعني متعرفها هي فاهيه ومتعرف تسوي شي لازم وراه مصيبه
— وشلون عايفيها هيج ممخليلها دهن ولا لافيها مو تجرثم امشي سموره صيحي على احمد خلي يجيبلها دهن من الصيدليه . تعالي ريمه خلي اشوفها خو ممتاذايه هوايه .
ريـم : اني لزم ايدي والحركه والالم موتني رجعت شاغت روحي كمت ابجي مااكدر اتحمل الالم اجه شافه كام يصيح عليهم .
احمـــد : انتو شنو من بشر نسوان تلاثه كاعدات بالبيت تخلون الطفله تروح لطباخ ليش ياامي مو امانه يمج هيج تهمليها .
سحـر : اش لصيح شسويلها بله اضل اركض وراهـا حركت روحها ويجوز هي متعمده حتى تثير شفقتكم .
احمــد : تثير شفقتنه شنو طفله شمعرفه بهل سوالف والله ماادري شلون صايره تحجين ، امشي لبسي خلي اخذج للمستشفى ليروح يتلوث الجلد لازم يكشف عليه طبيب. خلي اشوف مسعود رجع من المحل اخذ سيارته. بختج اليوم لبغداد راجع
— اخــذني وطلع لبيت لصديقه مسعود دك الباب طلعت بيبيته سلم
عليها وطلع موجود راحت تصيحه. اجه مناك عبسي لازم لفه بيده الظاهر جان يتغـده كل مااشوفه اذكر عبسي .
مسعود :-
ها حمودي تفضل خو ماكو شي .!
– خي رايد منك طلب . هاي اختي الصغيره احتركت ايدها بالطباخ
تكدر تنطيني سيارتك اخذها للمستشفى .
— طبعاً كدامك السياره وصاحبه واني جاي وياك .
– لاوالله ماريــد ازحمـك اني اخذها .
— يازحمه انتي اطلب اي طلب واني بي الخدمه وماعوفك وحدكم.
اروح اكول للحجيه واني اجي او وياك هسه اصبر.
– والله والنعم منك. ماشي منتظريك .
ريـم : حمودي هذا ليـش هيـج يحجي انتي مو انت ويبلع الاحرف .
احمـد : سكتي ولج عيب كردي كلامه مكسر موزين يعرف عربي .
ريــم : اهاا بس طلع حباب عبسي .
احمـد : ولج عبسي منو .
ريـم : هذا يطلع بكارتون عدنان ولينا هو يشبه.