أنياب الحياة

البارت العاشر

#أنياب– الحياة
                  للكاتبه /ميــس الربيعي
البارت العاشر
****************
من أشد الأمور إيلاماً هو تعرّضنا للغدر والخيانة من أشخاص اعتبرناهم جزءاً لا يتجزّأ من حياتنا، وثقنا بهم لحدّ الموت، ائتمناهم على أنفسنا، فقابلوا كلّ هذا بالغدر والخيانة، حتى أصبحنا لا نثق بأحد من حولنا، فحزنا وتألمنا وضعفنا من تعاملهم السيء لنا:

الساعه 7 الساعه صباحاً :
فتحـت عيوني  متعوده من اكعد ارفع اديـه ليفوك حتى اتنشط
رفعت ايدي ونسيت مكسوره ، الالم الي اجالي بعمري ماانساه مااحس بايدي موجوده احسها صايره نصين. ردت دااكوم من الفراش مااكدرت الدوخه ساطرتني اباوع على سماره نايمه نومها ثكيل لو صفاره الانذار يمها تصيح متكعد عفتها  كوه تحملت واستندت  بالحايط وامشي  فتحت الباب وطلعت البيت سنطه بعدهم مكاعدين والالم موتني
طلعت بره اذكرت رشا ممرضه كلت اروح هي تشوف وضعي .
طلعت من البيت شفت رشا نازله من التكسي الظاهر راجعه من الخفاره شافتني انصدمت .
— يايمه هاي شبيج منو هيج مسوي بيج
دخت بيدها وكعت  ..
وج يمه لحكيلي هاي ريم مزوركه كل وجها وكعت بيدي تعالي ساعديني .
– يا ستار ياربي هاي شصاير بيها .
ما ادري ساعديني خلي ندخله جوه بين متكعد ونفتهم .
جيبيلي ماي خلي اغسل وجهاز الغضط خاف نازل .

—— بديت شويه احسن بس من الدوخه مااكدر ارفع راسي.
غسلتلي وجهي رشا وقاست ضغطي طلع نازل .
بسرعه يمه عصير برتقال جيبيلي خلي يتعدل .
بس اريد افتهم شبيج . ماكله شي البارحه .
هزيت راسي لا.
شربتني برتقال. بديت شويه اصحصح والدوخه اقل شويه.
جابت ام رشا الريوك ماكدرت اكل جبروني اكلت شويه .
— احجيلي حبيبتي منو هيج سوه بيج يا ميخاف الله
– عمو وكعت الجاي عليه وضربني .
يا ميخاف الله طفله يسوي هيج بيها
— يمه هذوله شنو من عائله
– همه الي اخذو الطفله من امها علمود مصالحهم شتترجين منهىم
اهم شي الفلوس. وهسه تشوفين اذا تبقى يمهم السنه الجايه يزوجوها لاي واحد .
الطفله جسمها حساس مزوركه ليش متخاف الله. وايدها يمكن مكسور متكدر تحركها .
يمه راح اخذها للمستشفى حالتها مينسكت عنها الابنيه ليصير بيها شي
— تردين تبليني بيهم هذوله وين ينجرعون بنتي كعدي وسكتي عالجيها هنا الي تكدرين عليه.
امي شعالجها لازم طبيب يكشف عليها ايدها مكسوره. ويمكن صاير بيها شي هذا الضرب مو سهل متشوفيها شصاير بيها .
— بنيتي اخاف عليج هذوله ناس متخاف الله ماعدهم مانع ياذوج. بتهم همه يحيرون بيها والله يحميها. فكري بيه اذا صار بيج شي من وراهم شيصير بيه. لتفرفحيني هو الوضع تعبان وامن ماكو.ويكدرون كلشي يسون علمود مصالحم .
– دشوفي الباب دتندك اكيد حسو بيها ماكو .

هلا عيني ام احمـد تعالي اتفضلي تعالي يمه رشا هاي ام احمد
سحـر : لا حبيبه مااكدر ادخل بس اجيت اسئل على ريم اجتي يمكم .
— اي خطيه شافتها رشا واكعه وجابتها. هذيج نايمه وتون. شنو الموضوع منو كاتلها .
– ها لا ياكتله وكعت ومندري بيها. خلي اتصل على احمد طلع يفتر عليها .
– هلا خاله . طبعاً ردت اخذها للمستشفى لان حالتها موزين تبقىى هيج وايدها مكسوره لازم تنبني .
— اي لعد شلون هسه يحي احمد ياخذها. غير كعدنه مالكيناه والله انرعبنه عليها .