أنياب الحياة

بارت توضيح

#أنياب—الحياة
للكاتبه//ميس الربيعي

هذا بارت توضيح اكو تفاصيل اختصرت بيها حتى متطول عليكم ، شفت تعليقات بالعام وبالخاص ممقتنعين ببعض الامور وشككو بالاحداث واكو احداث البطله ماذكرتهن هسه رجعت ذكرتهن لذالك قررت اكتب هذا البارت الاحداث المحذوفه حتى مدوخون بالتفكير ....

ريم :- من جيت الهم فرح شافتني متغيره ضلت تسأل عن وضعي وشلون تعاملو ويايه وليش جسمي ضعفان وجهي مسمر .. حجيتلها معامله امه ويايه وتجبرني اطلع الضهر انظف بالشمس واذا مانعت تكلي انتي وسخه ومتهتمين ببيتج ونفسج وبعد حجي على بنات بغداد اضطر اكوم اشتغل ولااسمع حجيها . وحجيتلها الباقي تمرضت تخليني اشتغل والكانونه بيدي وحتى مسعود تغير عليه يكلي سمعي كلام امي وراح شهر ياله رجع ..

فرح :- هذا كله صاير بيج ومندري ليش ماكلتي .

مو امي تاخبرني ترزلني عبالها عايشه بسعاده ومااسئل واني هذا حالي حتى تلفون مااكدر الزمه ..

هو اني انصدمت هسه معقوله هيج عايشه ومسعود نهار كله تمدح بي امي وتكول هسه مدللها بس ليش ناسيتنه ..
كومي خلي اكلها لامي .

لا حبابه لتكليلها هسه تتعارك وياه

— لا متتعارك وياه اصلا تحبه اكثر من ولدها . بس شوفي احسن حل تسوي حتى تخلصين من امه يكعدج بغداد .
– هو اني اريد اجي هنا بس شلون خاف ميقبل .
— وليش مبقبل تره هو ديبقى بالاشهر هنا شعندج مبقيج وحدج هناك حتى تكرب عليج امه احنه منقبل تعيشين هيج حاله بعدج عروس وهيج عاملوج لو صير سنه يمهم شيسون وهذا مسعود مبين لا يحل ولايربط يمشي وره امه . انتي قرري ترجعين وتتحملين لو تعوفيها ورانه ونرجعلج كرامتج .

— لا مااريد ارجع هناك اختنكت حتى كعده مااكدر اكعد واستحي منهم مااحجي ابد طكت روحي محد يحس بيه .
– لعد امشي نروح لامي تشوفلج حل .

رحنه لسحر حجتلها فرح كل الموضوع انصدمت كامت تغلط عليهم
اكيد امه تريد بنت اختها بنات بغداد مو زينات تكول مو بسيطه ياكرديه المسمومه
وانتي ابقي هنا لحد العرس احمد يكمل ونشوفلج حل ويه العجوز امه ..

كالت لمسعود بقيها هنا لحد عرس اخوها حتى تساعدني لان اسبوع يجي نخطبله منطول ويزوجون..

هو حسيته ضاج وشك بالموضوع كلي متاكده علمود الخطوبه ماحجيت شي تاليها راح ..

احمد جان يحب بنت الجيران المطلقه راد يزوجها وسحر كلبت البيت عليه شنو تاخذ وحده مطلقه اكثر من مره طردته من البيت بعدها تعرف على اربع بنات عن طريق النت وحده منهن قرر يخطبها .. بنيه حلوه صغيره ممكمله دراسه عجبتي راحو مشو عليها وافقو اهلها ...
وره اسبوع من جيتي يمهم العقد مالتهم ابو البنيه شرط عليها خلال اسبوع العقد والعرس ميقبل تطول الخطوبه احمد ماقبل صارت مشاكل بينه وبينهم قررو يفركشون الخطبه ..