أنياب الحياة

البارت الخامس

" أنياب الحياة " **بقلم /ميـــس الربيعي**
البارت الخامس /

من أشد الأمور إيلاماً هو تعرّضنا للغدر والخيانة من أشخاص اعتبرناهم جزءاً لا يتجزّأ من حياتنا، وثقنا بهم لحدّ الموت، ائتمناهم على أنفسنا، فقابلوا كلّ هذا بالغدر والخيانة، حتى أصبحنا لا نثق بأحد من حولنا، فحزنا وتألمنا وضعفنا من تعاملهم السيء لنا؛

— استغفرالله ليش امي دتسوي ويه هاي الطفله هسه لاتقبل تنطيها لامها ولامحافظه عليها هنا..! شنو السبب متعرفين
– واني شمدريني بله اكيد اكو فــد سبـب
— مو ادري بيج تحشرين روحج حتى بس تسمعيلج كلمه .
_ مااعرف المهم لضوجيني اليوم فرحانه صار عندي غرفه وحدي وخلصت منج .
— اي فرحانه على تعاسه غيرج متأكده جنتي مخططتلها حتى تاخذين الغرفه لان صايره كبال بيت سجاد لان وين اكو واحد يعوف الغرفه فوك وينزل ليجوه .
— عفيه صايره خوش تفكرين. دشوفي بس افتح الشباك هو تصير غرفته كبالي خو مو فوك ممخلين غرفه كبالهم . عاد من اشوفه اذا يوكف بالبلكونه هو دائماً يكعد بيها اوووف يافرح هذا البيت القصر الي دتشوفي كبالنه حلم عمري شوكت اطبله عروس
– اكول لو تفكرين بدراستج ربع من تفكيرج بي جان صار براسج خير ، دخلي يسمع بيــج خالد يكسرج .
— اهووعلى محطمه الاحلام شو دوخري عندي خلي اصعد اجيب غراضي .
— هو انتي دومج هيج تضوجين من واحد ينصحج ، دهاج هذا تراك ريم انطيهياه خلي تلبسه بقيتها بالغرفه وحدها تبجي من الالم رايحه اجيبلها معقم واجي شويه كلبج ليني عليها هم اختنا تبقى وحرام الي ديصير .
— اي اضوج من واحد تشوفي فرحانه لازم تعكرين مزاجه ، جيبي بعد متريديني البسلهيا ، اخذت التراك وصعدت للغرفه، ودافتح الباب سمعت صوت بالغرفه رأسن فتحت الباب.. لكيت احمـد ديجر بالجرجف . راسن صحت هاي شدسوي
احمــد : شكو طابه جفت جنـج استخبارات .
— شعندك هنا مو لازم بالشغل انت .
– شعندي قابل شوفيها شلون تبجي من الالم كلت اشوف جرحها خاف متاذيه حتى اخذها للمستشفى .
– اهاا كتلي مستشفى ديله اطلع جبتلها ملابسها حتى تلبسهن . مشوفها مرعوبه .
— اهو انتو مو مال واحد يساعدكم طبكم مرض طالع عفيه بيت صاير بس مشاكل .
– تعالي ادبسزز شجان يسوي هنا وانتي مكيفه .
ريــم : على شنو مكيف هو طب كتله روح صار يصيح عليه .
فــرح : هاي شكو ولجن
-– تعالي شوفي لكيت احمد هنا تعالي اشاورج ....
- اني كتله لطب ملابسها مشككه عليها يمكن خاف عليها وانتي بعد تعرفين احمد شلون يخاف عليها ويحبها ويعتبرها ابوها لضلين تفكرين بسوء .