أنياب الحياة

البارت الرابع عشر

#أنياب–الحياة
للكاتبه / ميــس الربيـــعي
البارت /الرابع عشر

وإن سألوكَ عن الـعذاب .. قــل لهم طفله ماتت احلامها .!
وإن سـألوك عن الغـدر .. قـل لهم اهلها كسرو جناحيها .!
وإن سـألوك عن النصيب .. قل يرزقها الله ويغتصبوه الاهل. !
وإن سألوك عن الحياة .. قل لهم عاشت اسيره في دارها .!

وإن سألوك عن الخدلان .. قل لهم أب ترك ابنته لتنهشها أنياب الحياة !
وإن سألوك عن الصبر.. قل لهم مازالت تنتظر عوده اول من خذلها .!
وإن سألوك عن القوه .. قل لهم طفله تدافع عن نفسها لكي تبعد الذئاب عنها .!
وإن سألوك عن الامل .. فقل لهم هناك رب رحيم ينصر كل ملاك ويخذل كل شيطان.!

صار المغرب اجتي مرة عمي للبيت شافتني كاعده ابجي .
سحــر : شكو هالبجي بهل المغربيه .
— ماكو شي بــس ضايجه .
– كومي من الكاع عندي الج خـبر . باجر امج تجي تشوفج .
– صدك باجر تجي وبابا خاف ميقبل
— شعليه هو لا ميدخل بعد واني خليتها تجي تريد تشوفج .
انصدمت شلون راح تخليها تـجي معقوله فرحانه راح اشوف امي طبينه للبيت ماحاجت عمي ولااني باوعت بوجها نزلت سماره من فوك. 
– هاي شنو محددين موعـد العرس بعد اسبوعين شلحك شجهز مو كتلج شهر كوليلهم.
— هذا الوقت زين وتلحكين المهم خليته الج اسبوعين المهم ميمشي حجي امه اسبوع تريد من هسه مدخله نفسها .
— هي هاي امه لازم دخل نفسها من وراها اتعاركنه خلي يروح يمها واريد اشوف منو يصالحه اني وياه قررنه بعد شهر بس كالت امه اسبوع مشه بحجيها .
– كافي كتلج غيرتلج الموعد ومامشه حجيها كافي روحي خلصت منكم ومن مشاكلكم .

تعاي ريم ساعديني بالمطبخ .
رحت اساعدها بالعشا . طلعت البيض ولحم دنسوي مخلمه. واكفه عالسنك لزمتني ورادت توكع .
– لزميني. بعد مااشوف بعيوني افتر البيت بيه
بابا تعال الحكم امي راح توكع مااكدر الزمها ماادري شبيها .
اجه لزمها دفعته متريده يلزمها. كوه لاخلته يلزمه . اجت سماره خابرت على خالد شويه واجه يركض.
اخذوها للمستشفى . ضليت صافنه شلون اسوي المخلمه شفت اللحم محموس وسماره كتلتي خبطي ويه البيض وخلي بالطاوه.
– مثل ماعلمتج اريد اروح اكمل القرايه حرسب من وراهم اذا صار شي ومعرفتي صيحيني هيج هيج راسبه من غضب الله عليك سجاد انت وامك ماعجبكم تضوحوني الا بأخر امتحاناتي .

— خليت البيض ولحم بالطاوه شويه واستوت جوه اريد اكلبها مااعرف كمت جبت خاشوكه كل مااكلب تنكسر تالي فتتها وعفتها بمكانها طفيت الطباخ ورحت كعدت بالطارمه .
صافنه عالسماء صافيه والنجوم تلمع  ، انفتحت الباب طب احمد
— شكو كاعده هنا .
ماجاوبته وباوعت عالجهه الثانيه . اجه لزم شعري راد يضربني كمت ودفعت ايده .
– ولج غبره شنو احجي مجاوبين ودفعين ايدي. شو دتعاي اعلمج التربيه شلون .
— وخــر عـني امي اتخربطت اخذوها للمستشفى .
– شكو شبيها امي ليش ماخابروني لعد .
راح طب جوه يصيح على سماره بقيت بره اسمع بس صياحهم