أنياب الحياة

البارت التاسع

#أنياب–الحياة
للكاتبه/ميـــس الربيعي
#البارت-التاسع
لايوجد شيء أسمه حظ أو سوء حظ فهذا كله نصيب وقدر وأحياناً القدر يبتسم لكثير من الناس فهذا توفيق من الله أو لأسباب لا نعرفها وأحياناً يمر الناس بعدم توفيق في كثير من الأمور أما يكون نصيبهم أو حظهم هكذا أو عدم توفيق من الله بغض النظر عن الأسباب،

رجـع الخوف بداخلي وشلون تعدي هالليله عليه. ليش هيج دتسوي بيه شلون ينطيها كلبها ابقى بهاي الغرفه .. ضليت اقره ايات وادعي
تخلص هاي الليله مادري شلون نمت من التفكير لو من التعب ...
وبقيت اسبوع على هالوضع. ومرات احس بيها تجي بليل تفتح الباب تشوفني نايمه وتروح ومتخلي اي احد يدخل هي مسيطره عليهم .. الى ان تمرضت جسمي صار بــي طكع حمر  وصخونه
كوه ياله خلتهم يودوني للطبيب طلع عندي حساسيه والولد كلبو البيت عليها خلتني اصعد ويه سماره انام ،
سماره ماعجبها نومتي يمها ويوميه مطلعه حجه لو ترزل بيه مااعرف ليش همين تكرهني و على ابسط الامور تتعارك وتحقد عليه لو تطردني من الغرفه لنص الليل ياله تفتح الباب. لحد ما اتعارك وياها. خالد اخذت اسبوع زينه وهم رجعت وتعودت على اطباعها .
صار موعد الدوام والناس كلها فرحانه دتجهز قررت اكلها تشتريلي صدريه وقميص بس خفت منها قررت اكلها لسماره تحاجيها .
— سموره ممكن اطلب منج طلب.
–  اي كولي بما انو اليوم مزاجي مرتاح احجي شتردين .
— اجتي المدرسه واني ماعندي ملابس العام ماشتريت وصارت قديمات .
– اي لعد متروحين تشترين منو لازمج .
— حبابه سموره كولي لماما تشتريلي اخاف اني اكلها .
– امشي ويايه نروح نكلها .
— صدووك يعني حتحاجيها .
– اي شبيج احجيها شكو قابل  يله امشي..
راحت سماره واني ضليت اسمع من الباب لكتها دتخابر  ومدري عليمن دتحجي وتسب بيها عادي لازم من تخابر يلزمن وحده ويفصلنها .
– ماما اريد احاجيج بموضوع شوكت تكملين .
– احجي شتردين خالتج مو غريبه هاي
— اجتي المدارس وكلها دتشتري اشو ماكلتي نطلع نشتري .
— اي عود شوفيلج يوم واطلع اشتريلج .
– لا مااريد اني عندي مال العام وتنانير جدد هي بس هالسنه شسوي بالصدريه ماريد .
– لعد شكو جايه خابصتني اذا متردين .
— لريم اشتريلها العام مااشترت خطيه لتكسرين بخاطرها .
– وانتي شعليج بصخام محامي الدفاع الها ، مااشترت العام
امشي من وجهي ماكو ملابس يله . مابيهن شي مال العام تلبسهن .
— يــمه شبيج تره طفله و العام مااشترت وقديمه صارت عليها الملابس شدعوه هالحقد ميصير تفرحيها بيوم .

— وغمه تعلميني انتي امشي من وجهي لااطيح حضج انتي وياهها جايه دافعيلي عنها وتعلميني شلون اتصرف  امشي من يمي وخلي اكمل من خالتج واجي اأدبج انتي الثانيه.
ريــم : سمعته هيج تحجي متت قهـر اني ليش ماعندي اهل ليش محد يحبني ليش عافني وراح مافكر عنده بنيه مافكر شيصير بيها والمن عافها ليش ناس حاقده متفكر بس بنفسها رجعت للغرفه كمت ابجي
صافنه على صدريه العام صايره حمره من كثر الغسل والقميص اصفر. خليتهن وكمت ابجي. اجتي سماره  شافتني حسيتنها انقهرت عليه  اخذتني بحضنها وباستني كلتلي لتهتمين هسه تجيج احلى ملابس وتروحين بيهن .
اول مره احس بيها اختي حنت عليه وانقهرت ..
مر اليوم عادي طبيعي. ثاني يوم الصبح اجتي فــرح مريضه كالت،  العصر اخذت سماره وراحن لطبيب. بقيت اني وسحر بالبيت تالي ضاجت
كالت رايحه يم الجيران وصتني اقفل البــيبان كاعده اتفرج تلفزيون
واكرز حــب ؟ اندكت الباب. خفت منو هذا والولد وعمي وميرجعون معقوله هي رجعت لو البنات. رحت فتحت الباب طلع احمد  وياه صديقه مسعود.
— ادري ساعه ياله تفتحون الباب .
– مو خفت افتحها عبالي احد غريب.
— ليش وين راحن شلون يعوفنج وحدج .
– راحن  لطبيب وماما ضاجت راحت للجيران . انت خلصت شغل شعجب جاي من وكت .
— لا اجيت اخــذ مستمسكاتي وطالع .
راح صعد جابهن واجـه ديطلع كال قفلي الباب زين طالع لتفتحيها .
قفلتها
رجعت كعدت اتفرج عالتلفزيون وره شويه اندكت الباب. رحت شفت البنات رجعن طبن وطب وراهن احمـد .
فــرح : ريمه راح صيرين خاله طرت من الفرح وهنيتها واحمد هم هناها واجتي سحر هم سمعت كامت تبوسها وتهلهل راح صير بيبي مكيفه  . طلعت علاكــه انطتنياها كالت هاي الج .
فتحتها طلعت صدريه وقميص وحذاء طرت من الفرح ممصدكه قبل شويه جنت مقهوره وهسه فرحت . سحـر كلبت وجها شنو معناه زوجج ينطيج الفلوس صرفيهن على سوالف تعبانه شبيهن مالت العام بعدهن جدد .
— امي ليش ضايجه اني حبيت افرحها مثل مافرحت بحملي ورجلي يدري وميكول شي .
احمــد : كافي شبيكم. عندي الكم خبر مفرح. راح اتعين بالمطار اني ومسعود عنده واسطه وراح يعينونه .
سحـر : يمه اليوم شنو هالاخبار الي تفرح واخيراً راح اشوفك متعين وافرح بيك . زين المحل منو اله بعد اذا تعينتو
— راح يعزله والغراض يصفيهن . اصلا مو ذاك الشغل بي كال اصفي احســن .
ريــم : عفتهم فرحانين ورحت اشوف ملابسي لبستهن طلعن على كدي كلش فرحت طلعتلهم بست فرح واتشكرت منها وسحر ماعجبها الوضع عوجت حلكها وكالت. يله كافي امشي نزعيهن وروحي للمطبخ حضري وياهن العشا اليوم كلشي ماسويتي كاعده معززه مكرمه ويجيج الاكل عالحاضر .
فــرح : يمه حبيبه روحي صلي ديأذن والعشا تلكي جاهز