[Unicode]
" ကိုသိင်္ခမိုးသဲကို ဖုန်းပေးလိုက်စမ်းပါ "
မိုးမထိကောင်းမျက်နှာက ရဲတောက်နေပြီးတော့ မျက်ဝန်းတွေလည်း လိုတာထက်ပိုဝိုင်းစက်နေသည်။ ဒေါသကြောင့် နားထင်သွေးကြောတွေပါထင်းထနေပြီး လက်သီးကိုကျစ်ကျစ်ပါအောင်ဆုပ်ထားချေပြန်ရဲ့။ ဒီကောင်လေးက လူကောင်ကသာ ဘာမှမဟုတ်တာ ဒေါသကတော့မိုးမထိကောင်းဆိုတဲ့နာမည်နဲ့ လိုက်ကိုလိုက်တယ်။
" ဖုန်းပေးမနေနဲ့ ကိုယ်ရောက်ပြီ "
လူသုံးယောက်နောက်ရံပြီး ခြေလှမ်းကျယ်တွေနဲ့လှမ်းလာတဲ့သူဆီကို ဆတ်ခနဲလှည့်ကြည့်မိသည်။ ဒီလူ သူ့ဒေါသကို သပ်သပ်မဲ့လာဆွတာ။ တအားကိုတရားလွန်နေပြီ။
" ခင်ဗျား ကျုပ်အကောင့်ကိုဘာလုပ်တာလဲ "
" ကောင်းကောင်း လူကြားထဲမှာစကားကိုအေးဆေးပြော "
" လူကြားထဲကော ဘယ်သူ့စောက်ဂရုစိုက်ရမလဲ အခုချက်ချင်း ကျုပ်အကောင့်ကိုပြန်ဖွင့်ပေး "
ဒီကောင်လေးက သူ့ကိုဟောက်လားဟမ်းလား၊ မျက်နှာကြောတွေနီတောက်ပြီးတော့ ဒေါသကြီးပြနေတာပဲ။ မိုးမထိကောင်းကမလွယ်ဘူးပဲ။
" ဘာလို့ဒေါသထွက်နေတာလဲ ချွေးတွေတောင်ပျံနေပြီ "
လှမ်းသုတ်ပေးဖို့ပြင်တဲ့သူ့လက်တွေကိုကောင်းကောင်းကခါချဖို့ပြင်တော့ အဲ့ဒီလက်တွေကိုပဲဖမ်းကိုင်ပစ်လိုက်သည်။
" ဝယ်ချင်တာဝယ်ပြီးပြီပဲ အိမ်ပြန်မယ် "
ဒီSneaker လေးကိုသူတော်တော်မျက်စိကျမိတာဖြစ်သည်။ အခုလည်းပိုက်ဆံရှင်းရင်းတန်းလန်းနဲ့တစ်ဝက်ကြီးလိုနေသေးတာကို သိင်္ခမိုးသဲကသူ့အကောင့်ကိုပိတ်ချပစ်တယ်။ ဘယ်လောက်ယုတ်မာလိုက်သလဲ။ ဒီလူသူ့ကိုလာစမ်းနေတာဘာဖြစ်ချင်လို့လဲ။
" ခုလွှတ်! ကျုပ်လက်ကို "
" ကောင်းကောင်း နေ့လည်စာချိန်ကျော်နေပြီ "
" ခင်ဗျားစောက်ပူမပါဘူး "
" မိုးမထိကောင်း! "
လေသံနည်းနည်းမြင့်လာပေမဲ့ မာနေတာတော့မဟုတ်၊ သိင်္ခက မိုးမထိကောင်းကို မျက်ဝန်းစူးစူးတွေနဲ့သေချာကြည့်သည်။ အကြောကြီးတဲ့တစ်ယောက်ကလည်းလျှော့မယ့်ပုံမပေါ်။
ESTÁS LEYENDO
နွေဦး ဒိုင်ယာရီ {𝚂𝚙𝚛𝚒𝚗𝚐 𝙳𝚒𝚊𝚛𝚢}✅
RomanceDirected by Kaung ပါ title ပြင်ထားတာပါ The content of this story is purely the author's imagination. Marriaged life || romance || starting date - oct 25 2021 ending date - dec 8 2021 Author - Ciel_Zizawar Coverphoto from pinterest.
