أنياب الحياة

الــبـارت الــتـاسع عشــر

#أنــيـاب-الـحــيـاة
لـلكــاتبــه / مــيـس الــربيـــعي
#الـبارت-الــتـاســع عـــشــر

وكأن الوصول اليك محرمْ
نظرت حولي فلم ارى  سواك
وكأنك خيال يحاول السيطره عليَ
وكأني ظلام لايثق بضِواك
كأنك الوهم ،وكأن افكاري اللعينه حقيقيه

قمت اريد اكتشاف العالم ..واصلاحه ايضا" يالسذاجتي!
كم اذيت نفسي ..
وكم اذاني الناس من حيث شعروا ام لم يشعرو
تلك الهشاشه التي تجعل من جراحي امراً عفوياً احياناً..
اولئك الذين يعرفوني ..يشكون من هذه الهشاشه
يسمونها حساسيه زائده ..
وعندما انزوي ...
يسموني مغروراً ومتكبراً ومتعاتباً..

فقمت ومنحت نفسي فرصه للحياة
فأن هجرتني ...لم يبقى لي الا وحشتي ووحشيتي ..
خذني مني اليك ..
ردني من سجني الى حريتك ..
انتشلني من ضيق صدري ..
انتشلني من همومي .. من يأسي .. من تكبري .
لااذكر اخر مره شعرت فيها بالسعاده .. أحاول ان اتذكر ولكني لا ارى شيئاً..
€€€€€€€€€€
كعدنه الصبح تريكنه وبدلنه وطلعنه
اجو علينه اخذونه بكوستر و بيت خالته اجوي وتعرفنه عليهم  رحنه لبيخال لعبنه بالشلال وفترينه وتونسنه

تعبت نزلت كعدت يمهم امه كل مااشوفه متحجي ويايه لو تخزر بيه مااعرف شبيها

فترينه شويه وطلعنه نفتر صرنه مجموعات اني وياه واخو ومرته

مسعود : ريم تعال اخذلك من هذا شفقه تريد

- بكيفك ..
اخذلي وحده بيضه كلش حبيتها
صاحتنه مره اخو حبابه وحبتني حجتلي عن اطباع مسعود وعلمتني شلون اتعامل وياه .
خلصنه فره رجعنه لمكانه .. لكيت سحر وجها مكلوب

سحر :- فرحانه موو لتفرحين هواي تره هاي  فره عرس 
- ضجت وبقيت ساكته ..

ابو مسعود :- يلا اذا ماعدكم شي نروح لمكان عالجبل نشوي بي ..
رحنه لمكان عالجبل وجوانه الوادي فرشنه وكعدنه ..

اكو وحده من بنت خالته ابد مانزلت عينها عليه مراقبه كل حركاتي ماعرفت شبيها ومادرت  الها بال ..
خلصنه غده ورجعنه .. للبيت

مسعود :- باجر تحضر نعقد محكمه
احمد :- زين يقبلون يعقدون وهي قاصر .
- باجر اشوف حضرت معارف يتوسطولي .

رحنه ثاني اليوم الصبح للمحكمه
فعلا. القاضي ماقبل يعقدنه لان ممبالغه ، اجه صديقه توسطلنه وعلن القاضي زواجنه . صرت زوجه مسعود رسمياً .
بعدني ممستوعبه يعني خلص صرت زوجته صار مكاني اربيل ، صفنت على سحر تعبانه وكوه واكفه لان صحتها مو تمام كل شويه تتخربط فكرت منو يبقى يمها منو يداريها .

مسعود :- يلا تروحون ويانه للبيت تتغدون .

سحر :- لا خاله تعبانه اريد ارجع للبيت انام روحو انتو
تونسو .
ريم :- لعد شلون اعوفج وانتي متخربطه
- روحي انتي تونسي فرح موجوده داريني
اخذها احمد ورجعو واني ومسعود رحنه سوه