أنياب الحياة

البارت الرابع والعشرون

#أنياب—الحياة
            للكاتبه // ميس الربيعي
البارت / الرابع والعشرون

ابـــد مـــدوملي الضحكه
ادري بروحــي كلـــش زيـــن
لازم وره مــااضحــك تــنزل دمـــعتي من العين
انـا الـماعشـت مــرتــاح
انـا الــروحــه مـكسـوره
انـا الـروحـه مـاتكدر  اذا مـتنام مقـهوره
انا الكلبـه متـعذب
انـا التعبان من همه .. أنا الماكعد حظه
من جان بطن امه
وين الكه الراحه وين. مو مشت بيه السنين
بالقهر والحيره والهم هيج يجازه الحنين

كعدنه صبح عالباب تندك  عبالي سحر رجعت  رحت فتحتها  .
اتفاجئت معقوله رجعلنه من بعد ثلاث سنوات ..

— شبيج انصدمتي مسلمين على ابوج .

شبكته وبجيت ..

— شبيج وهاي شلون صايره .
– بابا بهذلوني ذلوني دمرت نفسيتي
— دتعاي جوه خلي افتهم  شبيج .. وين امج لعد اخوانج ويكولون صاير عدكم جنه ..

— امي يم سماره ونور بيت اهلها على ابواب ولاده

– خير ان شاء الله  شبيج سولفيلي ،

طلكوني من زوجي وخلوني انخطب لواحد همجي بعد بس الهوى ماكطعه عليه دمر حياتي  اذا ماسوي يريده يهددني بخالد ياذي .

— كله من وره سحر انطيتج للكردي النذل وهسه هذا بدون متاخذ راي معليج انتي اني اخذلج حقج .

فرحت برجعته وجان عندي امل بعمي يخلصني من الضابط ..
بعد ساعه رجعت سحر شافت سمير كلبت وجها ..

رحت اكمل شغل  نزلت للمطبخ واسمعهم يحجون

سمير :-  اكوول سحر  بله زوجتيها لكردي ومااخذتي راي  وسكتت هالمره مطلكتها ومنطتها لواحد جهاله بكدها ليش ماخفتي الله .

— من عابت لذاك الكردي عبالي استفاد منه بشي طلع طلي لامه ..
اما الضابط فدوه لعينه ودلاله هذا يعيشها ملكه ونستفاد منه هم معروف وهم متروس فلوس  ..

— هاا يعني هالدرجه مستفاده منه .
– شنو مستفاده غركنه بخيره ماخله هدايا وذهب ماجابه .. بنت اصيل ماعاجبها .

سمعت كلامهم متت قهر رحت للغرفه ابجي ماريد اشوف وجوهم مخليني سلعه الهم ياهو الاحسن ويستفادون منه ينطوني اله وعبالك اني بدون مشاعر.

بهل الاثناء تلوفني اتصل  باوعت عالشاشه رقم امي راسن جاوبت ..

اصيل :- ولج هاي صدك السمعته مطلكه من مسعود ومخطوبه لواحد غيره ..

بقيت ساكته مااعرف شجاوبها لان كل متتصل اكلها زينه ومرتاحه وجايه خطار يمهم  مااريده تنقهر عليه وهي مريضه ..

— متحجين مو دااحجي وياج ليش جذبين عليه .

— ماجذبت هو اتخلى عني ماقبل يكعدني بغداد .
– قصدج مااستفادت منه سحر وماحصلت شي منه شافتلها خوش صيده .