أنياب الحياة

البارت الرابع

"أنياب الحياة"  **بقلم/ميس الربيعي**

البارت الرابع//

سلامـــاً على أهلي   وسلامـــاً على ناسي. سلامــــاً  على احلامي الضاعن مع امنياتي .. انا الصايغ حلم مذبوح وانا العابر لحد الموت
انا الضيعت نفسي من ضاعت اوطاني. عشت بدار الغرب اسير و خَلصت  ايامي . انا الضيعت نفسي من فقدت حنان امي ، انا المحد مستعز بيه انا المذكور بوقت المصلحه ، انا العانيت انا الضحيت انا الوافيت وبس الطعنات هلهلن بضهري .

— طلعت للحديقه اريد بس اشتم هوى واتنفس ضليت اتمشى بالحديقه رحت يم القداح جانت بيبي تحبه ضليت اشتم بي واذكر بيبي وكعداتها هنا من يصير العصر نجيب الجاي والكعك ومرات فرح تسويلنه كيك نكعد نضحك كلنه حتى ماما سحر تخاف من بيبي تكعد تضحك وتسولف ماادري جانت تجاملها عبالي تحبها ، اخذت بيدي عوده صغيره ضليت احفر بتراب الحديقه رجعتلي  ذكريات الكعدات هنا ..
— يله يفرحه وين صار الجاي راح تغيم وجايج مااجه كومي بيبي شذرتي شوفيهن وين داهيات هذني الزوج حتى مايجاوبن .
– بيبي فرح دتسويلنه كيك والجاي على سماره رايحه اشوفهن .
رحت للمطبخ مموجودات والفرن مشتغل وجاي مطفي . لكيتهن كاعدات بالهول يشوفن مسلسل ' عالم ست وهيبه جانن ثابراتنا
- ولجن الجاي وين بيبي ثبرتنه .
سماره : وخري من يم  التلفريون دتشوفين طالعه المسلسله ياجاي يابيبي بطرانه الا تكعد بالحديقه وبوقت المسلسله.
— ولج ام لسان شلنفص هاي مني البطرانه .
– بيبي مو عليج والله بس المسلسله طالعه شوفي مو تحبيها لواليوم الا بالحديقه .
— وانتي يالشلنفص تعلميني وين اكعد اكو واحد يعوف هذا الجو والطبيعه رب العالمين ويكعد بالخنكه بين الحياطين  علمود تمثيليه .
– بيبي اسمها مسلسله .
— دكومي لا اكسر العوجيه عليج هسه . وانتي الثانيه العاقله عود اكول عليها مكابلتها وكاعده علمود تمثيله اطشرن بسرعه ماريد اشوف وحده بيجن كاعده .
ريــم : كامن يركضن للمطبخ وبيبي خلت العوجيه عالطبله وكعدت تشوف  التمثيليه ع كولتها  .
– اكلج بيبي هاي شوكت بدت .
- بيبي هاي من يصير الميل الجبير على 12 تبدي ومن يندار هم على 12 تخلص. اجتي سماره  ها ست الكل شو كعدتي تباوعين
- ها لايابيبي  كلت اضل اشوفلي شويه بين ماتخلصن .
– اي يله كومي لعد خلصنه قبل منروح ننكتل .
- اكلج بيبي تعالي نكعد هنا شو بره اضن شميت ترابه صارت .
– بيبي شنو هالاختلافيه هم صايره لوتيه. الجو يخبل وماكو مثل الطبيعه وهوى الجميل و الي يسمعج يكول كاعدين بلبنان .
– ولج يالماتستحين ناصبه عليه اذا ماكسر العوجيه عليج .
- لاخلص بيبي التوبه هاهيه نكعد هنا هو وين اكو احلى من التمثيليه
ولج تعاي يافرحة بيبيتج. مسميتج فرحه على شنو فرحت بيج ماادري
– شكو ولج صياحج ليوين واصل
- من وره بيبيتج الاختلافيه قبل شويه جو ولطيف وجميل ومدري شنو وهسه لابي ترابه .
– انجبي كافي لتصنفين على بيبي لو تعودتي الا تترزلين .
- يمعوده هي كبرت وخرفت خلصت عمرها ترزل بينه ومسيطره علينا دمشي يله لطلعنه لامغديها ولامعشيها .
ريــــم :
اجن وماحجن شي وحضرن الكوابه وديصبن انتبهت بيبي ماما سمر ماكو .
- ولجن امجن وين بيا داهيه طاشه .
فرح :بيبي دتحجي ويه خالتي مو خطيه مريضه .
- هاي مريضه وهلكد تحجي لو صاحيه شسوي . يله صبن ولجن راسي انسطر من وراجن اخرتن موعد جايي