أنياب الحياة

البارت الثالث عشر

#أنياب–الحياة
للكاتـبه /ميــس الربـيعي
البارت /الثالث عشر
أيــن انت ، أيـن أنا ..
يقـولون الحبيب لا يستطيع العيش من دونه محبوبته .
فكيف بحبيبٍ هجر كل مايملك .!
لماذا إستعجلت الرحيل .. !
هل كنا عبئ عليك وتخلصت منا بسهوله. ؟
يقولون كنت َ تحبني فأين حبك الان.؟
تعبت وأنا اتخيل ملامح وجهك .
تعبت وأنا انتظر عودتك
فقط اريد معرفه هل مازلت على قيد الحياة
ام الحياة غدرت بك.
لماذا يا أبـي تركتني وتركت أمي حزينه بعدك.
هل هذه مجازاة الوفاء ، بالخدلان ..!
(هذه رسالتي لـك يا أبي إن كنت تحس بي ارجع لنا )

من بعـد مااجتي زوجه عمي الثانيه والهوسه الصارت عمي راح اتحامى باخوه . واحمـد وخالد راحوله يتعاركون وياه.
خابرت فرح تحجيلنه الصار رايدين يتكاتلون وخالد رافع السلام بوجه ابوه كلوله طلكها ماقابل وعنده منها جهال.
مقرر يشتري بيت يكعدها بي ويبعدها عنا. سحر كامت دك وتلطم.
سحـر : ولجن تعالن كابلني سمير ابو النسوان من تالي وكت يكعد ال ... بيت واني شامرني بهاي الخرابه لك ليش يافضيحتي بين العالم. هسه اكيد يتشمتن بيه وانتي اول المتشمتين انتي وامج من شفتج ماشفت الخير بس المصايب جايتني من وراج انتي وامج
— هسه اني شعليه كل شي وذبيتو براسي لا محترميني بهذا البيت ولا تقبلون ترجعوني لامي .
– ولج بحالج اني، كومي ماريد اشوف وجهج المشؤم كبالي بعد . ولي وين متردين تولين بحالها عبالها ماريد ارجعها لامها .
– لزمتني من ايدي وشمرتني بالحديقه وكالت روحي ولي ماريد اشوفج بعد. وحذرت سماره متفتحلي الباب . ضليت ابجي ما اعرف وين اروح ولااندل امي وين رجليه حافيه ماخلتني حتى  البس النعال وهدومي خفيفه.
كعدت بالحديقه بلكت تحن عليه وطببني بالبيت ، متت برد واحس البروده صعدت لراسي. رجليه مااكدر اخليهن بالكاع. صادفت بوقتها الجو بارد وهوى عالي ومغيمه جانت .
ماعندي حل غير ادك الباب واتوسل بيها .حتى طببني بدت تمطر وثلجت. ماقبلت . رجعت من فتحت برده الهول شافتني كاعده .
– ها يغبره مو ترين تروحين لامج متروحين منو لازم. ولج لو مااني ملفيتج وربيتج منو الج فوك متشكريني .حاقده عليه هو انتي بنت امج ميغزر بيج شي لاتربيه ولااكل دضلي هنا فضل مني بقيتج بالحديقه. تريد تروح لامها ، حتى يوم  واحد وتسيبين بالشارع اذا رحتيلها .
بعد لدكين الباب وخليج هنا الا اادبج واشوفج منو الساتر عليج كل هاي السنين ياناقصه التربيه .

رجعت كعدت يم باب المطبخ حتى المطر ميوصلني. تندمت  لان مامتت من شرب النفط . بهذا الموقف كرهت ابويه وكرهت امي بسببهم اني هنا لو ماهو يعوفني ذليله الهم ماصار الي ديصير بيه هسه.
عظامي  احسهم اجمدن بس اريد شي يدفيني. سحر بعد طلعت كل حركتها بيه وعبالك اني كتله ازوج عليها.
بعد ربع ساعه اجو الولد شافوني هيج كاعده تخبلو .
فتحت الباب خالد واحمد شالني وطببني واني ارجف مااكدر امشي
هي شافته دخلني للبيت كلبت الدنيا. ماحجه شي صعدني لغرفته جاب البطانيه وغطاني بيه ونزل جوه.